FÉLEPA 4:8 - Kɛ́lɛ Niinaí

⁸ Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

FÉLEPA 4:8 Iomraidhean Croise

MÁFIYU 22:16

Kɛ tí tí híya polu yeláitii tɛingáá lɔ́vea ɛ́ɣɛ Masangí Hɛ́lɔdi guuwu h̃uu yélai tɛingáá Jísu yelé. Kɛ nátii ti ɣɛ́a Jísu w̃a, “Kaamɔ́ɔ́, ní kɔ́lɔ ngáá yá lɔ́ ngáá tɔɔỹáa w̃ɔ́ɔ́. Yáá kalambongí wó ngáá tɔɔỹaá Ngalángi vélei w̃a nuu búsai hááw̃a, sífaa yáá beɣéi ngáá sí nungáitii taá gisíya la, bɔw̃álale yáá beɣéi nuu yéɣe fááw̃a kɛ kíli h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:20

sífaa Hɛ́lɔdi i ɣɛi áá wúfe ngwala Njɔú w̃á. Ná vólu, áá maah̃ú béle, bɔw̃álale i ɣɛi kɔlɔ́ ngáá kɛ Njɔú lɔ́ ngáá telembo mɔ́ɔ́ ɛ́ɣɛ hɛ́ɛ́ma w̃ɔ́ɔ́. Ná Hɛ́lɔdi ɔ́ɔ́ Njɔú wói ỹɛ́ni, ɔ́ɔ́ ndiiỹááni ngwala. Kɛ́ ná fíli sú, i ɣɛi loní ngáá Njɔú wói ỹɛ́nindaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:15

Kɛ Jísu i ɣɛa ti w̃a, “Wáa bɔ́wɔ gúla nungáitii ngaah̃ú ngáá kɛ wá lɔ ngáá nuu vánda, kɛ́ Ngalá ngí kɔlɔ́ sí í wú líítii su. Sí áá núu búsai yaah̃ú laahé ngwála ɛi hei Ngalá ngaah̃ú kɛlaa ɔɔ ló la.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:25

Ná h̃úu vá, siỹɛndópo yiláá i ɣɛi Jɛlúsɛl̃ɛ taa h̃u, ndaahéingi í ɣɛ́i ngáá Símiyɔ. I ɣɛi ngáá nuú Ngalá ndúwamba í su, ná vólu, i ngáá telembo mɔ́ɔ. Aáva i ɣɛi áá naa w̃áálɛlɛ ngáá Ísulɔ yeláitii tí ngumaawóngi w̃aahɔ́lɔ ɔ́ɔ́ ɣɛ́a ha. Aáva Hɛ́ɛ́ma Ỹínangi í ɣɛi polú.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:50

Siỹɛndópo yiláá i ɣɛi na, taá ɣɛ ma Joosɛ́, i gulaní taí sí h̃u taá náá lolí ngáá Alemátiya, í Judíya lataí h̃u. I ɣɛi ngáá telembo mɔ́ɔ. Aáva í ɣɛi áá Ngalángi w̃ásandai w̃aalɛ́lɛ. I ɣɛi ngáá Faa H̃uu Haa Lé Mbélaitii ti tá, kɛ́ ndaahɔ́ ngáá ɣɛi ti háá h̃uubatɛngi ta fíli su ɛ́ɣɛ ti lúva veléi kɔwɔ́ato Jísu wa.

NJƆÚ 7:18

Nuí áá ɣɛ áá yɛ́pɛ bɔwɔ́ haaw̃a, aa ná ɣɛ́ ngáá í ngufema w̃ááhɔlɔ bɔwɔ́ yɛ, kɛ́ nuí sí áá ɣɛ́ áá faa ɣɛ́ ngáá nuí í tɔvengɔ́ í ngufema w̃ááhɔlɔ su, maa w̃ɔ́i lɔ ngáá tɔɔỹáá w̃ɔ́ɔ, faa fíli aa na ɔ́ɔ́ ɣɛ́ ngáá ndɛɛ́ kɔwɔ́ato mba.

