JIMISÍ 1:14 - Kɛ́lɛ Niinaí

¹⁴ Faí fíli núi áá maa lii víli góó ya ngwala ngáá faa ỹɔ́u, aá lɔ́ áá vá ngáá suugɔvɔ́ngi áá kɛ́ maa w̃ɔ́i áá víli faa ỹɔ́i h̃u.

JIMISÍ 1:14 Iomraidhean Croise

MÁFIYU 15:18

Kɛ́ ngoí núi áá kulá la í ndé, aá lɔ́ɔ gúla ndií h̃u, nátii pa tɔ taá nuí ɣɛ́ ngáá kpaló mba w̃ɔ́i Ngala fɛ́lindai h̃u.

MÁFIYU 15:20

Sítii tɔ taá kɛ núi áá ɣɛ́ ngáá kpaló mba w̃ɔ́i Ngala fɛ́lindai h̃u. Kɛ́ mɛɛníi nuí áá mɛ ɛ́i ɣɛ́ yaa wúyai, kíya Falósiaitii tí ndéngɔ ngáá nuu í kɛ, ɛi nuu ɣɛ́ ngáá kpaló mba w̃ɔ́ɔ́.”

MÁFIYU 4:1

Kɛ Hɛ́ɛ́ma Ỹínangi i vaa í peleí ɣɛ́ ngáá Jísu, Jísu í lí ngaalaí h̃u kɛinɔɔ́ Ngutuwɔ́ Ỹína Nyɔí í suugɔvɔ́ ngáá í faa ỹɔ́u ɣɛ.

MÁFIYU 5:28

Kɛ́ nyá lɔ́ɔ nde náa wú w̃á ngáá, nuí fíli áá wɔ́lɛ nyah̃á wa, í ló lá ti hítɛ fááw̃a volú, kɛ maa w̃ɔ́i ɣéle i hitɛí nɔ́ɔ nyah̃ái ná vólu gi má.

LÓÓMI 7:11

Faa ỹɔ́u ɣɛ́ndai i sávai yángengengɔ, í kɛ́ ngáá háwu ngá ngi bólowa. Aáva kɛ saa w̃ul̃á nɔ́ɔ í kɛ́ngɔ ngáá háwu ngí mááhɔlɔngɔ savái w̃áá véle w̃a.

LÓÓMI 7:13

Kɛ ná ná áá ɣɛ́, sí í ngáá faa vánda ná wáá ngáá, savaí, laá lɔ́ í kɛ́ngɔ ngáá háwu ngí sáá w̃ááhɔlɔ? Maa hái aa h̃íí kpósouŋ. Aá ɣéle kulangɔ́ɔ́ lé ngáá faa ỹɔu ɣɛ́ndai i savaí yéɣengɔ nɔ́ɔ ngáá ngi yénge nyááka í kɛ́ ngáá háwu ngí sáá w̃ááhɔlɔ ná w̃áá véle w̃a kíya bɛ́lɛ savái í ngáá faa vánda. Ná vá tɔ a maá kɔ́lɔ mba ngáá kíya faa ỹɔ́u ɣɛ́ndai ỹɔúngɔ pílangɔ kp̃óu.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

HÍBULU 3:13

Kɛ́ aá ɣéle, a wááyaa ỹɔw̃ɔ́ ỹɔ́w̃ɔ liiwúúlɛ ngele fíli áá wó ná nɛ́nɛ kpɛ́ a mu táingi sí h̃u taa ɣɛ́ ma hááwɔ kɛinɔɔ́ faa ỹɔ́u ɣɛ́ndai álaa wú yákpolowa, ɔ́ɔ́ kɛ wɔ́ɔ́ ɣɛ́ ngáá ngoli h̃u bɔ́lɔ mbélaa.

JIMISÍ 1:13

Ná faa báma áá la nuu fíli má ngáá í kɛ ngáá i faa ỹɔ́u ɣɛ, maa w̃ɔ́i álaa ɣɛ́ ta, “Ngalá tɔ́ áá súúgɔvɔ ngáá ngí faa ỹɔ́u ɣɛ́,” sífaa nuu ɛ́i Ngála suugɔvɔ́ ngáá ɔ́ɔ́ faa ỹɔ́u ɣɛ́ kɛlaa maa Ngalá kéle ɔ́ɔ́ nuu h̃úúgɔvɔ ngáá ɔ́ɔ́ faa ỹɔ́u ɣɛ.

JIMISÍ 1:15

Maa hái ná vá nuu áá maa líí víli góó ya ngwala ngáá faa ỹɔ́u, ngi gúlasuunumai aa ɣɛ ngáá faa ỹɔ́u ɣɛ́ndai. Faa ỹɔ́u ɣɛ́ndai va ngi gúlasuunumai aa ɣɛ ngáá kúnafɔ sái.