Biblia Todo Logo
Bìoball air-loidhne

- Sanasan -




FÉLEPA 4:9 - Kɛ́lɛ Niinaí

9 Sí fíli wú naa wɔlínga ngéya ngáá kalambo ɔɔ sí wú maahɔ́lɔnga ngéya ɔɔ sí wú mɛningá ndá ɛ́ɣɛ sí wú tɔwá sú, a ti ɣɛ. Aáva Ngalá pa lɛ́i áá ndiiheí he nuu yɛ́ aa ɣɛ wú vólu.

Faic an caibideil Dèan lethbhreac




FÉLEPA 4:9
36 Iomraidhean Croise  

“Kpela niinángi ɛ́i nɛ́ɛ́ ɣɛ siỹɛ fáá wɔlɔ́, aá lɔɔ vá koo yeɣéma, í siỹɛndóu lou le, aáva taá tóli ngáá Imanyuwɛ. Ná wúi wáá ngáá, Ngalá tɔ a mu liiwáá.”


Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”


Nuí kpɛ́lɛɛ táa le taa tóli ngáá ‘Kawálai, Kawálai’ tɔɔ ɣɛ́ taá vá ɣɛ́ma Ngalángi w̃ásandai wu, kɛ nɔ́ɔ léi sítii taa sítii kɛ ní Kɛ́ɛ́ɣɛ lóngɔ la lɛ́i í ngelegóóh̃u.


Jísu í mɔ́ɔ ɣɛ ti w̃a, “Ndeénii le wáá ɣɛ wáá tóli ngáá Kaamɔ́ɔ́ Kaamɔ́ɔ́, wɔ́i kɛ wɔ́ɔ́ sí ɣɛ ngáá nde wú w̃a ngáá wú kɛ?


Kɛ Jísu i ti kpɛ́lɛɛ ngóó yápotenga, i ɣɛ ti w̃a, “Ní njéeni ngaa ní ndéɣeaitii mbaa ngáá sítii taá Ngalá ndaa wói ỹɛ́ni, ti híya la.”


Ná wú faí sítii kɔlɔ́ naá, ná wáá ti ɣɛ, aa lɔ ngáá faa vánda wú hááw̃a.”


Ná wɔ́lii wáá híya ngáá savaí sítii ngí ndangɔ́ wú yaa, kɛ wá lɔ ngáá ní mbálangaa.


Kɛ Jísu njée va i ndengá ndɔɔ yakɔ́lɛ wɔlɛ mbélai ma, i ɣɛ ta, “Sí fíli Jísu áá ndé wú w̃a ngáá wú kɛ, a kɛ.”


Kɛ́ yooɣé náa yí lɛ́ tái sí h̃u, sí va ngí kule í í w̃á ngáá yí kɛ taá nde í w̃á.”


Bɛlɛ́ Ngalá lɛ́i áá ndiiheí hé nuu yɛ́ í ɣɛ́ wú lóów̃a wú kpɛ́lɛɛ. Amíína.


Ná vá kɛngɔ́ Ngalá lɛ́i áá kɛ́ ngáá háwu mú ndííhei w̃aahɔ́lɔ aá lɔ́ɔ vá Setána ɣɛ kíli ỹaani má h̃úmbuwa í ɣɛ́ ngáá wú gɔ́wɔ wú wɔ́li kɛ kíli. Bɛlɛ́ a mu Lemɔ́i Jísu háá bɔ́wɔi í ɣɛ́ wú yɛ.


Faalɔ, bele pá wɔ́lii wáá laaỹɛ́ ɔɔ wú ŋani bɔ́le ɔɔ sí fíli nɔ́ɔ wáá kɛ, a kpɛ́lɛɛ kɛ́ ngáá kɛinɔɔ́ Ngalángi í ngúfema w̃ááhɔlɔ su.


