FÉLEPA 3:6 - Kɛ́lɛ Niinaí

⁶ Ndii í ɣɛ́i kóó ya ngwala ngáá ngí híya ngáá Ngala sávai. Ngí ɣɛ́i p̃ɛ́ɛ́ ngáá faa bá ndá Jísu vólu yélaitii ma. Ná yáá gisíya ngáá nuu ɣɛ́ndai h̃u ngáá telembo mɔ́ɔ́, áá gúla nuu híya gilíí h̃u ngáá Ngala sávai, tɔmbema w̃áá fíli áá ɣɛi mbá.

FÉLEPA 3:6 Iomraidhean Croise

MÁFIYU 23:25

Jísu í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngala fái la yaah̃ú kɛ́ aa wú líí h̃u! Wáá wú gɔ́pungi ɛ́ɣɛ wú ỹáákaitii maabalé fó, kɛ́ su laahéngɔ ngáá sí wú sɔlɔngɔ́ ngáá bangálima véle sífaa wá lɔ́ ngáá mɔní mɔ́ni mbélaa.

MÁFIYU 5:20

Kɛ léi wú lúva veléi kɔwɔ́ato Ngala sávai wa i ɣɛ vaí í lɔ́ve kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai ti ndá lúva veleí wa, kɛ́ ná láá le, wɔ́i ɣɛ́ Ngalángi w̃ásandai h̃u kúnafɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:6

Sakaláya ɛ́ɣɛ ngi ỹáh̃a Ilésebɛ, ti ɣɛ́i ngáá tuva velé vánda yélaa Ngalá ngaah̃ú. Ti ɣɛ́i taa híya ngáá Ndemɔí Ngalángi hávai kpɛ́lɛɛ, táá ngeɣé kɔ́wɔ w̃a.

TI GƐ́Ɛ́ HAÍTII 21:20

Ná ti sí ỹɛ́nini, tí Ngalá ndaaw̃áálɛni. Kɛ tí ndengá Pɔ́ɔ w̃a, ti ɣɛ́ ma, “Mu mbálai, yá bútei yá lɔɔ́ naa lɔ kíya a mu mbála Júsuai bih̃íw̃aa ti lánga ngáá Jísu. Aáva ti kpɛ́lɛɛ ti golóngɔɔ lé ngwala Ngala sávai wu.

TI GƐ́Ɛ́ HAÍTII 22:5

kɛ kíya bɛ́lɛ Ngala sááɣa gula mbélai ti wútuwɔɔ w̃ɔ́ɔ́ walaí í na taá nuu wála walaítii kpɛ́lɛɛ, tiyá lɔ ngáá maa heelé. Ngí kɔlɔ vɔ́nɛngɔ w̃aahɔ́lɔni ti yaá ngáá ngí líí la mu mbála Júsuaitii ngelé tí Damásikɔ, aáva ngí ɣɛ́i ngáá lí na maa nungáitii soumá ngáá pelésina ngí vá ngáá ti ye Jɛlúsɛl̃ɛ faa bá ndá fááw̃a ti w̃a.”

TI GƐ́Ɛ́ HAÍTII 26:5

Kavíte wɔ́lɔ kpɔ́lɔɔ ti ɣɛ́i kɔ́lɔ aáva ná taa ló taá ndé ngáá kɛ ná áá ɣɛ́ ngáá tɔɔỹáá veleí kái kái má ni ndá Yála fɛlindái h̃u kɛ kíya Falósiaitii tíwaa híya ngáá savaí tííŋ nɔ́ɔ ngimɔ́ɔ́ ngí ɣɛ́ngɔ na.

TI GƐ́Ɛ́ HAÍTII 8:3

Kɛ́ Sɔ́ɔ i ɣɛi áá Ngala fɛ́lindai w̃ááleve Ngala fɛ́li mbélaitii ngéya ngáá faa bámai í ɣɛ́i áá nda Ngala fɛ́li mbélaitii ma. I ɣɛi áá lɔ́ve tɔvé pɛ́lɛitii nda, siỹɛ́ kpɔ́ngɔ nyáh̃a wa, áá ti gúla pɛlɛ́itii mbu, áá lí ngáá ti bokpó, áá ti víli kpindi vɛlɛ́i wu.

LÓÓMI 7:9

Ná h̃u nɛ́nɛ ngáá ɣɛ́i savaí wɔ́lɔ kulangɔ́ɔ́ lé ngáá kɛ ndɛɛh̃ú w̃úl̃a ngí ɣɛ́i su. Kɛ́ ná náa léi sávai ná í vílini ngóli h̃u, kɛ faa ỹɔ́u ɣɛ́ndai i ɣɛi gúlai nɔ́ɔ ngáá nuu aa ɣɛ́ ndɛ́ɛ́h̃u h̃u.

KƆ́L̃E HESENDAA GƆLƆÍ 10:32

Wú lɛ́ɛ́h̃ui h̃uuhíya kílii álaa kɛ ngáá háwu Júsua ɔɔ sítii taa ngáá Júsua ɔɔ Ngala fɛ́li mbéla vekaítii ti tá fíli faa ɔ́ɔ́ víli tí Yála fɛlindái h̃u.

KƆ́L̃E HESENDAA GƆLƆÍ 15:9

sífaa, Ngalángi gééla vekaítii kpɛ́lɛɛ ti lɔ́vengɔɔ lé mbá aáva ngáá kúlaɣɛi p̃ɛ́ɛ́ ngáá nuu ngáá tɔɔ ngéɣe ngáá Ngalángi gééla, bɔw̃álale ngí fáá bá ndáni Ngala fɛ́li mbélaitii ma.

FÉLEPA 2:15

kɛinɔɔ́ wú ɣɛ́ ngáá faa ỹɔ́u ɣɛ tála yelaa. Ná vólu, wú ɣɛ́ ngáá Ngala ndéngaa, wú w̃ááw̃uỹangɔ í ɣɛ́ la fó ngáá nuu fíli álaa faa ỹɔ́u lɔ wú h̃u ná wú faa ỹɔ́u yélaitii ndiiwáá faa ỹɔ́u yéteyangi sí h̃u. Kɛ́ wú holó ti liiwáá kɛ kíya temúleɣaitii tí na ngeleí ya

FÉLEPA 3:9

Ná vólu, naá laá ni ɣɛ́ ngáá nuu yílaa kpé. Ná vá tɔ áá kɛ ngɛ́i mɔ́ɔ lo hiyamá ngáá Ngala sávai telembo mááhɔlɔ fááw̃a. Kɛ́ aá ɣéle, ní lángi ngáá ɣɛ́ su ngáá Kílisitii, laá lɔ áá kɛ télembongɔ áá ɣɛ́ la. Ngimɔ́ɔ́ maa hái í na, ngáá telembongí Ngalá ngáá kɛ ngáá háwu a maa ɣɛ́ su, aa gula ndangí h̃u maa ɣɛ́ su ngáá Ngalá.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.