TI GƐ́Ɛ́ HAÍTII 10:22

Kɛ nátii ti ɣɛ́a ma, “Kɔníliya sí í ngáá nuu wálai Lóómi hoyaitii ti w̃aah̃u w̃ɔ́i ta laa lɔ í ni lɔ́vengɔ í yéle. Aá lɔ ngáá telembo mɔ́ɔ Ngalá ngaah̃ú. Ná vólu, Ngalángi lúwamba lɔ́ sú, aáva Júsuai kpɛ́lɛɛ taá wufé ma. Ngalángi w̃áleka i ndengɔ́ ma ngáá í nde í w̃a yí vá ngi vɛ́lɛ la kɛinɔɔ́ sí í í la yáá va ndemá ma í mɛ́ni.”

TI GƐ́Ɛ́ HAÍTII 22:12

Siỹɛndópo yiláá ndaahéingi i ɣɛi ngáá Ananáya í vááni ngáá í tɔ́. I ɣɛi ngáá koló mɔ́ɔ́ Ngala sávaitii mbu. Ná vólu, ngufema wála i ɣɛi mbɛ Júsuaitii kpɛ́lɛɛ ngéya ti héini taí ná h̃u.

TI GƐ́Ɛ́ HAÍTII 6:3

Faalɔ, mu mbálangaa, a lokolo siỹɛ́ ngɔ́felangɔ wa wú h̃u sítii wú ti wɔlɔ́ ngáá Hɛ́ɛ́ma Ỹínangi í ti volú ɛ́ɣɛ ti géle ɣeléngɔ. Tiyá lɔ náa maá ngéngengi sí géle ti w̃a ngáá ti waa háá.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

LÓÓMI 13:3

Masangáitii taa ngáá nduwá mba yélaa nungái sítii fááw̃a ti lúva veléi vangɔ́, kɛ́ tiyá lɔ́ ngáá nduwá mba yélaa sítii fááw̃a ti ngáá faa ỹɔ́u ɣɛ mbélaitii. Kule áá ma nuu ɔ́ɔ́ lúwa masangáitii mba. Sí ɣɛ́ nɔ́ɔ léi í péle w̃a aáva taá ɣɛ́ taa í lɛ́ náá hááw̃a.

LÓÓMI 14:18

Ná wáá yénge Kílisitii yɛ́ h̃íí na, kɛ Ngala ndiivó fái wul̃á wáá ɣɛ́ wáá kɛ, aáva nungáitii taá ɣɛ taa wúfe wú w̃a.

LÓÓMI 2:29

Júsu w̃ɔɔ gíte gítei waa ngáá, nuí kí mai áá ɣɛ́ kpál̃au ti lowah̃u táa Ngalá. Nuu lɔ́vendaa pɛ́lɛ vólu ngi gíte gítei waa ngáá sí Hɛ́ɛ́ma Ỹínangi áá kɛ́ ngáá háwu aa ɣɛ́ nuu líí h̃u, aa ngáá sí táá téve nuu lúwui wa. Nuí síí w̃ɔ́i tɛ́ngi áá mááhɔlɔ aa gula Ngalá ngéya, ɛi gúla nuu búsa yáa.

KƆ́L̃E HESENDAA GƆLƆÍ 4:5

Náá hááw̃a, waá nuu fíli mbááleve p̃ɛ́ɛ́ kɔsɔ́ kuí ɔ́ɔ́ ɣɛ́a foló ma. Ngakɛɛlɛ́ kɔ́sɔngi lɔɔ vá ná h̃u Ndemɔí Jísu áá va vááma ma. A naa w̃áálɛlɛ Ndemɔí Jísu í vá. Laá lɔ sí ndɔɔwungɔ́i áá kula kalá kála ma aáva aa nuu búsai lii h̃ú haítii maa ɣɛ kpál̃au. Táingi ná h̃úu vá, nuí yíla ngílangi kpɛ́lɛɛ aa tɛ ngóó w̃ááhɔlɔ ngáá kule í ma í mááhɔlɔ Ngala ngeyá.

