FÉLEPA 4:19 - Kɛ́lɛ Niinaí

¹⁹ Ngalá pa, lɛ́i ngíwaa yénge mbɛ aáva kpatɛngɔ́i ngwala, aá lɔɔ wú béɣema wɔlingái kpɛ́lɛɛ kúla kɛlɛ́ma wú yɛ́ Jísu Kílisitii w̃aa véle w̃a.

FÉLEPA 4:19 Iomraidhean Croise

MÁFIYU 6:32

Sífaa, faí sítii tɔ sítii ti ngáá ngeleí sí wú yélai taa bála kpála la. Kɛ́ wú Kɛ́ɛ́ɣɛ Ngalá ngí ngelegóóh̃u i kɔlɔ́ ngáá sítii kpɛ́lɛɛ ngi wála tɔ wú wa.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

NJƆÚ 20:27

Kɛ i ɣɛa Tɔmɔsí w̃a, “Loko beɣái lúba lɛ́ɛ ngéyaitii mba, ná vólu, yí lúba kaká yángi wa, yí bé náa nda tálai wa, ndangí í ɣɛ í h̃u.”

LÓÓMI 1:8

Maifɔ́lɔ mbáá ngáá, ngáá sɛ́ɣɛɛ gula Ngalá ma wú hááw̃a Jísu Kílisitii w̃áá véle w̃a bɔw̃álale, wú w̃áá woo híyangɔɔ lé hááli hááli ỹandá kpɛ́lɛɛ ndɔwɔlɔ́i sí h̃u kɔwɔ́ato wú lángi wa wú sú ngáá Jísu Kílisitii.

LÓÓMI 11:33

Ngalangí bátɛi wála yabɔ́ɔ́lɔngɔɔ lé ngáá suulɔ́vengɔ, ngi géle ɣelengí ɛ́ɣɛ sítii í tí wɔlɔ́ kɛɛlɛ́ ngáá mba. Nuu fíli áá na ɔ́ɔ́ háwuitii kɛ bɛ́kpɛ Ngála ngáá fáitii kɛ ma kɛlaa nuu ɔ́ɔ́ ngí háitii kɛ́ kílitii suugúla.

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

LÓÓMI 8:18

Ndángɔɔ lé lá gíte ngáá maanɔw̃ɔ́i náá a máá híya sú nuu ɛ́i suw̃á p̃ɛ́ɛ́ ngakpá máánɛɛnɛɛngi w̃a a máá vá suulɔmá kúna.

LÓÓMI 9:23

I ná ɣɛ́ni ngáá í ngákɛ ngáá kíya ngi hái wala w̃aanɛ́ɛ́ngɔ ná í núngai sítii ngaah̃ú w̃ááw̃aanu hóuni ti ɣɛ kíli batɛ́ngɔ ngáá ti ɣɛ́ ngí yákpa maanɛɛnɛɛngí h̃u taá tiyéni.

KƆ́L̃E GƆ́LƆI HELE KÉLEI 12:21

Aáva nyá lɔ́ɔ gísiya ngáá ná ngáá vá Ngalá lɛ́i ngíwaa fɛ́li aa kɛ ngáá háwu ngí wúfe wú gákala. Nyá lɔ́ɔ gísiya ngáá maaw̃aanú áá ɣɛ má wú bíh̃iw̃aa hááw̃a wɛ́i wúwaa ndí ngu ma ngáá faa ỹɔ́itii kɛ́ndaa wú tɔ́kula héingɔ wɔ́lɔ aáva wáá nɛ́ɛ́ vólu yáfei maa háá ỹɔu ɣɛndái wa ná wáá ngáá, kɔlɔsiyángi ɛ́ɣɛ njeé sína w̃áá lúva wóndai ɛ́ɣɛ njɔlɔ haa ɣɛ́ndaitii.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 1:7

Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 2:7

I sí ɣɛ́ngɔ mu yɛ kɛinɔɔ́ nuu kpɛ́lɛɛ ti ɣɛ́ kɔlɔ́ kúnafɔ ngáá faa bɔ́wɔ lo ngwalaí sí í su ngáá mu ye kɔwɔ́ato kpahaí wá mú sú Jísu Kílisitii wa.

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

FÉLEPA 4:7

Ná ná áá ɣɛ́, Ngalángi lííhei sí nuu fíli ɛ́i ngatɔ́ mba aa kɛ ngáá háwu ndiihɛlɛ́ ngɛ́i ɣɛ́ wú líítii su kɛlaa kisíya ɔ́ɔ́ víli wú w̃a. Ná va ngáá ɣɛ wú báha gilíi wa Jísu Kílisitii wa.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TÍMOTI HESENDAA GƆLƆÍ 6:17

Nde Ngala fɛ́li mbélai sítii ma ti bátɛngɔi ngáá ngeleí sí wuu wɔ́lingaitiini ngáá tálaa h̃úú ɣɛ́ wɔ́ɔ́lɔ aáva tálaa gíto ngetéyangi sí h̃úubatɛ séɣe héɣe mba lɛ́i nuu ɛ́i lókola ma. Kɛ́ tí gítongɔ í ɣɛ́ la Ngalá mba lɛ́i áá ŋani kpɛ́lɛɛ fé a mu yaá ngáá ngambɔ́ɔ́lɔngɔ ɛ́i bóɣi kpoɣí, laa vá aa fe ngáá a mú liivó kɛ́ la.

FELÉMO 1:4

Felémo, kíya fíli ngáá ɣɛ́ ngáá mu Yálangi hɛ́li, ngáá sɛ́ɣɛɛ gula ma í yɛ́,

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.