Sífaa Ngalá tɔ́ ngáá Ngalá áá faa yéɣe kɔwɔ́ w̃a, í kɛ ngáá ndiiheí véle kɛ́ aa ngáá faa yáfahangɔ Yála. Kule lɔ́ nyah̃áitii ma ti w̃ááɣɛngɔ í ɣɛ́ la ló, tálaa yɛ́pɛ Ngala fɛ́li máákpɔitii su kíya nɔ́ɔ í na Ngalá fɛ́li mbélaitii ndiiwáá tí ỹándaitii kpɛ́lɛɛ kpɛ́lɛɛ. Ngutuwɔ́ háá álaa ɣɛ́ nyah̃áitii toko h̃u Ngala fɛ́li máákpɔitii su kíya Ngalángi hávai í féni Muusé yaá í ndéngɔ.


Wú w̃áánɛɛnɛngɔ le kái, ngáá wú túva veléi ya ngéɣe, ngí ɣɛ́ ngáá tɔmaseí wú hááw̃a.


Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.


Mu mbála Yalá fɛ́li mbélai, a waayáá híya ngáá túva veléi, ná vólu, a waayaa sítii ngasɔ́bɛ táá híya ngáá sí ní wú gálambongɔ la.


Ná ná áá ɣɛ́, Ngalángi lííhei sí nuu fíli ɛ́i ngatɔ́ mba aa kɛ ngáá háwu ndiihɛlɛ́ ngɛ́i ɣɛ́ wú líítii su kɛlaa kisíya ɔ́ɔ́ víli wú w̃a. Ná va ngáá ɣɛ wú báha gilíi wa Jísu Kílisitii wa.


Wú hítɛa ni gɔwɔ́ vó su naá Ndemɔí Jísu, aáva kíya bɛ́lɛ wú w̃áánɔw̃ɔngɔ kɛ́ wú lókoheingɔ keela wói wu ngáá kooh̃unɛ́i nuu áá mááhɔlɔ Hɛ́ɛ́ma Ỹínangi w̃áá véle w̃a.


Mu mbála Yála fɛ́li mbélai, sí í lái mu mbála Yalá fɛ́li mbélaa vekái sítiini ma ti báhangɔ Jísu Kílisitii wa ti Judíya lataí h̃u, ngi híí lɔ nɔ́ɔ jɔ́ wá bɛ́lɛ í lángɔ wú w̃a. Ná wáá ngáá, sítii ti ngáá wu bɔ́wɔ bɔ́wɔ híí yélai tiyá lɔ́ tí faa bá ndángɔ wú w̃a kɛ kíya nɔ́ɔ tiyá bɛ́lɛ ti bɔ́wɔ bɔ́wɔ híí yélai, ná wáá ngáa, Júsuaitii tí faa bá ndáni ti w̃a.


Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.


Mu Lemɔ́i Jísu i kɛ́a ngáá háwu ni langɔ́ɔ́ lé lá ngáá wá lɔɔ sítii kɛ ní ndéngɔ wú w̃a ngáá wú ɣɛ́ wáá tí ɣɛ́ aáva wá lɔɔ́ ndí ngu ma ngáá ti ɣɛndáá.


Bɛlɛ́ Ndemɔí Jísu hɛ́ɛ́ í ɣɛ́ í w̃á ɛ́ɣɛ Ngalángi háá bɔwɔí í ɣɛ́ wú kpɛ́lɛɛ mbɛ́.


A waá bɔ́wɔ vɛ́lɛ ngáá ngoli lóngi nɔ́ɔ wáá mbó Ngalángi gééla woí w̃a, kɛ́ aá ɣéle, a hiya ngáá sí wáá mɛ́ni.


Faale, mu mbála Yalá fɛ́li mbélai, a yakpá gíte kɛ́ŋɛ ngáá tolíngi ɛ́ɣɛ tokolómbai Ngalá ngí mbónga ngáá wú ye, í wú ɣɛ́ ngáá ngi vóngaa, maa hái ya ngí ɣɛ́ gíte kpál̃au ngáá aa siɣemá ma. Ná wáá ná ɣɛ́, kúnafɔ wɔ́i mɔ́ɔ lokogúla Ngala fái h̃u.


Sí fíli a maá Ngála fɛ́li faaw̃a, aa fe mu yaá bɔw̃álale a mu golóngɔɔ lé ngi hávaitiini mbu ɛ́ɣɛ mú wáá fái sítiini kɛ ti ngáá ndiivó fáitii.


Lean sinn:

Sanasan


Sanasan