KƆ́L̃E GƆ́LƆI HELE KÉLEI 13:7

Niỹá lɔ́ɔ Ngala fɛ́li ngáá wálaa faa fíli kɛ́ áá péle w̃a. Naá Ngala fɛ́lima h̃íí ngáá kɛinɔɔ́ nungáá ti tɔ́ ngáá kɛ naá baah̃ángɔ bɔ́wɔ wú, kɛ́ kɛinɔɔ́ wú sí ɣɛ í péle w̃a kíya bɛ́lɛ ni gúlangɔi ngáá kpaah̃á yélaa,

KƆ́L̃E GƆ́LƆI HELE KÉLEI 6:8

Naá ngúfema w̃ááhɔlɔ, ni mɔ́ɔ mbɛlɛ ỹaaní w̃ááhɔlɔ. Naá ngɛɛlí mááhɔlɔ, ni mɔ́ɔ tɛ mááhɔlɔ. Taá ndé ngáá kɛ niỹá lɔ́ ngáá ndɛɛ yélaa, kɛ́ niỹá vá naa tɔɔỹái le.

KƆ́L̃E GƆ́LƆI HELE KÉLEI 8:18

Niyá lɔ́ɔ́ Ngala fɛ́li mɔ́ɔ yiláá pɛ́lɛ mba lɛ́i ngufema wála í mbɛ Ngala fɛ́li mbélaitii kpɛ́lɛɛ ndííwaa ngi yénge mbo kíli w̃a keela wóo vándai le fái h̃u.

KƆ́L̃E GƆ́LƆI HELE KÉLEI 8:21

Ni lií h̃u hái waa ngáá ni sí ɣɛ́ áá ɣɛ́ pele w̃a Ndemɔí Ngála ngááh̃u ɛ́ɣɛ nuu búsaitii.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

Ɛ́FƐSƆ 4:25

Náá hááw̃a, ndɛɛ gɔ́ɔ́landaa aa mɔɔ su. A mu yilá ngíla p̃ɛ́ɛ́ a mu ɣɛ́ ngáá tɔɔỹaá wóó le mbélaa ỹɔw̃ɔ́ ỹɔ́w̃ɔ w̃a bɔw̃álale a mu kpɛ́lɛɛ mu báhangɔɔ lé su Jísu Kílisitii wa.

Ɛ́FƐSƆ 5:9

A yakpá wú sí ɣɛ Ndemɔí Ngalá ndóngɔ wú kɛ. Sífaa, ná nuu áá ɣɛ́ kala kala ma í gɛ́ɛ́ haítii taá ɣɛ́ ngáá faa vánda ɣɛ́ndai ɛ́ɣɛ telembongí ɛ́ɣɛ tɔɔỹái.

Ɛ́FƐSƆ 6:14

Ná hááw̃a, a loo gíli bátɛ ngáá tɔɔỹaá gééla woí kɔwɔ́ato Ngalá mba ná áa ɣɛ́ ngáá bɛ́ti ɣɛ́ kíli ngilingɔ́ áá ɣɛ́ la wú líí h̃u ɛ́ɣɛ wú lélembongɔ í ɣɛ́ la Ngalá ngááh̃u ná áá ɣɛ́ ngáá kíya nɔ́ɔ nuu áá ŋáni vɛ́lɛ gaká h̃ú naa w̃ááh̃u béle fááw̃a.

FÉLEPA 3:1

Mu mbála Yalá fɛ́li mbélai, ngapúma haí waa náa ngáá sí a gooh̃unɛ́ɛ́ wú báha gilíi w̃a Ndemɔí Jísu wa. Aa ngáá faa fíli ngéya ngáá ngí fái sítii pɔ́nɛ wú yéle múl̃ɔ ngí pɔ́nɛni hése. Laáva aa ɣɛ ngáá kpɔmba wú hááw̃a wú lángitii ndo fái w̃a wú líítii su.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.

