FÉLEPA 3:8 - Kɛ́lɛ Niinaí

⁸ Aá ɣéle p̃ɛ́ɛ́ kulasuunúmai í Kílisitii wɔ́lɔndai h̃u ngáá kíya í na, ná nuu fíli áá faa fíli súw̃a maa gúlasuunumai ná w̃a, ngáá maa hái ná kpɛ́lɛɛ ngéɣe ngáá faa ỹááka. Sífaa ngí lokogúlaa faa kpɛ́lɛɛ sú ngí ti yeɣé ngáá faa ỹááka ngáá kɛinɔɔ́ ngí hómbo ngí ɣɛ́ ngáá Jísu Kílisitii nuu lɛ́i í ngáá Ndémɔi.

FÉLEPA 3:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:43

Kɛ ndee háa bɔwɔ wala lɔ í ɣɛ́a mbɛ́ ngáá Ndemɔí njéé í váánga séi heíma?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:20

Kɛ́ aá ɣéle, nyá lɔɔ́ ỹína nyɔítii tevé nungáitii polu Ngalángi yákpangi h̃u, ná vá tɔ áá ngákɛ ngáá Ngalángi w̃ásandai i vaangá wú w̃ááh̃u.”

NJƆÚ 14:20

Folói ná w̃a vá, wáá ɣɛ kɔlɔ́ ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ su aáva wáá ɣɛ mɔ́ɔ́ kɔlɔ ngáá maa wúyeni mu ɣɛ kíli i yíla kpé pele kpɛ́lɛɛ su.

NJƆÚ 14:7

Jísu í mɔ́ɔ́ ɣɛ ti w̃a, “Ná wɔ́lii wɔ́ɔ́ ɣɛ kɔ́lɔ gíte, wɔ́ɔ́ ɣɛ́ ní Kɛ́ɛ́ɣɛ bɛ́lɛ kɔlɔ́. Í séi hááw̃a í lí naa wutúwɔɔ, wú kɔlɔ́ aáva wú tɔngá.”

NJƆÚ 16:3

Nungáitii taá ɣɛ́ taá faí sítii kɛ ngáá wú ye bɔw̃álale nápa taá ní Kɛ́ɛ́ɣɛ ɣéle tɔ kɛ kíli wɔlɔ́ p̃ɛ́ɛ́ kɛlaa nyá.

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

NJƆÚ 17:8

Í gééla woítii yí ndéngɔ má ngáá ngí ndé ti w̃a, ngí ndéngɔ ti w̃a aáva tí lokohéi mbu. Tí kɔlɔ́ gíte kpál̃au ngáá kɛ ngí gúlangɔ í yéle, ná vólu, tí lángɔ la ngáá kɛ yá lɔ yí tɔ́vengɔ.

NJƆÚ 20:13

Kɛ nátii ti mɔɔningá, ti ɣɛ́ ma, “Mu mbálai, ndeénii le yíwaa wɔ́lɔ?” I ti woo yápoteni, i ɣɛ ta, “Ti Ndémɔi Jísu vuw̃aí gúlanga mbéi wa, nyáá va ngáá kɔ́lɔ mbéinda tí lííngɔ lá na.”

NJƆÚ 20:28

Kɛ Tɔmɔsí í Jísu woo yápotenga, i ɣɛ ma, “Yá lɔ yí ngáá Ndémɔi ɛ́ɣɛ ní Yálangi!”

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

LÓÓMI 8:18

Ndángɔɔ lé lá gíte ngáá maanɔw̃ɔ́i náá a máá híya sú nuu ɛ́i suw̃á p̃ɛ́ɛ́ ngakpá máánɛɛnɛɛngi w̃a a máá vá suulɔmá kúna.

LÓÓMI 8:39

ɔ́ɔ́ bɔ́ɔ́ ɣɛ́ ngáá ngelewu ɔ́ɔ́ ndɔwɔlɔ́ wúu véle. Ngalángi bátɛ wɔlingái kpɛ́lɛɛ su, ŋani fíli aa na ɔ́ɔ́ hómbo ɔɔ́ mú betéve Ngalángi lóngi wa a mú mááhɔlɔnga a mu Lemɔ́i Jísu Kílisitii w̃áá véle w̃a.

KƆ́L̃E HESENDAA GƆLƆÍ 2:2

Ná ngí ɣɛ́ni wú lóów̃a, ngí kúlai ngáá ngáá faa fíli ngákɔlɔ, sí nɔ́ɔ léi ngí ɣɛ́i faa wɔ́lɔ mba i ɣɛi ngáá Jísu Kílisitii ɛ́ɣɛ sái í mbóni kulɔ́sii w̃a.

