JIMISÍ 1:12 - Kɛ́lɛ Niinaí

¹² Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

JIMISÍ 1:12 Iomraidhean Croise

MÁFIYU 10:22

Aáva nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yelaa, kɛ́ nuí fíli áá ló ní hái h̃u í ló su ndɛɛh̃úi ya kɛ́ɛ́lɛmai í foló, Ngalá ngáá ngumááwo.

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:22

Jísu í mɔ́ɔ ɣɛ ta, “Wɛ́i nungáitii taá híli ngáá wú ye ná vólu, tí betéve wú wa ɛ́ɣɛ múl̃ɔ ti wú yɛ́ɛ́li, ná vólu, tí ndaaheí nyɔ́u vɛ́lɛ wú wá sífaa nɔ́ɔ wú ngáá nuí síí w̃ɔ́i taa ɣɛ́ ma Nuu Búsa Goo H̃ú Loí volu yélaa, aa lɔ́ ngáá faa vánda wú hááw̃a.

LÓÓMI 5:4

Ná a mu h̃uubangɔ́ áá ɣɛ́ la faa bɔ́lundai yá, na aa kɛ ngáá háwu Ngalá ngí lókohei mu wu. Ngala tókohei mbúi ná vá tɔ áá kɛ ngáá háwu mu gitómaa í ɣɛ́ na.

LÓÓMI 8:28

A mú súúwɔlɔ ngáá Ngalá tóko lɔ nɔ́ɔ fɔ́ faa lɛ́ingaa wa bɛ́kpɛ ti ngáá faa vánda a mu haáw̃a muỹɛ́i a mu longá la, muỹɛ́i i mú lolíngɔ ngáá sí ndóngɔ i ɣɛ́ mú kɛ́.

KƆ́L̃E HESENDAA GƆLƆÍ 2:9

Kɛ́ ná fíli sú, sí pɔnɛngɔ́ Ngalá Kɔ́lɔi h̃u aá wáá ngáá sí, “Sí nuu fíli áá nɛ́ɛ́ tɔí kɛlaa ɔ́ɔ́ maa woo ỹɛ́ni, sí nuu fíli áá nɛ́ɛ gísiyani la ngáá aa ɣɛ, maa hái kái kái tɔ́ Ngala ngí kɛ kíli batɛngɔ́ sítii mbɛ ti longɔ́i ngáá laá Ngála.”

KƆ́L̃E HESENDAA GƆLƆÍ 8:3

Kɛ́ nuí sí ndongɔ́ ngáá Ngalá, Ngalá ngí nuí ná wɔ́lɔ.

KƆ́L̃E HESENDAA GƆLƆÍ 9:25

Sí fíli áá ɣɛ́ ngáá maaỹangi maaɣaalí ná h̃u, nuí yíla ngílangi fíli áá ɣɛ́ maa w̃ááɣaali ná wa, aa luw̃á ma ngáá faa fíli í lá ma í kɛ kíli bátɛ kɛinɔɔ́ í maa w̃ááỹangi ná w̃aahɔ́lɔ, kíya bɛ́lɛ maa w̃ááỹangi ná ɛ́i lɛ́mbi. Kɛ́ mu ndái sí múwaa maa yákpa mbo, ɛi ỹaaní kúnafɔ.

TÍMOTI GƆ́LƆI HELE KÉLEI 2:15

Yenge ngáá hɛmbɛ kpɛ́lɛɛ kɛinɔɔ́ yí Ngalá ndiilɛi. Ɣɛ́ ngáá Ngalá ngénge mɔ́ɔ vánda ngáá yɛi wúfe ngáá ngengengí yíwaa mbo, yí ɣɛ ngáá nuu áá tɔɔỹáa gálambongi wo ngáá pangɔ́.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

HÍBULU 10:32

A gisíya lɛ́ɛ́ ngáá ná h̃u Ndemɔí Ngalángi í tɔɔỹái yakɛ́i ngáá wú yé hése, wú lɔ́vei maanɔw̃ɔ́ bíh̃i bih̃i su laáva wú liilɔ́lɔ ngá.

HÍBULU 11:17

Ndangí Lébilah̃au í ɣɛ́i su ngáá Ngalá, ná lɔ́ í kɛ́ni ná Ngala ngí suugɔvɔ́ni ngáá í ngi lóu yiláá kpéngi Áise gula ngáá saáɣa i ɣɛi náa áá va kulamá ngáá saáɣa kíya bɛ́lɛ Ngala ngí ɣɛ́i naa kúúlo mbóni lá kɔwɔ́ato Áise wa.

HÍBULU 12:5

Wú lééw̃anga ngoí sítii ma Ndemɔí Ngala ngí ndéngɔ wú w̃a ngáá aa wú lííwuulɛ ná wú ngáá ngi léngaa? Ná wáá ngáá, sí í ɣɛ́i ta, “Ní lóu, ná ngáá ngákɛ ngáá háwu ngáá yí maakɛ pánda w̃aahɔ́lɔ, wolí ɣɛ́ má. Ná ngáá kɛ ngáá háwu faa báma í lá í w̃a ngáá sífaa sí yáá ɣɛ́ kɛ́i ɛi ɣɛ péle w̃a, yaá liiỹááni náá hááw̃a.

HÍBULU 6:15

Aáva Lébilah̃au va i liilɔ́lɔni í naa w̃áálɛlɛ kuulóngi Ngala ngí mbói la í mááhɔlɔ.

JIMISÍ 2:5

Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.

JIMISÍ 5:11

Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

PÍTƐ HESENDAA GƆLƆÍ 4:13

Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.

PÍTƐ HESENDAA GƆLƆÍ 4:14

Ná taa ɣɛ́ táa ngɛ́ɛ́li ngóó ỹɔ́u ỹɔ́uni nde wú w̃a sífaa wú ngáá Kílisitii volú yelái ti tá, aá lɔ ngáá faa vánda wú hááw̃a bɔw̃álale ná ná áá ɣɛ, aa ngakɛ́ ngáá Ngalángi Hɛ́ɛ́ma Ỹínangi lɛ́i ngakpángɔ ngwala aá lɔ wú vólu.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ HESENDAA GƆLƆÍ 5:4

Kílisitii lɛ́i ngi háá gulangɔ́ ngáá mbaala w̃ááh̃u béle mbélaa ti wutúwɔɔ w̃ɔ́ɔ́ wala, ná áá ɣɛ yangáimai, aa maaỹa pandá wala he náá wú yáa lɛ́i kúnafɔ ngaah̃ú ɛ́i gúla mba.

NJƆÚ HESENDAA GƆLƆÍ 4:19

Ndongí lɔ́ mu liítii sú bɔw̃álale Ngalá hése tɔ í lóngɔ ngáá mu ye.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 3:19

Nungáitii kínɛi ndóngɔ ngáá ti ye, tiyá lɔ́ ngáá tí háá ỹɔítii kɛ ngáá ti ye, ngí fáa bá ndá tí w̃a ti ɣɛ́ fááw̃a. Faalɔ, a ní hái yeɣé ngáá hɛmbɛ́, wú vólu yáfe wú háá ỹɔítii mba.

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.