FÉLEPA 4:5 - Kɛ́lɛ Niinaí

⁵ Wú lúva veléi w̃aanɛ́ɛ́ngɔ í ɣɛ́ la nuu kpɛ́lɛɛ ngááh̃u. Ndemɔí Jísu lɔɔ vá h̃úmbuwa.

FÉLEPA 4:5 Iomraidhean Croise

MÁFIYU 6:25

Wálaa liihɛ́lɛ ngáá ŋani fíli wú lɛ́ɛ́h̃ui hááw̃a. Ná wáá ngáá, sí wáá mɛ, sí wáá kpɔ́le ɛ́ɣɛ sí wáá ngilí w̃a. Ndɛɛh̃úi lɔ́vengɔɔ lé mɛɛní wa, nuu lúwui va tɔvengɔ́ɔ́ lé kulaí wa.

MÁFIYU 6:34

Ná hááw̃a, wálaa liihɛ́lɛ ngáá díína háitii. Díína lííhɛlɛngi kínɛi, díína ndá w̃úl̃a. Maa áá nɛ́ɛ́ni wɔ́ɔ́ ta báha faa bɔ́lundai wá folo yíla ngílangi áá váá la. Folói fíli, ngi ndá lííhɛlɛngi aa kula ɣɛ folói ná hááw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:34

Jísu í mɔ́ɔ ɣɛ volú yélaitii ma, “A w̃aah̃ú belé kɛ́ ná láá le, wú gí máa háitii taá ɣɛ́ ngáá ndiivo kɛɛ́ ɛ́ɣɛ ngeleí sí wu w̃ɔ́ni mɔni fáitii. Aáva folói ná aa gɔɔla wú wá

KƆ́L̃E HESENDAA GƆLƆÍ 16:22

Nuí fíli ɛ́i ɣɛ́ lói ngáá Ndemɔí Jísu, Ngalángi háá bamaí í ɣɛ́ maa w̃ɔ́i w̃a. A mu Lemɔ́i Jísu, vá!

KƆ́L̃E HESENDAA GƆLƆÍ 6:7

Sí gíte wáá lí ngáá wú lówah̃u háitii kóótii h̃u ná í ngakɛ́a kpál̃au ngáá kɛ wú baah̃áánga bɔwɔ́ wu fɔ́. Maa áá ɣɛ́ nɛɛni yí lúw̃a ma ti báɣa í w̃á ti í gáha í lɔ́ve sí wa wáá lí kóoti h̃u.

KƆ́L̃E HESENDAA GƆLƆÍ 8:13

Faalɔ, ná wɔ́lii sí ngáá mɛ aá lɔ áá kɛ ní mbála Yalá mɔ́i áá víli faa ỹɔ́u h̃u, kɛ ngɛ́i mɔɔ ná ỹɛ í lí bɛ́lɛ í tó suwa wa kúnafɔ kɛinɔɔ́ ngɔ́ɔ́ kɛ ngáá háwu ní mbála Yalá fɛ́li mɔ́i ɔ́ɔ́ gúla volú Ngala fái h̃u.

KƆ́L̃E HESENDAA GƆLƆÍ 9:25

Sí fíli áá ɣɛ́ ngáá maaỹangi maaɣaalí ná h̃u, nuí yíla ngílangi fíli áá ɣɛ́ maa w̃ááɣaali ná wa, aa luw̃á ma ngáá faa fíli í lá ma í kɛ kíli bátɛ kɛinɔɔ́ í maa w̃ááỹangi ná w̃aahɔ́lɔ, kíya bɛ́lɛ maa w̃ááỹangi ná ɛ́i lɛ́mbi. Kɛ́ mu ndái sí múwaa maa yákpa mbo, ɛi ỹaaní kúnafɔ.

KƆ́L̃E GƆ́LƆI HELE KÉLEI 10:1

Nyɛ́i ngí ngáá Pɔ́ɔ, nyá lɔ́ wú w̃áánɛɛnɛ gíte ngáá wumaá nyɛ́i nungái taá ndé ngáá ná ngáá ɣɛ́ wú lóów̃a ngáá wú nganjéi, kɛ́ ná ngɛ́i ɣɛ́ wú lóów̃a, ngáá faa hóu kpáŋ. Nyá lɔ́ɔ wú w̃áánɛɛnɛ Kílisitii w̃áá véle w̃a lɛ́i ngandɛ́ingɔ kɛngɔ́ lúúỹaa.

TƐSALÓNIKA GƆ́LƆI HELE KÉLEI 2:2

Wú gí máitii nga súpundai h̃uu álaa ɣɛ́ nɔ́ɔ lúkpu kɛlaa wɔ́ɔ́ ɣɛ́ wú nga wúúlee kɔwɔ́ato sí wa ndengɔ́i ngáá Ndemɔí Jísu vaa holói í folónga ma. Aá ɣéle tɛingaa h̃u nuu lɔ́ í ɣɛ́ngɔ áá ngusu lɔ́ ngóó le í ná léngɔ, ɔɔ nuu lɔ́ í ɣɛ́ngɔ áá keela wóó lé í ná léngɔ ɔɔ ná láá lé múl̃ɔ, tɛingaa taá ɣɛ́ ndengɔ́ ngáá ni ná vɔ́nɛngɔ kɔlɔ h̃u.

TÁITƆ 3:2

Tálaa ndɛɛ vɛlɛ nuu fíli mbá, tálaa ɣɛ́ táa w̃ááɣaali. Kɛ́ láá ɣéle, ti ɣɛ lúúỹaa, tí ɣɛ́ ngáá mbɛlɛheí yélaa nuu kpɛ́lɛɛ fááw̃a.

HÍBULU 10:25

A mu w̃ɛɛ́ndai Ngala fɛ́li fái w̃a kumbongɔ́i mu h̃u a mál̃aa lokogúla su kíya nungáá lɛ́ingaa táá kɛ. Kɛ́ laá ɣéle, a mú ỹɔw̃ɔ́ ỹɔ́w̃ɔ liiwúúlɛ ngwala gíte ná náa áá ɣéle p̃ɛ́ɛ́ Ndemɔí Jísu yangáimandai ngelewu íwaa bɛ́ɛ́ mba kíya wú kɔlɔ.

HÍBULU 10:37

Kíya nɔ́ɔ pɔnɛngɔ́ Ngala Kɔ́lɔi h̃u ngáá sí í ɣɛ́ngɔ ta, “Naa guló laa lówah̃u nɔ́ɔ lɛ́i kule í ma í vá, aá lɔɔ vá vaamá aáva aá lɔɔ vá h̃úmbuwa.

PÍTƐ HESENDAA GƆLƆÍ 1:11

Kílisitii Ỹínangi í ɣɛ́i tí vólu, laá lɔ́ í ɣɛ́i áá ngákɛ ngáá ti ye kíya Kílisitii w̃aa í ɣɛ́i áá vá nɔ́w̃ɔma. Ná ná vá ngɔ́ɔ́ gúla sú, ɔ́ɔ́ ngufema wála wála w̃aahɔ́lɔ náa. Faalɔ, ti ɣɛ́i taa nga kpɛ́ kpɛ́ ti ɣɛ́ kɔ́lɔ ngáá ele gíte lɔ́ í ɣɛ́i áá vá ɣɛ́ ma la ɛ́ɣɛ táingi í ɣɛ́i áá vá vááma ma.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!