FÉLEPA 4:7 - Kɛ́lɛ Niinaí

⁷ Ná ná áá ɣɛ́, Ngalángi lííhei sí nuu fíli ɛ́i ngatɔ́ mba aa kɛ ngáá háwu ndiihɛlɛ́ ngɛ́i ɣɛ́ wú líítii su kɛlaa kisíya ɔ́ɔ́ víli wú w̃a. Ná va ngáá ɣɛ wú báha gilíi wa Jísu Kílisitii wa.

FÉLEPA 4:7 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:79

Ngi hólongi va aa holó sítii ma ti héini kpindíi h̃u ɛ́ɣɛ sái í hɛ́lɛni ti w̃ááh̃u ngáá í a mu lɛ́ɛ́h̃ui h̃uuhíya kíli ɣɛ áá li ndiiheí h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

NJƆÚ 14:27

Ngáá kɛ ngáá háwu wú líí í héi aáva kpɔ́wɔ bɔ́wɔ lííhei lɔ ngíwaa vaa la. Ní ndá lííhei ngáá vaa la aa ngáá kíya ngeleí sí wú lííhei áá va. A waá liihɛ́lɛ, ná vólu, nduwá álaa ɣɛ́ wú h̃u.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

LÓÓMI 14:17

A mu ɣɛndáá Ngalángi w̃ásandai wu aa ngáá mɛɛní ỹɛ́ fáá nɔ́ɔ ɔɔ kpɔle wɔlíngaa bɔlendáá, kɛ́ áá lɔ́ na ngáá a mu ɣɛ́ ngáá telembo mbélaa Ngalá ngááh̃u, a mu ɣɛ́ ndiiheí h̃u, ná vólu, a mú ɣɛ́ kooh̃unɛɛ gítei h̃u. Sí kpɛ́lɛɛ pá aa ɣɛ́ Hɛ́ɛ́ma Ỹínangi w̃áá véle w̃a.

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

LÓÓMI 5:1

Ná náá a mu ngáá telembo mbélaa Ngála ngaah̃ú ndangí w̃áá véle w̃a a mú su la, a maá ɣɛ́ náá ndiiheí w̃ááh̃u a maá Ngála a mu Lemɔ́i Jísu Kílisitii w̃áá véle w̃a.

LÓÓMI 8:6

Ná wɔ́li nuu gitóngɔ áá ɣɛ́ nɔ́ɔ la sítii mbá taa ɣɛ́ ngáá nuu liivó fáitii, kisíya láálii ná aa kɛ nuu í sáa w̃ááhɔlɔ. Kɛ́ ná nuu gisíya áá to nɔ́ɔ sí wa Hɛ́ɛ́ma Ỹínangi áá nuu ló ma, kisíya láálii ná aa kɛ nuu í ndɛ́ɛ́h̃u gítei w̃ááhɔlɔ ɛ́ɣɛ Ngalángi lííhei.

KƆ́L̃E GƆ́LƆI HELE KÉLEI 10:5

Ná vólu, naá núu fíli ngánjei la áá yóóɣe í ló ngáá ndiiwɔɔlɔ́ tɔɔỹaá gééla woí láá wú kɔwɔ́ato Ngalá mba. Ná vólu, naá kɛ ngáá háwu nungáitii tíwaa gísiya kíya Kílisitii áá ɣɛ́ loí taayaa gisíya.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

Ɛ́FƐSƆ 3:19

Ngáá Ngala fɛ́li ngáá wú hómbo wú ɣɛ́ Kílisitii lóngi wɔ́lɔ, í ɣɛ́ wú yɛ, wú ɣɛ́ ngáá Ngalá kɛ kíli kíya bɛ́lɛ ngi lóngi h̃uuwɔ́ɔ́lɔngɔ nuu áá kɛɛlɛmáá wɔlɔ́.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 1:2

Bɛlɛ́ mú Kɛ́ɛ́ɣɛ Ngalá ɛ́ɣɛ mu Lemɔí Jísu Kílisitii ti háa bɔwɔí ɛ́ɣɛ ti lííhei tí ɣɛ́ wú yɛ́.

FÉLEPA 4:19

Ngalá pa, lɛ́i ngíwaa yénge mbɛ aáva kpatɛngɔ́i ngwala, aá lɔɔ wú béɣema wɔlingái kpɛ́lɛɛ kúla kɛlɛ́ma wú yɛ́ Jísu Kílisitii w̃aa véle w̃a.

FÉLEPA 4:21

Ngí há Ngalángi vóngaitii kpɛ́lɛɛ ma tiyɛ́i tí ngáá Jísu Kílisitii vólu yélaa. A mu mbála Yalá fɛ́li mbélai sítii tí ndóów̃a mbéi tí hái wú w̃á.

FÉLEPA 4:9

Sí fíli wú naa wɔlínga ngéya ngáá kalambo ɔɔ sí wú maahɔ́lɔnga ngéya ɔɔ sí wú mɛningá ndá ɛ́ɣɛ sí wú tɔwá sú, a ti ɣɛ. Aáva Ngalá pa lɛ́i áá ndiiheí he nuu yɛ́ aa ɣɛ wú vólu.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

TƐSALÓNIKA GƆ́LƆI HELE KÉLEI 3:16

Bɛlɛ́ Ndemɔí Jísu bútei, lɛ́i mu lííhei áá tɔkúla héi mba, í kɛ́ ngáá háwu ndiiheí í ɣɛ́ wú yɛ kúnafɔ pele fíli su nɔ́ɔ, ná vólu, í ɣɛ́ kái wú vólu wú kpɛ́lɛɛ.

HÍBULU 13:20

Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”