KƆ́L̃E HESENDAA GƆLƆÍ 9:10

Niyá gíte lɔ́ Ngalá ngí ɣɛ́i beɣéi ni w̃a ná h̃u í fái ná léni. Kulangɔ́ɔ́ lé nɔ́ɔ ngáá sii híí ŋáni hí mɔ́ini ngaa kula mɔ́i, ti lɔ́ngɔ ti gíngi aa ɣɛ maa hii híí ŋáni ta hɔ́lɔ fáá wa bɛ́kpɛ.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

GALÉSIYA 1:16

ngáá í ngí H̃íỹɛndou Loí ɣɛ́ ngáá ngé kɛinɔɔ́ ngí keela woó vándai lé kɔwɔ́ato mba sítii ma taa ngáá Júsua. Aáva ngáá nuu fíli mɔ́ɔ́nini ndaahi fááw̃a,

Ɛ́FƐSƆ 4:13

í ló su kpóloo, a mu kpɛ́lɛɛ mu lángi ɣɛ́ kíli í ɣɛ yíla Ngalángi H̃íỹɛndou Loí h̃u, aáva a mu ɣɛ́ kɔ́lɔ pele yílaa su ngáá ele gíte wáá ngáá laá. A mu h̃úú áá bá náá Ngala fái h̃u kíya Kílisitii í na.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 3:10

Faalɔ, ndóngɔɔ lé ngí ɣɛ́ Kílisitii wɔlɔ́ ngáá kɛ ele gíte wáá ngáá laá, kɛinɔɔ́ ná í wúyoɣeni sái h̃u, ngakpángi sí í ngeyá nyá bɛ́lɛ í ɣɛ́ ngéya. Ná wáá ngáá ngí ɣɛ́ ngáá kíya í ɣɛ́i na ngi w̃áánɔw̃ɔi h̃ú ɛ́ɣɛ sái í mbóni.

FÉLEPA 3:12

Ngáá ndéma ngáá kɛ kɛɛlɛ ngáá ní gɛ́ɛ́hɔ pandaí wa. Kɛ́ nyá lɔ́ɔ yákpa gíte ngáá lií kpɛ́lɛɛ fái sítii kɛ fááw̃a, bɔw̃álale Jísu Kílisitii i naa gúlaa kɛlɛ́ma mbɛ́ ngáá ní ndá kɛinɔɔ́ ngí kɛ.

FÉLEPA 3:7

Fái sítii kínɛi pá ngɔ́ɔ́ ti yeɣé ngáá kulasuunúma hááni hése, sí h̃uí ngáá ti yeɣé nɔ́ɔ náa ngáá kula ngeyá hááni kɔwɔ́ato sí wa Kílisitii í kɛ́a mbɛ́.

TÍMOTI GƆ́LƆI HELE KÉLEI 4:6

Táingi i folónga ma ngáá ngí ɣɛ́ ngáá saáɣa. Ná wáá ngáá, ndɛ́ɛ́h̃ui yakɛ́ɛ́lɛ táingi i folónga ma.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

PÍTƐ HESENDAA GƆLƆÍ 2:7

Kɔtuí sí va wɛ́i wú lángɔ la aá lɔ ngáá ngangímba wɔ́li ngwala wú hááw̃a. Kɛ́ sítii pa taa lái la maa hái gúlangɔɔ lé ngáá sí pɔnɛngɔ́i áá va tɔ ngáá sí, “Kɔtuí sí pɛ́lɛ ló mbélai ti bééleni mba í ɣɛ́i ti gi má nga ngáá mba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá.”

PÍTƐ GƆ́LƆI HELE KÉLEI 1:2

Bɛ́lɛ ngi háá bɔwɔí ɛ́ɣɛ ngí lííhei tí ɣɛ́ wú yɛ́ ngáá ngwala. Ná aa ɣɛ h̃íí sífaa wú Ngala kɔ́lɔ ngáá ele gíte wáá ngáá laá taá a mu Lemɔ́i Jísu.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

PÍTƐ GƆ́LƆI HELE KÉLEI 1:8

Ná faa vánda vándai sítii kpɛ́lɛɛ taa ɣɛ́ wú h̃u wáa ndi ngu ma ngáá ti ɣɛndáá, ná ná áá ɣɛ́, Ndemɔí Jísu Kílisitii wɔ́lɔndai wú yɛ́ ɛi ɣɛ nɔ́ɔ ngáá faa gbááma wɔ́i ɣɛ́ wáá maah̃ú háá ɣɛ.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

NJƆÚ HESENDAA GƆLƆÍ 1:3

Sí ní tɔá ɛ́ɣɛ sí ní mɛningá, laá lɔ naá faa lé wú w̃a kɔwɔ́ato mba ngáá kɛinɔɔ́ wá bɛ́lɛ nɔ́ wú báha ni wa, a mu háá í ɣɛ́ su yíla maá Kɛɛɣɛí Ngálani ngaa ngí H̃íỹɛndou Loí Jísu Kílisitii.

NJƆÚ HESENDAA GƆLƆÍ 2:19

Nungái sítiini pa ti gúlai mu liiwáá kɛ́ taá ɣɛ́i gítei ngáá mu tá. Bele ti ɣɛ́i ngáá mu ta, tɔ́ɔ́ ɣɛ́ loí mu gúúwui h̃u, kɛ́ kpétevengi tí mbóngɔ mu wa, ná lɔ í ngakɛ́ngɔ kpál̃au ngáá kɛ taá ɣɛ́ngɔ ngáá mu gúúwui h̃uu yélaa.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.