FÉLEPA 3:19 - Kɛ́lɛ Niinaí

¹⁹ Tiyá lɔɔ vá liimá njahááma bɔw̃álale, ti ndá yálangi waa ngáá, sí ti longɔ́ lá ti luwúi hááw̃a ɛ́ɣɛ ngetéyangi h̃uu háitii. Taá h̃uubákpa ngáá sí kule í ti w̃a ti wúfe lá.

FÉLEPA 3:19 Iomraidhean Croise

MÁFIYU 16:23

Kɛ́ Jísu i voteí, i ɣɛ Pítɛ w̃a, “Hiɣe kpéla, Setána! Yá lɔ yí ngútuwɔ yaa súúbɛɛɣi, bɔw̃álale, nuu búsa vélei lɔ́ yáá gisíya la, kɛ́ yáá gísiyama ngáá Ngalángi ndá vélei.”

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:19

Aáva ngáá gisíya náa ngí ɣɛ ta, Ngí ɣɛ́a náa ngáá kpatɛ w̃ɔ́ɔ wala, ŋani vandá bih̃íw̃aa lɔ náa ngéya ngándɔɔlɔ su fowó bih̃íw̃aa hááw̃a. Bɛlɛ́ naá ngí nda ma tɔ́ ngáá lɛɛh̃úi ngí liivó kɛ́ gíte ngwala.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:19

Kɛ Jísu i mɔɔ faanɛ́ɛ́ngi sí héinga i ɣɛ ta, “Kpatɛ w̃ɔ́i lɔ wɔ́lɔ í ɣɛ́i na, maayílingɔ i ɣɛi nɔ́ɔ la hɔ́wɔ fíli ngáá kula h̃ɔ́w̃ɔ bangɔ́ vanda vándaitii. Ngele fíli ɔ́ɔ́ wo, i ɣɛi nɔ́ɔ ndiivo kɛɛ́ wála h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:4

Kɛ́ suu í ɣɛ́i gooh̃á ká ka masangí aa kɛní. Kɛ́ í ɣɛi ngáá hɔ́wɔ ta kɛ masangí sí i ɣɛa bɔwɔ́ w̃a, ‘Kíya bɛ́lɛ ngɛ́i lúwa Ngalá mba kɛlaa kpɛ́ndɛ ɔ́ɔ́ ɣɛ́ nuu fíli su,

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

LÓÓMI 6:21

Kɛ́ aáva sí kínɛi náá wú suuhíyanga faa ỹɔ́u ɣɛ́ndai ná h̃u, wúwaa wúfe la sí h̃úi ndeé lɔ́ gítei í ngáá kulasuunúmai wú mááhɔlɔnga ti volú véle h̃u? Maa gulasuunumaí waa nɔ́ɔ ngáá sái nuu áá maahɔ́lɔ.

KƆ́L̃E HESENDAA GƆLƆÍ 3:3

bɔw̃álale wá lɔ nɛ́nɛ ngáá ngeleí sí wú yélaitii kɛ kíli. Tolómai ɛ́ɣɛ kpɔɔlɔ kpɔɔlɔ́ngi taá ɣɛ́ wú lówah̃u, aáva ná vá tɔ áá ngakɛ́ ngáá kɛ wá lɔ́ nɛ́nɛ ngáá ngeleí sí wu yélai kɛ kíli.

KƆ́L̃E HESENDAA GƆLƆÍ 5:2

Ndee h̃úúwɔɔlɔ lɔ wú su náá? Aá ɣelé maanɛ́ɛ́ngɔɔ lé wú w̃ááw̃aanungɔ í ɣɛ́ la, nuí ná va í fái ná ɣɛ́ngɔ wú kpetéve vaamá wú Yalá maakpɔí h̃úú wá.

KƆ́L̃E HESENDAA GƆLƆÍ 5:6

Wú h̃úúwɔɔlɔngɔɔ lé, aáva ná aa vaní. Taá ndé ngáá faanɛ́ɛ́, ti ɣɛ́ ta, “Ngɛí gúloi ná taá tolí ngáá yíísii taá pu biléi h̃u áá tɛ́nga, kulo kw̃ɛ́ɛ́ te nɔ́ɔ léi taá pu fuláwai h̃u í tɛ́nga.”

