FÉLEPA 4:1 - Kɛ́lɛ Niinaí

¹ Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

FÉLEPA 4:1 Iomraidhean Croise

MÁFIYU 10:22

Aáva nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yelaa, kɛ́ nuí fíli áá ló ní hái h̃u í ló su ndɛɛh̃úi ya kɛ́ɛ́lɛmai í foló, Ngalá ngáá ngumááwo.

NJƆÚ 8:31

Júsuai sítii ti langɔ́ í ɣɛ́i náa lá ngáá Jísu, Jísu i ɣɛi ti w̃a, “Ná wáá ndí ngu ma ngáá hiyandáá ngáá ní gálambongi, kɛ wá gíte gítei lɔ wú ngáá pólu yélai.

TI GƐ́Ɛ́ HAÍTII 11:23

Ná í foloní na, í tɔní kíya Ngalá ngi ɣɛ́i áa bɔ́ ti wa ngwala, i kooh̃unɛ́ɛ́ni, aáva i nduwúh̃ulɛi ngáá ti kpɛ́lɛɛ ngáá ti lo Ndemɔí Jísu ndá gákai w̃a tɔɔỹái h̃u ngáá ti liítii kpɛ́lɛɛ.

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

TI GƐ́Ɛ́ HAÍTII 2:42

Tí hɛmbɛ́ kpɛ́lɛɛ púni Ngalángi géélaitii ti gálambongi h̃u ɛ́ɣɛ ti w̃aakpɔ́ndai mba ỹanda yílaa ɛ́ɣɛ Ngala fɛ́li ndááỹɛngi wóndai taa Ngala fɛ́lindai h̃u.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E HESENDAA GƆLƆÍ 16:13

A w̃aahéi wó, wú ló kpáŋ ngáá ndangí wú su ngáá Jísu, wú lííbangɔ i ɣɛ la, ná vólu, wú h̃úú i ɣɛ báni.

KƆ́L̃E GƆ́LƆI HELE KÉLEI 1:14

kíya bɛ́lɛ ta lɔ nɔ́ɔ waa ngatɔ́ mba sí h̃úi. Ná náa wáá kpɛ́lɛɛ ngátɔ mba kpál̃au, wáá ni w̃ááyonga tevé kɛ kíya nɔ́ɔ náa wú w̃ááyonga tevé folói ná w̃a mu Lemɔ́i Jísu áá vá vaamá ma.

GALÉSIYA 5:1

Á maá mɔ́ɔ ngáá nduwɔá bɔw̃álale Kílisitii i mu wúmaawonga. Faalɔ, aa ngumááwongi hái yeɣé ngáá hɛmbɛ́, wálaa mɔ́ɔ ɣɛ ngáá nduwɔá ɣɛ́ kíli.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 1:8

Ngalá ngi kɔlɔ́ ngáá kɛ kíya búte wú w̃ɔ́ni áá sóu ɛ́ɣɛ kíya ndóngɔ ngáá wú ye kɛ kíya nɔ́ɔ Jísu Kílisitii lóngɔ ngáá wú ye.

FÉLEPA 2:16

ngáá Ngalángi gééla woo vandaí lendáá nungáitii ma, keela woí sí áá kɛ́ ngáá háwu nuu áá ndɛɛh̃u gítei w̃ááhɔlɔ. A ndi ngu ma ngáá ná ɣɛ́ndaa kɛinɔɔ́ ngí maayónga tevé folói ná w̃á Kílisitii íwaa vá vaamá ma ngáá kɛ mɔ́l̃ɛi sí ngí mbóngɔ aa ngáá mɔ́l̃ɛ gbááma.

FÉLEPA 2:26

Nyá lɔ́ɔ tɔve sífaa wú w̃ɔ́l̃i lɔ́ɔ́ sou búte, ná vólu, kɛngɔ́ɔ́ lé wú nga wúúlee ngwala ngáá sí wú mɛ́ningɔ ngáá seebɛngɔ́ i ɣɛngɔ lá.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA GƆ́LƆI HELE KÉLEI 2:15

Faale, mu mbála Yalá fɛ́li mbélai, a loo gilí bátɛ, wú ndí ngu ma ngáá tɔɔỹáa gálambongi sí ní mbóngɔ ngáá wú ye. I ɣɛi ngáá sí ní púi kɔ́lɔ w̃a ní tɔ́ve wú yéle, baa sí ní ndeí wú w̃a ngáá laa wóó.

TÍMOTI GƆ́LƆI HELE KÉLEI 2:1

Tímoti, yɛ́i yí ngáá kóó h̃u loú ɣɛ́ kíli, faa bɔwɔ́i a maá maahɔ́lɔ áá gula kpahái h̃u maa ɣɛ́ su Jísu Kílisitii wa, bɛlɛ́ ná í í h̃úúba.

HÍBULU 10:23

Sí a máá nde ngáá aá lɔ́ ngáá a mu gitómaa, a mu hóu mba gíte kpé bɔw̃álale, kuulóngi Ngala ngí mbóngɔ a maá lá lá ngáá aá lɔɔ vá sítɛma nga.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

HÍBULU 4:14

Ná náá Jísu lɛ́i í ngáá Ngalángi H̃íỹɛndou Loí í ngáá a mú Yála sááɣa gula mɔ́ɔ́ walaí i liingá naa wutúwɔɔ véle ngelegóóh̃u, faalɔ, a mú ndí ngu ma ngáá ndangí a máá ndé ngáá a muỹá lɔ́ su la.

PÍTƐ GƆ́LƆI HELE KÉLEI 3:17

Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.