FÉLEPA 4:20 - Kɛ́lɛ Niinaí

²⁰ Bɛlɛ́ Ngála lɛ́i í ngáá a mu Kɛ́ɛ́ɣɛ, ngufema í ɣɛ́ mbɛ kúnafɔ taá ngi ndá gúnafɔ. Amíína.

FÉLEPA 4:20 Iomraidhean Croise

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

MÁFIYU 6:9

Faalɔ, ngimɔ́ɔ́ kule í wú w̃á wú Ngalá fɛ́li, wáá ɣɛ́ ta, ‘Ni Kɛ́ɛ́ɣɛ Ngalá yɛ́i yí ngelegóóh̃u, kɛ kái ngáá háwu nungáá ti wúfe í w̃a.

LÓÓMI 11:36

Faa kpɛ́lɛɛ i gulangɔ́ Ngála ngeyá, laá lɔ́ í ŋáni kpɛ́lɛɛ kpátɛngɔ, laá vá tɔ kpɛ́lɛɛ áá ngápu tóko h̃u. Bɛlɛ́ ndaaw̃áá í lɛ́ kúnafɔ taá ngí ndá gúnafɔ! Amíína.

LÓÓMI 16:27

Aáva Jísu Kílisitii w̃aa véle w̃a náá, a mú Ngála tɛ́ lɛ́i ngiláá kpé í ngáá Ngalá kéle ɣeléngi kpɛ́lɛɛ í ngeyá! Amíína.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

FÉLEPA 4:23

Bɛlɛ́ Ndemɔí Jísu Kílisitii háá bɔwɔí í ɣɛ́ wú kpɛ́lɛɛ mbɛ́.

TÍMOTI HESENDAA GƆLƆÍ 1:17

A mú Ngalá tɛ lɛ́i i ngáá kúnafɔ w̃ása ngwálai, lɛ́i ɛ́i há kúnafɔ aáva lɛ́i nuu ɛ́i tɔ, lɛ́i ngilaá kpé í ngáá Ngalá. Bɛlɛ́ ndaaw̃áá í lɛ́, ngufema í ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 11:13

Ngamá nɔ́ɔ́, ndɔwɔlɔ́i í bɛ́lini ngwála. Ná taa walái ná ɔ́ɔ́ wɔ́lɛ su púú, seiw̃aá yílangi lɔ́ í ỹáánini, nuu tásu ngɔ́felangɔ tí há su. Nungáá w̃átai sítii tí ɣɛ́i loní, nduwá wála í vúi tí h̃u. Faalɔ, Ngala lɛ́i í ngelegóóh̃u tí ndaaw̃áálɛni.

FAA YÁKƐ KƆ́LƆI 14:7

I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 5:12

Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”

FAA YÁKƐ KƆ́LƆI 7:12

“Amíína! A mú sɛ́ɣɛɛ gula mu Yálangi w̃a, mú ndaaw̃áálɛ, mú ngufema hé mbɛ ngi géle ɣelengi hááw̃a, ngi h̃úúbangi ɛ́ɣɛ ngi yakpángi hááw̃a, kúnafɔ taá ngí ndá gúnafɔ! Amíína!”