FÉLEPA 4:17 - Kɛ́lɛ Niinaí

¹⁷ Sɛ́mbɛi aa nɔ́ɔ léi ngáá ngí kpɔmba wɔ́li maahɔ́lɔ wú yáá kɛ́ aá waa ngáá ta í báha wú gɛ́ɛ́hɔ pándai w̃aa woí wa.

FÉLEPA 4:17 Iomraidhean Croise

NJƆÚ 15:16

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

NJƆÚ 15:8

A kɛ ngáá háwu ngamba bih̃íw̃aa í hɔ́lɔ wú h̃u, ná áa ngakɛ ngáá kɛ wá lɔ ngáá pólu yelaa. Ná vá tɔ áá ngákɛ ngáá kíya ní Kɛ́ɛ́ɣɛ gáámaangɔ.

LÓÓMI 15:28

Ná náa ngáá lí ngí toko bɔmbái sítii tokola tí yaá mɛ́ɛ́ ngáá síyangi yéɣe náá ngáá ngí lí Sip̃ee. Naa h̃uu vá tɔ náá ngáá wú héi heí p̃ɛ́ɛ́ ngɔ́ɔ́ ɣɛ́a lɔve ngí lí Sip̃ee.

KƆ́L̃E GƆ́LƆI HELE KÉLEI 11:16

Nyá lɔ́ɔ nde mɔ́ɔ volú, ngáá nuu fíli álaa gisíya ngáá ngé ngáá kɛ támal̃angɔɔ lé. Kɛ́ ná wáá ná w̃aa gisíya wo ngáá ngé, kɛ a lokohéi hɔ́ɔ́ mbú ngáá tamál̃a mɔ́ɔ kɛinɔɔ́ ngí yónga téve kulo.

KƆ́L̃E GƆ́LƆI HELE KÉLEI 9:5

Faalɔ, ngí gísiyangɔ lá ngáá kɛ maa áá ɣɛ́ nɛɛni ngáá ngí Ngála fɛ́li mbélai sítii tɔve wutúwɔ ti wú lóko bɔmbaítii kɛ kíli batɛ́ wú maa gúúlo mbongɔ́. Ná ɣɛ́ngɔ kɛ kíli batɛngɔ́ áá ɣɛ́ náa lá ná ngáá vá laáva aa ngakɛ́ náa ngáá wú féngɔ sífaa wú lóngɔɔ lé wú fe kɛ́ ɛi ɣɛ ngáá sífaa í ngáá wú w̃áágule ngáá wú fé.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

FÉLEPA 4:11

Ngáá sí léma ngáá sífaa kpéɣengɔ lé ŋani fíli má, bɔw̃álale ngí w̃aa golónga ngáá sí fíli áá ɣɛ́ ngéya í ndííla.

TƐSALÓNIKA HESENDAA GƆLƆÍ 2:5

Wú súuwɔlɔ aáva Ngala bɛ́lɛ i suuwɔlɔ́ ngáá naá váángɔ nɔ́ɔ wú yéle ngáá njɛpɛ nɛɛ́ nɛ́ɛ́ ɛ́ɣɛ ŋani w̃áálii láá le ɔ́ɔ́ ɣɛ́ ní góó ya nɔɔ́ ɣɛ́a maa bátɛ batɛ́ njɛ́pɛ vu.

TÍMOTI HESENDAA GƆLƆÍ 3:3

Ngala fɛ́li mbélai ti wutúwɔɔ w̃ɔ́ɔ́ álaa ɣɛ́ ndɔɔ hoú h̃u, ɔɔ ɔ́ɔ́ ɣɛ́ ngáá ndapi gúla mɔ́ɔ́. Kɛ́ laá géle, í ɣɛ́ ngáá nuu kɛngɔ́ áá ɣɛ́ la lúúỹaa. Álaa ɣɛ́ ngáá ndaahasá w̃ɔ́ɔ. Álaa ɣɛ́ ngáá nuú naholó háá vílingɔ ɔ́ɔ́ ɣɛ́ lá ndii vólu.

