JIMISÍ 1:1 - Kɛ́lɛ Niinaí

¹ Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.

JIMISÍ 1:1 Iomraidhean Croise

MÁFIYU 10:3

Ná vólu, Félepi ɛ́ɣɛ Batólomiyu, Tɔmɔsí ɛ́ɣɛ Máfiyu lɛ́i i ɣɛi ngáá pava gula mɔ́i. Ná vólu, Áfiyɔ h̃iỹɛndou loí Jimisí ɛ́ɣɛ mɔ́ɔ́ Tádiyɔ.

MÁFIYU 13:55

Tíwaa mɔ́ɔ́ ɣɛ ta, “Kápindai lói laa ngáá sí? Kɛ́mbɛ ngi njéé laahéingi wáa ngáá Mɛɛloí? Kɛ́mbɛ ngi ndéɣeaitii mbáa ngáá Jimisí, Joosɛ́, Sáimɔ ɛ́ɣɛ Júdɔ?

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:18

Pekaítii ti ɣɛ́i ngáá Ándulu, Félepi, Batólomiyu, ɛ́ɣɛ Máfiyu. Ná vólu, Tɔmɔsí ɛ́ɣɛ Jimisí. Jimisí í ɣɛ́i ngáá Áfiyɔ h̃iỹɛndou loí. Ná vólu, Tádiyɔ ɛ́ɣɛ Sáimɔ. Sáimɔ i ɣɛi ngáá nungái sítii ti tá yílaa ti ɣɛ́i loí tí tí lɔ́wɔlɔi wúmaawo Lóómi gɔmɛtií yáa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:30

kɛinɔɔ́ a maa wúyeni a mú laaỹɛ́ ỹanda yílaa tééve yiláá má ní w̃ásandai h̃u. Ná vólu, wú ɣɛ́ masandáá h̃u wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:15

Máfiyu, ɛ́ɣɛ Tɔmɔsí, ná vólu, siỹɛndópoi sí tɔ́ɔ ɣɛ́ ma Áfiyɔ ngi h̃íỹɛndou loí Jimisí. Ná vólu, Sáimɔi sí í ɣɛ́i ngáá nungái sítii ti tá yílaa ti ɣɛ́i loí tí tí lɔ́wɔlɔi wúmaawo Lóómi gɔmɛtií yaa.

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

NJƆÚ 7:35

Kɛ Júsuai ti wutúwɔaitii ti ɣɛ́a ỹɔw̃ɔ́ ỹɔ́w̃ɔ w̃a, “Míl̃inda lɔ́ siỹɛndópoi sí íwaa ɣɛ́ i lí na ngáá a mɔí tɔ? Baa ɔ́ɔ́ ɣɛ́ yɛ́ɛ́ áá lí mbéinda a mu vóngai ti vahá fáhangɔ na Gilísi yélaitii ndiiwáá, ngáá í ɣɛ́ áá Gilísi yélai galambó?

TI GƐ́Ɛ́ HAÍTII 1:13

Ná tí fóloni Jɛlúsɛl̃ɛ, tí lííni tí lɛ́ ngeleya pɛ́lɛi wu lómui ná h̃u ti ɣɛ́i na. Sítii ti ɣɛ́i lómui ná h̃u ti laahéingaitii ti ɣɛi ngáá, Pítɛ, Njɔú, Jimisí, Ándulu, Félepi, Tɔmɔsí, Batólomiyu, Máfiyu, Jimisí sí í ɣɛ́i ngáa Áfiyɔ h̃íỹɛndou loí, ɛ́ɣɛ Sáimɔ sí í ɣɛ́i ngáá nungái sítii ti tá ti ɣɛ́i loí tí tí lɔ́wɔlɔi wumááwo Lóómi gɔmɛtií yaá, ɛ́ɣɛ múl̃ɔ Júdɔi sí í ɣɛ́i ngáá Jimisí h̃íỹɛndou loí.

TI GƐ́Ɛ́ HAÍTII 12:17

Kɛ Pítɛ loko ɣɛa ngáá ti ye mɛ́mɛ ngáá tí w̃áá ɣɛ ló. Laáva i suugúlani náa ti w̃a kɛ kíya Ndemɔí Ngalá ngí kulangɔ́ kpindi vɛlɛ́i wu. Kɛ i ɣɛa ta, “A faí sí le Jimisí w̃á taá mu mbála Yalá fɛ́li mbeláá vekaítii.” Kɛ i gulangá naa wa, í li ỹanda véka.

TI GƐ́Ɛ́ HAÍTII 15:13

Ná ti vílani yɛpɛmá, kɛ Jimisí i yɛpɛngá, i ɣɛ ta, “Mu mbálangaa, a wolílo lɛ́ɛ!

TI GƐ́Ɛ́ HAÍTII 15:21

Sífaa savaí wɔ́lɔ Ngalá ngí féni Muusé yáá nungáitii faaw̃a, kaví té náa wɔ́lɔ táa suu haa lé taa kpɛ́lɛɛ su. Ná vólu, taá ti galámbo Ngala fɛ́li máákpɔ wotaítii mbu hɔ́wɔ fíli Ndɛɛlɛmbó Ngála Fɛ́li Fóloi w̃a.”

