FÉLEPA 3:5 - Kɛ́lɛ Niinaí

⁵ Ná ti ndéni, foló ngɔ́felangɔ i gulaí su, ngwahákpa kélei w̃a ti tɔ́ve pɛlɛ́ vólu. Nyá lɔ ngáá Ísulɔ yelái ti lé ndou. Híbulungai ti ỹááw̃ɔi kái kai mbáá ngé, nde kpambii sí h̃u taa ɣɛ́ ma Bɛ́njimai. Ná áá lí náa í to Ngala sávai hóundai wa, ngí ɣɛ́ngɔ ngáá Falósiai ti tá.

FÉLEPA 3:5 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:59

Foloí wahákpa kélei w̃a, ti vááni ngáá ndoí ngáá tí tɔ́ve pɛlɛ́ vólu aáva ti ɣɛ́i taa vá ngi kɛ́ɛ́ɣɛ Sakaláya laahéima mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:21

Ná í ɣɛ́i náa ngáá folói wahákpa kéle w̃a Jísu lengɔ́i w̃a ngáá kɛ náa tɔ́ɔ tɔve pɛlɛ́ vólu, tí ndaahéini ngáá Jísu. Ndaahéingi sí lɔ malékai í pɛ́lɛni mbá p̃ɛ́ɛ́ Mɛɛloí ɔ́ɔ́ ɣɛ́a ngi góó yeɣé.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:38

Kɛ́ laá ɣéle, fuule ndɔ́ɔ́ níínai kule lɔ́ ma í vú njeé kɔ́lɔ háni niinaí h̃u.

TI GƐ́Ɛ́ HAÍTII 22:3

“Nyá lɔ ngáá Júsu w̃ɔɔ. Nyá lɔ ngáá Tásɔɔ taa walái h̃uu lé ndóu sí í Silísiya lataí h̃u. Kɛ́ ti máákɛngɔ Jɛlúsɛl̃ɛ taa walái sí h̃u. Ngí ɣɛ́ngɔ Gamáliyɔ wu kalambo mbú aáva i kálambongɔ bútei ngáá savaítii Ngalá ngí féni Muusé yaá sí a mu káwalani ti ɣɛ́ngɔ taá híya la. Ná vólu, Ngalángi w̃áálii lɔ kóó ya kɛ kíya nɔ́ɔ wú kpɛ́lɛɛ wú na hááwɔ.

TI GƐ́Ɛ́ HAÍTII 23:6

Kɛ́ ná Pɔ́ɔ í ngátɔni mba ngáá kɛ ti lɛ́ingaa ti ɣɛ́i ngáá Júsuai sítii taa ɣɛ́ ti w̃a Sájusiaitii, pekaítii taa ɣɛ́ ti w̃a Falósiai, kɛ i woo lɛ́nga faa h̃úú haa lemái na, i ɣɛ ta, “Mu mbálangaa, nyá lɔ ngáá Falósi w̃ɔɔ, aáva Falósi w̃ɔɔ goo h̃ú loú wáá ngáá ngé. Nyá lɔ lóóni mbéinda kɔ́sɔma, bɔw̃álale kítomai waa ngáá nuu wúyoɣendai saí h̃u.”

TI GƐ́Ɛ́ HAÍTII 6:1

Naa h̃u wɔ́lɔ Jísu volú yélaitii ti yangí ɣɛ́i áá ɣɛ́ wɔ́ɔ́lɔ, kpɔɔlɔ́ i laní Júsuai sítii ndowah̃u tɔ́ɔ́ Gilísi woí lé taá Júsuai sítii tɛ́i belé Gilísi woo le. Júsuai sítii tɔ́ɔ́ Gilísi woí le, tí ndéni ngáá kɛ nungáitii ti yaah̃ú vílingɔɔ lé ti vónyah̃aitii mááh̃u kpɔmba wɔ́li ngákɔlɛ wɔlɛ́ndai h̃u foló yíla ngílangi w̃a.

LÓÓMI 11:1

Ngáá ndéma yɛ́ɛ́ ngáá Ngalá ngí lokogúlaa ngi vóngaitii mbu, í vólu yáfe ti wa, ná wáa ngáá Ísulɔ yeláitii. Nyá gíte nyá lɔ ngáá Ísulɔ w̃ɔ́ɔ́. Lébilah̃au laala lói tá wáá ngáá ngé. Siỹɛndópoi sí tɔ́ɔ́ ɣɛ́ ma Bɛ́njimai ngi lé kpambíi h̃úú w̃ɔ́ɔ́ waa ngáá ngé.

KƆ́L̃E GƆ́LƆI HELE KÉLEI 11:22

Taá ɣɛ́ ta tiyá lɔ́ ngáá Híbulu yelaa, nyá bɛ́lɛ ngí ɣɛ́ ta nyá lɔ́ ngáá ta. Ti mɔ́ɔ́ ɣɛ́ ta tiyá lɔ́ ngáá Ísulɔ yelaa, nyá bɛ́lɛ ngí ɣɛ́ ta nyá lɔ́ ngáá ta ɛ́ɣɛ ti ɣɛ́ ta tiyá lɔ́ ngáá Lébilah̃au laala lengaa, nyá bɛ́lɛ nɔ́ɔ ngí ɣɛ́ ta nyá lɔ́ ngáá Lébilah̃au laala lou.