TÍMOTI HESENDAA GƆLƆÍ 6:10

sífaa, ndongí nuu áá ɣɛ́ sú ngáá naholoí ngwala laá lɔ í ngáá sapeí faa ỹɔ́i híí kpɛ́lɛɛ kpɛ́lɛɛ mbu. Nungáá lɛ́ingaa va naholó w̃ɔ́ni í ti w̃a ngwala í kɛ́a ngáá háwu ndangí taa ɣɛ́ su ngáá Jísu Kílisitii i gulaá ti h̃u aáva ndiihoolɛ́ bíh̃i kpih̃i ngi langá tí w̃a.

TÁITƆ 1:7

Ngala fɛ́li mbélai ti wutúwɔɔ w̃ɔ́ɔ fíli aá lɔ́ ngáá Ngalá ngénge mɔ́ɔ. Faalɔ, tɔmbema w̃áá fíli álaa ɣɛ́ maa w̃ɔi wa. Maa w̃ɔ́i álaa ɣɛ ngáá suuwɔɔlɔ́ w̃ɔ́ɔ́ ɛ́ɣɛ ndiibándi bándi w̃ɔ́ɔ́, kɛlaa ɔ́ɔ́ ɣɛ́ ngáá nuu áá ɣɛ́ ndɔɔ hou h̃u ɔɔ, ɔ́ɔ́ ɣɛ́ ngáá ndapí gúla mɔ́ɔ́. Álaa ɣɛ́ ngáá kahá w̃ɔ́ɔ́ yawo wɔndaa híí fíli su.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

PÍTƐ HESENDAA GƆLƆÍ 5:2

sí ngíwaa nde wú w̃a aá wáa ngáá sí, a ɣɛ́ wáá Ngala fɛ́li mbélaitii ti háá yeɣé ngáá loko félengɔ kíya nɔ́ɔ mbaala w̃ááh̃u béle mɔ́i áá mbaalaítii ti hái yeɣé. Ná wáá ngáá, sítii Ngalá ngáá ɣɛ kɛ́i ngáá háwu wáá ɣɛ́ ngáá ngutuwɔ́ yélaa ti hááw̃a. Laáva wú kɛ ndiiwolé w̃ááh̃u kíya Ngala ndóngɔ wú kɛ, kɛ́ wálaa kɛ́ kíya nɔ́ɔ taa ɣɛ́ wú bándangɔ nga ngáá wú kɛ. Wálaa ɣɛ́ wáá kɛ nɔ́ɔ ngáá wú ŋani hɔ́lɔ polú véle h̃u, Kɛ́ aá ɣéle, wú kɛ sífaa wú lóngɔ wú kɛ.

PÍTƐ GƆ́LƆI HELE KÉLEI 2:15

Ti híɣenga tɔɔỹaá véle giteí wa, ti hítɛ kaka péle wa. Biyɔ h̃iỹɛndo loí sí í ɣɛ́i ngáá Ngalá ndaa háá le mɔ́ɔ́ tɔ́ɔ ɣɛ́ ma Béél̃ɔ ngí lúva veleí lɔ́ náá ti hítɛa su. Béél̃ɔi ná va, faa ỹɔ́u ɣɛ́ndaa volú wɔ́li sɔlɔndái lɔ í ɣɛ́i ngáá ndiivóngi.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:11

Suu lɔ vá ɣɛ́ma ỹɔ́u ti w̃a ngwala. Sífaa, siỹɛndópoi sí tɔ́ɔ́ ɣɛ́ ma Kíŋ, ti tuva veléi yangéɣenga. Kápa mɔnii i kɛ́a ti hítɛnga nɔ́ɔ jɔ́ kaka pélei sí wa siỹɛndópoi sí tɔ́ɔ́ ɣɛ́ ma Béél̃ɔ í ɣɛ́i mba. Tí lóa Ngála ndaa wú kíya nɔ́ɔ siỹɛndópoi sí tɔ́ɔ́ ɣɛ́ ma Kɔlɔ í kɛ́ni aáva ti haa h̃uu lɔɔ vú kíya nɔ́ɔ í ɣɛ́i ngáá kɔlɔ bútei.