FÉLEPA 3:3 - Kɛ́lɛ Niinaí

³ Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

FÉLEPA 3:3 Iomraidhean Croise

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

LÓÓMI 15:17

Kpáha gilíí Jísu Kílisitii wa, ngáá ní yéngengi w̃ááyonga tevé ngíwaa mbó Ngalá mbɛ́.

LÓÓMI 7:6

Kɛ́ a maá mɔ́ɔ́ savaí yákpangi wu ta guló bɛ́lɛ. A mu ɣɛ kíli waa nɔ́ɔ́ ngáá kíya nɔ́ɔ nuí áá há savái yákpa ngɛ́i mɔ́ɔ́ ɣɛ maah̃u kulo bɛ́lɛ. Pele niiná lɔ́ náá kulangɔ́ kɛ́lɛma a maa ɣɛ́ máá Ngála ndiivó fáitii kɛ́, ná wáá ngáá, ngi Hɛ́ɛ́ma Ỹínangi w̃áá véle w̃a lɛ́i a mu golóngɔ áá ɣɛ́ la mbɛ. Aa mɔɔ ngáá a mu híyalaa ngáá savaí ná wɔ́lɔ Ngalá ngí féi Muusé yáá.

LÓÓMI 8:15

Maa Ỹínangi ɛi kɛ ngáá háwu wɔɔ ɣɛ́ ngáá nduwɔ lopóa ɣɛ́ kíli Ngalá ngeyá wɔɔ ɣɛ́ wáá lúwa mba. Kɛ́ áá ɣéle, áá kɛ ngáá háwu wú ɣɛ́ ngáá Ngalángi léngaa, a múwaa tóli ngáá a mu kɛ́ɛ́ɣɛ.

LÓÓMI 8:39

ɔ́ɔ́ bɔ́ɔ́ ɣɛ́ ngáá ngelewu ɔ́ɔ́ ndɔwɔlɔ́ wúu véle. Ngalángi bátɛ wɔlingái kpɛ́lɛɛ su, ŋani fíli aa na ɔ́ɔ́ hómbo ɔɔ́ mú betéve Ngalángi lóngi wa a mú mááhɔlɔnga a mu Lemɔ́i Jísu Kílisitii w̃áá véle w̃a.

LÓÓMI 9:6

Nuu ɛ́i wɔ́ɔ́ nde ngáá Ngalá ngí ngi gúúlongi ỹáánini bɔw̃álale, nuí kpɛ́lɛɛ táá le ti ngáá Ísulɔ yeláitii tɔ́ɔ ɣɛ́ ngáá Ngalángi vóngaa.

KƆ́L̃E GƆ́LƆI HELE KÉLEI 11:18

Nuu bíh̃iw̃aa taá yónga téve ngeleí sí wu háitii su, faalɔ nyá bɛ́lɛ, bɛlɛ́ ngí ná tá ɣɛ́.

GALÉSIYA 5:25

Faalɔ, ná Hɛ́ɛ́ma Ỹínangi í kɛ́a ngáá háwu a mu ndɛ́ɛ́h̃u gítei h̃u, kɛ i ɣɛ áá mú wúto mu lɛ́ɛ́h̃ui h̃uu híya kílii h̃u.

GALÉSIYA 6:16

Bɛlɛ́ Ngalángi lííhei ɛ́ɣɛ ngi yááh̃u w̃aaw̃aanumaí ti ɣɛ sítii kínɛi mbɛ́ taá gólo kalambongí sí wú ti lɛ́ɛ́h̃ui h̃u í báha náa Ngala fɛ́li mbélaitii kpɛ́lɛɛ mbá.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 3:12

Ngáá ndéma ngáá kɛ kɛɛlɛ ngáá ní gɛ́ɛ́hɔ pandaí wa. Kɛ́ nyá lɔ́ɔ yákpa gíte ngáá lií kpɛ́lɛɛ fái sítii kɛ fááw̃a, bɔw̃álale Jísu Kílisitii i naa gúlaa kɛlɛ́ma mbɛ́ ngáá ní ndá kɛinɔɔ́ ngí kɛ.

FÉLEPA 3:14

Nyá ngáá yakpá ngáá ngí fólo mbéinda a múwaa maa lápii wɔ. Ná wáá ngáá kulasuunúmai sí Ngala ngí mu wu pótenga mba ngelegóóh̃u véle. Aáva nuu áá mááhɔlɔ Jísu Kílisitii w̃aa véle w̃a.

KƆLƆ́SE 2:11

Wú lɔ́vengɔɔ lé pɛ́lɛ vólu kpahaí wa wú su Kílisitii wa. Kɛ́ tɔve pɛ́lɛ vólui sí aa ngáá sí nungáá táá mbo ngáá loko, kɛ́ aá lɔ́ ngáá tɔve pɛlɛ́ vólui sí Kílisitii gite í kɛ́ngɔ ngáá háwu í wóngɔ ngáá wú yé. Ná wáá ngáá, i wú wúmaawonga faa ỹɔ́i yaa wú líí áá wú lóma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:20

Kɛ́ wɛ́i wú ngáá mu mbála vandáitii, hɛ́ɛ́ma lángi í wú h̃u í ló wú h̃u, í wú h̃úúba kpé wú híya velé h̃u. A waayaa Ngala fɛ́li Hɛ́ɛ́ma Ỹínangi yákpangi h̃u.