KƆ́L̃E GƆ́LƆI HELE KÉLEI 11:12

Sí ngí lóa kɛma nyáá ngáá ndi ngu ma ngáá kɛndáá, sífaa nungái sítii taá bɔ́wɔ gúla ngáá Ngala kééla tiyá lɔ́ɔ bɔ́wɔ lɛ́nga táá nde ngáá kɛ ti gúlangɔɔ lé ngáá ni ye. Kɛ́ ná ngáá sí ɣɛ, ná lɔ́ áá ngákɛ kpál̃au ngáá kɛ taá gulaí ngáá ni ye,

KƆ́L̃E GƆ́LƆI HELE KÉLEI 11:15

Faalɔ, aa ngáá kɔ́ɔ́la mba háá ná ngi yénge mbelái tiyá bɛ́lɛ taá yákpa ngáá ti bɔ́wɔ gula ngáá telembó ngénge mbélaa. Laáva ti yapúmai taá fáa báma w̃aahɔ́lɔ jɔ́ kíya kule í ma ti maahɔ́lɔ kɔwɔ́ato ti lúva velé ỹɔ́i wa.

GALÉSIYA 6:13

Sítii kéle tɔ ti lɔ́vengɔ pɛlɛ́ vólu, taá góloma savaí sí wú Ngala ngí féni Muusé yaá. Kɛ́ ti longɔ́ɔ́ lé ti wú lɔ́ve pɛlɛ́ vólu kɛinɔɔ́ taá ɣɛ́a maayónga tevé ngáá kɛ tí kpángɔ wú w̃á ngáá kúle ngáá ti wú lɔ́ve pɛlɛ́ vólu.

FÉLEPA 2:21

Nuu vékaitii kpɛ́lɛɛ ti beɣéngɔɔ lé nɔ́ɔ léi ngáá ti hɛmbɛ́ma háitii. Kɛ́ sí fíli kɔwɔ́ i tóngɔ Jísu Kílisitii wa, taá béɣeni fááw̃a.

KƆLƆ́SE 3:2

A waayaa gisíya ngáá ngelegóóh̃u háitii, kɛ́ wálaa ɣɛ́ wáá gísiya ngáá faítii tí ngélewu.

TƐSALÓNIKA GƆ́LƆI HELE KÉLEI 1:9

Maanɔw̃ɔí sí kɛɛlɛ́ ngáá mbá kúnafɔ aá lɔ́ Ngalá ngáá vá tí vílima su aáva ti betévengɔ aa ɣɛ lá Ndemɔí Jísu wa ɛ́ɣɛ ngí yákpa maanɛɛnɛɛ ngwálai wa.

TƐSALÓNIKA GƆ́LƆI HELE KÉLEI 2:12

Faale, sítii kpɛ́lɛɛ tɛ́i ɣɛ́ lái ngáá tɔɔỹáa gééla woí, kɛ́ láa ɣéle, ti liivóngi í ngáá faa ỹɔ́u ɣɛ́ndai, Ngalá ngáá ti kpɛ́lɛɛ péle lála.

TƐSALÓNIKA GƆ́LƆI HELE KÉLEI 2:8

Ná ná áá ɣɛ, nyaama ỹáni walaí sí aa va náa aáva Ndemɔí Jísu va aa paa náa paaw̃ái ngáá láá hɛ́fɛngi, í nyaaní pɔ́lɛɣɛ pɔ́lɛɣɛ ngáá ngí múw̃a muw̃angí.

TÍMOTI HESENDAA GƆLƆÍ 6:5

Ɛ́ɣɛ múl̃ɔ, aa kɛ ngáá háwu nungáá tí ɣɛ́ nɔ́ɔ fɔ́ maaɣaalí gúlandaa ya tiyɛ́i tí gi máitii ngá sáángɔi aáva taá mɔɔ tɔɔỹái wɔ́lɔ. Aá lɔ́ ti gi má ngáá Ngala fɛ́lindai lɔ ngáá pele ta nuu áá kpátɛ w̃ááhɔlɔ su.

TÍMOTI GƆ́LƆI HELE KÉLEI 3:4

Tɛí ɣɛ́ ngáá tokola ma yélaa kɛlaa tɔ́ɔ́ ɣɛ́ ngáá kisiya faah̃ú yélaa. Ti h̃úúwɔɔlɔngɔ aa ɣɛ lá ngwala ɛ́ɣɛ ti longɔ́ ngáá ndiivo kɛí í lɔ́ve Ngala mbá.

JIMISÍ 4:16

Kɛ́ láa ɣéle, wáá ɣɛ wáá yongangi léve, wú bɔ́wɔ h̃uu ɣɛ́ wɔ́ɔ́lɔ. Yonga táálii ná kpɛ́lɛɛ aa pele w̃a.

