FÉLEPA 4:6 - Kɛ́lɛ Niinaí

⁶ A wálaa ndiihɛlɛ́ fíli píli w̃a faa fíli fááw̃a. Kɛ́ aá ɣéle, a waayaa Ngala fɛ́li faa fíli fááw̃a wú béɣengɔ áá ɣɛ́ la faaw̃a. Aáva sɛ́ɣɛɛ gulama í ɣɛ́ wú líítii su hɔ́wɔ fíli ná wáá ɣɛ́ wáá fɛ́li.

FÉLEPA 4:6 Iomraidhean Croise

MÁFIYU 10:19

Ná taa wú hóu wú gɔsɔ́ fááw̃a, wálaa lííhɛlɛ ngáá njɛpɛí sí wáá vá púma, ná vólu, wálaa liihɛ́lɛ ngáá maa yɛ́pɛi vú kíli. Ná maa táingi áá fóloma ngáá wú yɛ́pɛ, Ngalá ngáá njɛpɛ vu wú lá sí kule í wú w̃á wú nde.

MÁFIYU 13:22

Hakpá súwui sítii pa ti gúlani mbéinda ngali ngáli sapeítii ti ɣɛ́i na, ti gúlangɔɔ lé ngáá nungái sítii taá Ngala ndaa wói ỹɛ́ni, kɛ́ ndɛɛh̃úi h̃uu hái lííhɛlɛngi áá ɣɛ́ ti w̃a, ɛ́ɣɛ ndongí taa ɣɛ́ su ngáá ngeleí sí wuu bátɛitii, taá Ngalá ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí i hakpá fáleitii mboló láá yílini taa wáni.

MÁFIYU 6:34

Ná hááw̃a, wálaa liihɛ́lɛ ngáá díína háitii. Díína lííhɛlɛngi kínɛi, díína ndá w̃úl̃a. Maa áá nɛ́ɛ́ni wɔ́ɔ́ ta báha faa bɔ́lundai wá folo yíla ngílangi áá váá la. Folói fíli, ngi ndá lííhɛlɛngi aa kula ɣɛ folói ná hááw̃a.”

MÁFIYU 6:8

Wálaa Ngala fɛ́li kíya taá kɛ bɔw̃álale wú Kɛ́ɛ́ɣɛ Ngalá ngí kɔlɔ́ sí wú béɣengɔ ma wɔ́ɔ́ ɣɛ́ p̃ɛ́ɛ́ wú mɔɔní fááw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:41

Ndemɔí Jísu i Mááta wóó yápoteni, i ɣɛ ma, “Mááta, í lííhɛlɛngɔɔ lé, ná vólu, í ɣɛ́ngɔ wu nga wúúlee ngáá faa bíh̃iw̃aa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:22

Kɛ Jísu i ɣɛa volú yélaitii ma, “Náá hááw̃a, ngí nde wú w̃a, a waá liihɛ́lɛ ngáá ŋani fíli wú lɛ́ɛ́h̃ui haáw̃a, ná wáá ngáá, sí wáá mɛ ɔɔ sí wáá ngíli w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:29

Náá hááw̃a, a waá gí maa ɣɛ́ tíɣihi ngáá bɛɛ́ lɔ wáá mɛ ɔɔ sí wáa kpɔ́le wálaa liihɛ́lɛ la.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:1

Kɛ Jísu i faanɛ́ɛ́ngi sí héinga volú yélaitii ma ngáá í ngakɛ́ ngáá ti ye ngáá ti ɣɛ́ táa Ngala fɛ́li táiŋ fíli má tálaa nduwúh̃ugula wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:7

Ná vólu, a gisíya lɛ́ɛ́ ngáá Ngalá, wáá kɔlɔ́ ngáá aa ngi vóngai sítii taá fɛ́li kpɔkɔ́ni ngaa ngelendá ti háá lɔɔỹaí hé ti yaá tí lówah̃u taá sítii taá faa bá nda ngi vóngai nátii ma? Baa kɛ aa ngumbú lɛ́i?

KƆ́L̃E HESENDAA GƆLƆÍ 7:21

Ná yáá ɣɛ́ ɣɛngɔ ngáá nduwɔ náa h̃u Ngalá ngí í lólingɔ, kɛ ló nɔ́ɔ h̃íí. Kɛ́ ná yáá pele hɔ́lɔ ngáá yí wúmaawo, kɛ ná ɣɛ́.

KƆ́L̃E HESENDAA GƆLƆÍ 7:32

Ndóngɔɔ lé ndiihɛlɛ́ ngí gúla wú w̃a. Siỹɛ́ngi sí nyah̃á ɛ́i ɣɛ́ ngeyá, kpeɣéngɔ aa ɣɛ lá ngáá Ndemɔí Jísu haí ngáá aá ɣelé Ndemɔí Jísu liilá.

KƆ́L̃E GƆ́LƆI HELE KÉLEI 1:11

Wáá bɔ́ ni wa ngáá ná wááyaa Ngala fɛ́li ni haáw̃a. Ná ná áá ɣɛ́, nuu bíh̃iw̃aa taá sɛ́ɣɛɛ gula Ngalá ma kíya í nɛ́ɛ́ma yénga ni w̃a ngáá wú hɛ́li ngoí nátii kpɛ́lɛɛ í ngápotenga ni haáw̃a.

Ɛ́FƐSƆ 5:20

Mu Lemɔ́i Jísu Kílisitii laahéingi h̃u, a mu ɣɛ́ nɔ́ɔ fɔ́ máa sɛ́ɣɛɛ gula Kɛɛɣɛí Ngala má faa kpɛ́lɛɛ su.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

KƆLƆ́SE 3:17

Sí fíli wáá ndé ɛ́ɣɛ sí fíli wáá kɛ, kpɛ́lɛɛ í ɣɛ Ndemɔí Jísu laahéingi h̃u. Waayaa sɛ́ɣɛɛ gula Kɛɛɣɛí Ngála má sí hááw̃a Ndemɔí Jísu í kɛ́nga mu yɛ.

KƆLƆ́SE 4:2

A ɣɛ́ nɔ́ɔ fɔ́ wáá Ngala fɛ́li, aáva wálaa lééw̃a w̃a ná wááyaa Ngala fɛ́li, ná vólu, waá sɛ́ɣɛɛ gula Ngalá má.

TÍMOTI HESENDAA GƆLƆÍ 2:1

Sí ngáá ɣɛ́ ngí ndé í w̃a hése aá wáa ngáá, waayaa Ngala fɛ́li nuu kpɛ́lɛɛ fááw̃a, wú béɣema gɔ́lingaitii ɛ́ɣɛ faá vékaitii kpɛ́lɛɛ. Ná vólu, waayaa sɛ́ɣɛɛ gula Ngalá má.

TÍMOTI HESENDAA GƆLƆÍ 5:5

Ponyah̃ái sí nuu fíli ɛ́i ɣɛ́ mbɛ aa lɔ í ngáá ponyah̃ái gíte gítei. Aá gitó Ngalá mba faa kpɛ́lɛɛ su, í ndí ngu ma ngáá Ngala fɛ́lindaa ngáá fóloni ngaa kpindí, áá Ngalá mɔ́ɔ́ni kpɔmba hááw̃a.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

PÍTƐ HESENDAA GƆLƆÍ 5:7

Sí kpɛ́lɛɛ áá ɣɛ́ wú líí wa, a kpɛ́lɛɛ túkpe Ngalá má bɔw̃álale kpeɣengɔ́ɔ́ lé ngáá wú ye.