TƐSALÓNIKA HESENDAA GƆLƆÍ 4:12

Ná lɔ́ áá kɛ sítii taá lái ngáá Jísu Kílisitii taá ngufema hé wú yɛ́. Aáva wɔ́i mɔ́ɔ lokola nuu fíli má wú béɣema háá fíli fááw̃a.

TÍMOTI HESENDAA GƆLƆÍ 2:2

Wú Ngala fɛ́li ndɔwɔlɔ w̃ásangaitii mbɛ́ ɛ́ɣɛ tóów̃aa mba yélai kpɛ́lɛɛ kɛinɔɔ́ mú lɛ́ɛ́h̃ui h̃uuhíya lɛ́i lɛ́i ndiiheí h̃u, kɛinɔɔ́ mu ɣɛ́ maá fáitii kɛ Ngalángi lúwambai h̃u ɛ́ɣɛ ngufema véle h̃u.

TÍMOTI HESENDAA GƆLƆÍ 3:11

Ti ỹáh̃aitiini kele tɔ kɛ ngufema í ɣɛ́ ti gɛɛ háitii ma, tálaa ɣɛ́ ngáá ndɛɛ vɛlɛ́ mbá yélaa. Ti ɣɛ́ ngáá nungáá taá fáa yátɔ mba, ti ngáá tokolá ma yélaa fáá kpɛ́lɛɛ su taá kɛ.

TÍMOTI HESENDAA GƆLƆÍ 3:4

Maa w̃ɔ́ɔ́ í ɣɛ́ ngáá nuú ndehé áá ɣɛ́ ngí vɛlɛ lowaí wúú w̃a ngáá pangɔ́, ná vólu, ngi léngai kolóngɔ í ɣɛ́ lá mbɛ táa ngufema hé mbɛ hɔ́wɔ fíli.

TÍMOTI HESENDAA GƆLƆÍ 4:12

Yaá kɛ nuu fíli ɔ́ɔ́ yááh̃u víli í w̃ááh̃u ngáá sífaa nɔ́ɔ yí ngáá siỹɛndói lou, kɛ́ laá ɣéle, yí ɣɛ́ ngáá tɔmaséi ti haáw̃a í yɛ́pɛ gilí h̃u, í lúva velé h̃u, ndo su, ɛ́ɣɛ ndángi yí su ngáá Jísu Kílisitii ɛ́ɣɛ í w̃ááw̃uỹa kílii h̃u fó faa ỹɔ́i yaá.

TÍMOTI HESENDAA GƆLƆÍ 5:10

Ponyah̃ái i ɣɛ́ ngáá nuu tɔwɔ́ vánda í mba, aáva áá ɣɛ́ maakɛ pánda vungɔ́ ngí léngaitii su. I ngáá nuu áá lókohei sotángaa wu ɛ́ɣɛ í ngáá ngufema háá ɣɛ́ mɔ́ɔ́ ngí mbála Yalá fɛ́li mbélaitii mbɛ, íwaa kpɔmba hé nungáá yɛ́ taa ɣɛ́ fáá báma h̃u aáva í bɔ́wɔ gúla kɛ́lɛma faa vánda vanda bih̃íw̃aa ɣɛ́ndaa h̃u.

TÍMOTI HESENDAA GƆLƆÍ 5:2

Ná vólu, nyah̃á bákolongaitii suuhóu ngáá í njéé ɣɛ kíli. Yí kpélaniinangai suuhóu ngáá í héélani kɛ́ kíli pele kpɛ́lɛɛ su.