PÍTƐ GƆ́LƆI HELE KÉLEI 2:1

Sítii taá kúla ngáá tiyá lɔ́ ngáá Ngalá ndaa háá lé mbélaa ti ɣɛ́i na wɔ́lɔ wɔ́lɔ mái h̃u aáva ngimɔ́ɔ́ nɔ́ɔ jɔ sítii taá kula ngáa tiyá lɔ́ ngáá kalambó mbó mbélaa Ngala fái h̃u táa vá ɣɛ́ma wú lííwaa. Taá ɣɛ́ taá faa h̃úúỹaani kálamboni mbo tɛi ɣɛ́ ngáá tɔɔỹaá. Aáva tɛí lókohei a mu W̃ááliɣii wu lɛí í váángɔ ngáá ngumaawó tiyá ɣéle tɔ mbɛ. Faale, taá vá ngáá kɛ kíli ỹaaní bɔwɔ́ w̃á fúlo.

PÍTƐ GƆ́LƆI HELE KÉLEI 2:13

Faa báma lɔɔ vá láma ti w̃a ngáá faa bámai sí vóto táá nda. Ti ndá gísiyai kɔwɔ́ato ndiivo kɛí wa aá waa ngáá sí fíli táá kɛ áá ti liivó, taá kɛ folói léi í bɔ́ɔ́ ɣɛ ngáá ngufe tála haa. Aa ɣɛ ngáá ngángufe ɛ́ɣɛ mbɛlɛ ỹaaní ná taa báha wú wá wú lááỹɛ mbomáitii, aáva ti liivó fái wáá nɔ́ɔ́ nɛ́nɛ ngáá faa ỹɔu ɣɛ́ndai.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:10

Kɛ́ nungái sítii taa faa fíli suuhaláta tɛ́i ngátɔ mba. Ti gulangɔ́ɔ́ lé ngáá ndɔbɔ huwáa sí ɣéle tɔ tí faa wɔ́lɔ mba kulo aá lɔ́ áá ti ɣɛ kíli ỹaaní.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:16

Nungái sítii tiyá lɔ́ nɔ́ɔ fɔ́ wúsubɔɔlɔma aáva taá ɣɛ́ múl̃ɔ taá núngaa baalɛ hóu. Nungái sítii kpɛndɛngɔ́ɔ́ lé nɔ́ɔ ti liivó fáá ỹɔítii ma. Tiyá lɔ́ nɔ́ɔ fɔ́ taa yonga téve, táá nungáá lɛ́nga kɛinɔɔ́ sí tí longɔ́ la tí maahɔ́lɔ ti yaá.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.

FAA YÁKƐ KƆ́LƆI 18:7

Kɛ ngáá háwu ngi w̃áánɔw̃ɔi ɛ́ɣɛ ngí w̃ááw̃aanui áa ngeɣé í híti ngí wúfemai h̃u í mááhɔlɔngɔ ɛ́ɣɛ ngí líívo kɛi í kɛ́ngɔ. I ɣɛi áá ndé gí ma ngáá aa lɔ́ ngáá ndɔwɔlɔ́ w̃ása ngwala, aa ngáá pónyah̃a aáva áá ndé múl̃ɔ gí ma ngáá maaw̃áánu háá ɛi lá kakála kúnafɔ.

FAA YÁKƐ KƆ́LƆI 19:20

Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.

FAA YÁKƐ KƆ́LƆI 21:8

Kɛ́ sítii nduwá ndúwa ngáá ɣɛ́ tí h̃u Ngala fáá ɣɛndái h̃u, sítii taa lá ngáá Ngalá kɛ́ tɛ́i ndí ngu ma taa sítii taa híɣe Ngala péle giteí wa í báha sítii mba ti ngáá nuu váá mbélaa ɛ́ɣɛ kɔlɔsiyá mbélaa taa súkɛ yélaitii ɛ́ɣɛ kɔɔ kɔɔ́ ŋani hɛ́li mbélaitii taá ndɛ́ɛ yélai ti kpɛ́lɛɛ ti lííw̃ai waá ngáá ngɔmbu hó ngwálai h̃u ngɛ́i w̃ááku nyɔu ỹɔungí áá w̃ɔ́ ngwala kíya fukú í na i su. Saí helé kélei wómai va mil̃á.”

FAA YÁKƐ KƆ́LƆI 22:15

Kɛ́ sítii ti ngáá nyaama yélaitii ɛ́ɣɛ súkɛ gúla mbélaitii taa kɔlɔsiyá mbélaitii ɛ́ɣɛ nuu váa mbélaitii ɛ́ɣɛ sítii taá kɔɔ kɔɔ́ ŋániitii fɛ́li ɛ́ɣɛ sítii ti longɔ ngáá ndɛɛ gɔ́ɔ́landai, tɛí lí taa walái ná h̃u kúnafɔ.