TI GƐ́Ɛ́ HAÍTII 15:23

Kɔlɔí tí pɔnɛní, tí fení ti yaá ngáá ti líi la, suu woí i ɣɛi ngáá sí, “Niỹɛ́i ni ngáá Ngalángi géélaitii ɛ́ɣɛ kele ɣelé mbélaitii Ngala fɛ́li mbélaitii faaw̃a, ni mɔ́ɔ́ ngáá wú mbála Yalá fɛlí mbélaitii, ní hái wú kpɛ́lɛɛ má wɛ́i wáá ngáá Júsua wú vílinga Ngalá fɛ́lindai sí h̃u aáva wú héini Átiyɔ taí h̃u ɛ́ɣɛ Síliya ɛ́ɣɛ Silísiya lataítii su.

TI GƐ́Ɛ́ HAÍTII 2:5

Ná h̃úu vá Júsuaitii Ngala ndúwambai í ɣɛ́i ti h̃u tiyɛ́i ti gúlani ndɔwɔlɔ́ vékaitii kpɛ́lɛɛ sú tí ngeleí sí wu, ti ɣɛ́i Jɛlúsɛl̃ɛ ná h̃u fái sí í ɣɛ́ni.

TI GƐ́Ɛ́ HAÍTII 21:18

Ná ngele í wóni, naa Pɔ́ɔni ní liiní ngáá ní Jimisí lɔ́, aáva Ngala fɛ́li mbélai ti géle ɣele mbeláitii kpɛ́lɛɛ ti ɣɛ́i na.

TI GƐ́Ɛ́ HAÍTII 23:26

“Nyɛ́i ngí ngáá Kulɔ́diyasi Lésiya, ngí há í w̃á Masangí Fílesi yɛ́i ngufema wála í í yɛ.

TI GƐ́Ɛ́ HAÍTII 26:7

Niỹɛ́i ni ngáá Júsuai ni niỹa lɔ ngáá nde kpambi púúngɔ maah̃úú félengɔ, kuulongí sí lɔ́ í ngáá ni gitómai ni Yála fɛlindái h̃u kpindí bɔ́ngɔ fólo wa. Masangí Agílepa, kitomái sí lɔ í kɛ́nga Júsuaitii táá faa vɛ́lɛ mbá.

TI GƐ́Ɛ́ HAÍTII 8:1

Sɔ́ɔ va i ɣɛi na, laáva í lúw̃ai ma ngáá tí Sitívi vaa. Folói ná w̃aa vá tɔ faa bá ndándai Ngalá fɛ́li mbélaitii ma í tɔ́kula héini Jɛlúsɛl̃ɛ taa walái h̃u. Kɛ léi Ngalángi géélaitii taá váha fáhani, kɛ́ Ngala fɛ́li mbélaa vekaítii kpɛ́lɛɛ tí vahá fáhani Judíya lataí h̃u kpɛ́lɛɛ taá Samááliya lataí h̃u.

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

GALÉSIYA 1:19

Aáva í síɣe Pítɛ wa, ngáá Ngalángi gééla veka fíli tɔ́ni kɛ nɔ́ɔ léi Jimisí, Ndemɔí Jísu ndéɣei.

GALÉSIYA 2:12

Pítɛni ngaa sítii taa ngáá Júsua, kɛ́ tí ɣɛ́i náa laí ngáá Jísu, ti ɣɛ́i taá lááỹɛ ỹanda yílaa. Kɛ́ ná Jimisí í Júsua lɛingáá lɔ́veni Átiyɔ, Pítɛ ɛ́i beé mɔ́ɔ́ kɛ tɔɔ́ lááỹɛ taa sítii taa ɣɛ́i ngáá Júsua. I ná ɣɛ́ni bɔw̃álale, i ɣɛi áá lúwa sítii mba ti ɣɛ́i loí taayáá sítii tɔve pɛlɛ́ vólu taa ngáá Júsua.

GALÉSIYA 2:9

Jimisí, Pítɛ ɛ́ɣɛ Njɔú, tiyɛ́i naa Yála fɛli mbélai taa ti yéɣe ngáá ngutuwɔ́aitii, tí ngátɔni mba ngáá kɛ Ngalá ngí ngengengí sí héngɔ ngéya gba ngáá ngí mbo. Faalɔ, tí fáma wóni ní w̃a naá Bánaba ngáá í ngákɛ ngáá kɛ ni lɔ́ngɔ niỹá lɔ́ɔ ngenge ngílaa mbó. Ni kpɛ́lɛɛ ní lúw̃ai náa ma ngáá nyá ɛ́ɣɛ Bánaba ni lí naayáa kééla wóó vándai lé sítii ma taa ngáá Júsua, tiyá va ti lí taayáá nde Júsuaitii ma.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

TÍMOTI GƆ́LƆI HELE KÉLEI 4:21

Kɛ ngáá hɛmbɛ́ yí vá p̃ɛ́ɛ́ kɔɔlɛ́ hɔ́wɔi ɔ́ɔ́ fólo ma. Yubɔlɔ, Pudɛni, Lanɔ, ɛ́ɣɛ Kulɔ́diya ɛ́ɣɛ Ngala fɛ́li mbélaa vekáitii kpɛ́lɛɛ ti hááni í w̃a.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

PÍTƐ HESENDAA GƆLƆÍ 1:1

Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.

FAA YÁKƐ KƆ́LƆI 7:4

Tí ndéni má ngáá kɛ sítii kínɛi tí Ngalángi lókovongi vúni ti lavála, ti ɣɛ́i ngáá nuu tásu seiw̃aá hɔ́ndɔ ngiláá puu nááningɔ maah̃úú naaní (144,000). Nungái nátii kpɛ́lɛɛ tí gúlani nde kpambi púúngɔ maah̃úú félengɔitii su Ísulɔ yélaitii su.