TÁITƆ 1:8

Kɛ́ laa ɣéle, í ɣɛ́ ngáá nuu áá lokohéi sotángaa wú ngi vɛ́lɛ lowaí wu ɛ́ɣɛ ndongɔ́ ngáá fáitii ti vangɔ áá ɣɛ́ la. Í ɣɛ́ ngáá nuu ngáá áá faa yátɔ mba. Sí fíli áá ɣɛ́ pele w̃á áá ɣɛ́a tí ɣɛ́ hɔ́wɔ fíli. Í ɣɛ́ ngáá nuu kulangɔ́ kɛ́lɛma Ngalá mbɛ ɛ́ɣɛ ndehé í ɣɛ́ bɔwɔ́ w̃á faa fíli sú.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

TÁITƆ 2:2

Siỹɛ kpákolongaitii kalá ngáá tí ɣɛ́ ngáá faa yátɔ mbélaa, ti gɛ́ɛ́ haítii ngufema í ɣɛ́ ti w̃a, ɛ́ɣɛ tí bɔ́wɔ h̃úuhou w̃a faa fíli sú. Nde tí w̃a ti lá gíte ngáá tɔɔỹaá gálambongi kpáŋ kpáŋ ɛ́ɣɛ ti lóngi í ɣɛ́ ngáá kite, ti líílɔlɔi í ndí ngu ma kúnafɔ.

TÁITƆ 2:7

Táitɔ, kɛ yá bɛ́lɛ nɔ í gɛ́ɛ́ haítii ɛ́ɣɛ í lúva veleítii tí ɣɛ́ pele w̃a faa kpɛ́lɛɛ su kɛinɔɔ́ yí ɣɛ́ ngáá tɔmaseí sítii faaw̃a yáá tí galámbo. Kalambongí wo ngáá tɔɔỹaá aáva i hɛ́mbɛ í ɣɛ́ su.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

HÍBULU 11:2

Ndangí mu káwalani ti ɣɛ́i su wɔ́lɔ ngáá Ngalá, ná lɔ́ í kɛ́ni ngáá háwu Ngalá ndiilángɔ i ɣɛ́i lá ti haáw̃a.

HÍBULU 13:18

A ndi ngu ma ngáá Ngala fɛ́lindai ni yɛ. Ni langɔ́ɔ́ lé la aáva ni gí mái ɣɛngɔ́ kpál̃au ngáá sí kule í ni w̃a ní kɛ laá lɔ níwaa kɛ nɔ́ɔ́ táingi fíli má.

JIMISÍ 1:27

Sí mu Kɛ́ɛ́ɣɛ Ngalá ngáá ngéɣe ngáá tɔɔỹaá Yála fɛlindái tɔmbema w̃áá fíli áá mbá aá wáa ngáá sí, kpɔmba wóndai pondengáitii mba ɛ́ɣɛ ponyah̃áitii mba ti háá bɔlundaítii su. Ná vólu, nuu í w̃aah̃ú béle ngáá ngeleí sí wuu háá ỹɔítii ta ɔ́ɔ́ vá híyama.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 4:8

Ná vólu, faí kpɛ́lɛɛ maah̃u hái lɔ náá ngáá sí ngáá wú ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ sífaa ndongí aa kɛ ngáá háwu faa ỹɔ́u bih̃íw̃aa h̃úúhaa í lo.

PÍTƐ GƆ́LƆI HELE KÉLEI 3:1

Mu mbála vandáitii, ní gɔ́lɔi hele kélei lɔ́ náá ngíwaa pɔ́nɛ wú yéle. Kɛ́ félengɔ p̃ɛ́ɛ́ su hése keleí ɛ́ɣɛ fele kélei sí nyá lɔɔ́ yákpa gíte ngáá ngááyaa wú gísitɛ faí sítiini mba kɛinɔɔ́ fáa ỹɔ́u fíli álaa ɣɛ́ wú gísiyaitii su.

NJƆÚ HESENDAA GƆLƆÍ 3:18

Wɛ́i wú ngáá ní léngaa Ngala fái h̃u, nyá lɔ́ɔ nde wú w̃á ngáá a mú lóngi ỹɔw̃ɔ́ ỹɔ́w̃ɔ hááw̃a álaa ɣɛ́ nɔ́ɔ a mu laa wóó h̃u. Kule lɔ́ mú w̃a mú ndó kítei sí yákɛ kpál̃au áá gúla a mu lúva velé h̃u.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.