Biblia Todo Logo
Bìoball air-loidhne

- Sanasan -




FÉLEPA 3:20 - Kɛ́lɛ Niinaí

20 Kɛ́ a muỹá mu ndái, a muỹá lɔ ngáá ngelegóóh̃u yélaa aáva a muỹa lɔ́ɔ mu Wúmaawo Mɔ́i Ndemɔí Jísu Kílisitii w̃áálɛlɛ gɛ́lɛ gɛlɛ ngáá í híɣe ngelegóóh̃u,

Faic an caibideil Dèan lethbhreac




FÉLEPA 3:20
36 Iomraidhean Croise  

Kɛ Jísu i ɣɛa ma, “Ná wɔ́lii yáá ɣɛ́ lói yí fái kpɛ́lɛɛ kɛ́ péle w̃a, lí sí kpɛ́lɛɛ í í yáa yí mááɣɛ, yí maa náholoi hé nyaani yélaitii ngeyá. Ná yáá ná ɣɛ́, kpatɛ́ yandɔ́ɔ́lɔngɔ aa ɣɛ lá náa í hááw̃a ngelegóóh̃u. Ná vólu, vá, yí ɣɛ́ ngáá pólu w̃ɔ́ɔ.”


Kɛ Jísu í ɣɛ ta, “Ngimɔ́ɔ́ íwaa vá ɣɛ má ngáá nuí fíli áá ŋani bih̃í bih̃i ngándɔɔlɔ bɔwɔ́ hááw̃a ngeleí sí wu kɛ́ ŋani fíli ɛi ɣɛ́ ngeyá Ngalá ngelé péle.”


Aáva aa ɣɛ ngáá faa vánda í háaw̃a. Kíya bɛ́lɛ tɛi hómbo tɔɔ́ suulóo, suu áá lóo í w̃á ná sítii ti ngáá telembo mbélaa Ngalá ngaah̃ú taa yóóɣe sái h̃u.”


Kɛ siỹɛndópo félengɔi nátii tí tí w̃ɔ́ɔ́ninga, ti ɣɛ́ ti w̃a, “Wɛ́i wú ngáá siỹɛngɛ́i sítii wú gúlangɔ Galéli lataí h̃u, ndeé le wú lóóni mbéinda wúwaa wɔ́lɛ ngeleí yá? Jísu yilaá kpéngi sí í lɛ́ɛ́nga ngelegóóh̃u, ngimɔ́ɔ́ nɔ́ɔ áá vá yángaimama kɛ kíya nɔ́ɔ wú tɔ́ngɔ áá lɛ́ ngelegóóh̃u.”


Náa hááw̃a, Ngalángi nɛ́ɛ́mai ta fíli álaa lɔ́ve wú w̃á ná wáá naa w̃áálɛlɛ gɛ́lɛ gɛlɛ ngáá Ndemɔí Jísu Kílisitii í vá vólu.


Sítii ti ngáá ngeleí sí wuu yélai ti ɣɛ kíli gulangɔ́ɔ́ lé ngáá nuí sí hése Ngalángi kpátɛi ngáá pɔlɔ́i. Sítii pa tí ngelegóóh̃u, ti gúlangɔɔ lé ngáá nuí sí í gúlangɔ ngelegóóh̃u.


Mu gísiyaitii taa sítii mba a maa ti lɔ sífaa tɛí lɛ́mbi, kɛ́ aá ɣéle, tiyá lɔ sí wa a mɔí tɔ sífaa ná lɔ áá ɣɛ́ na kúnafɔ.


Faalɔ, nyá lɔ́ɔ nde búte ngáá kitomáá lɔ mu yɛ hɔ́wɔ fíli. Maa ɔ́ɔ́ ɣɛ́ nɛ́ɛ́ni ná a mɔ́i belé mɔ́ɔ ɣɛ ngeleí sí wúu lúwui sí h̃u, kɛ́ áa ɣéle, a mɔ́ɔ́ ɣɛ́ Ndemɔí Jísu lóów̃a nduwúi ná h̃u áá vá púma mu w̃a.


Kɛ́ Jɛlúsɛl̃ɛ sí í ngelegóóh̃u, kulangɔ́ɔ́ lé ngáá Sééla lɛ́i í ngáá húli ỹáh̃ai laáva tɔ í ngáá mu njéé,


Náá hááw̃a, wɛ́i wáá ngáá Júsua wáá mɔ́ɔ ngáá híí vékaa ɔɔ sotangáá Ngalángi vóngaitii ndiiwáá, wá lɔ́ náa ngáá Ngala ndéngaa pɛlɛ́ lówa yílaa mbú.


Sífaa, mu báhangɔ su maa Jísu Kílisitii, náá hááw̃a, a mu yooɣénga sái h̃u aáva a muỹá lɔ mba ngáá masangáá ngelegóóh̃u w̃ásandai h̃u.


Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.


Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.


Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.


Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.


Ná Ndemɔí Jísu áá ɣɛ áá gúla ngelegóóh̃u áá va, áá wóó gúla, malékai ti wutúwɔi bɛ́lɛ í wóó gúla, kɛ Ngalángi lólimbo búlu walaí í hɛngá. Nungái sítii ti langɔ í ɣɛ́ngɔ lá ngáá Kílisitii í ló su ti há tiyá hése tɔ taá wúyoɣe naá sái h̃u ngáá tí Ndemɔí Jísu laaw̃ɛ́ɛ́.


Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.


A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.


Kɛ́ aá ɣéle wú ndái ɣɛ kíli gulangɔ́ɔ́ lé nɔ́ɔ́ ngáá wú váánga ngihé ngwálai sí gákala taa tolí ngáá Sáỹa, wú vá taa walái sí h̃u taá náá lolí ngáá Jɛlúsɛl̃ɛ í ngáá ngelegóóh̃u gélei naa w̃álekaitii ti yambɔ́ɔ́lɔngɔ walaí. Jɛlúsɛl̃ɛi sí lɔ́ na Ngalá fááw̃a lɛ́i í ndɛɛh̃ú h̃u kúnafɔ.


ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.


A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.


Lean sinn:

Sanasan


Sanasan