FÉLEPA 3:18 - Kɛ́lɛ Niinaí

¹⁸ Ngí ndengá wú w̃á ká ká aáva nyá lɔ́ɔ múl̃ɔ nde wú w̃a ndiiỹaaní wála h̃u ngáá nuu bíh̃iw̃aa lɔ na ti ngáá Kílisitii waa hílima yélaa. Ti lúva veléi aa kula ngáá kɛ faa ỹááka waa ngáá Kílisitii háálai kulɔ́sii w̃a.

FÉLEPA 3:18 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:41

Ná Jísu í bɛ́ɛ́ni Jɛlúsɛl̃ɛ wá i naa lɔní, kɛ i pɛlɛngá wɔ́lɔma náa hááw̃a,

TI GƐ́Ɛ́ HAÍTII 20:19

Ngí yéngengɔ Ndemɔí Ngalá mbɛ́ ngáá lii ɣɛ́ni wɔɔlɔ ɛ́ɣɛ ndiiỹaaníi ɔ́ɔ́ ɣɛ́ nɔ́ɔ má. Ngí ɣɛ́i ngáá mbo kɛ kíya bɛ́lɛ suugɔvɔ́ bá kpangáitii tɔ́ɔ́ vá mááh̃u ngáá faa ỹɔ́i Júsuaitii tɔ́ɔ́ suubátɛ fááw̃a ndɔɔwu h̃ú.

LÓÓMI 9:2

Ndííỹaaningɔɔ lé, mááw̃aanungɔ ngwala kpɔ́wɔ bɔ́wɔ nungáitii faaw̃a. Ná bɛ́lɛ ɔ́ɔ́ lí í to sí wa ngáá Ngalángi vélengi ɔ́ɔ́ ɣɛ́ mbá, ná vólu, ni yangí wɔ́lɛma naa Kílisitii kɛinɔɔ́ ní vóngai Júsuaitii ti gúlah̃uunuma ngɔ́ɔ́ ɣɛ́ loí ná i ɣɛ.

KƆ́L̃E HESENDAA GƆLƆÍ 1:18

Keela wói kɔwɔ́ato Kílisitii váándai wa kulɔ́sii w̃a, aá lɔ́ ngáá faa ỹááka sítii ngeyá tí wú ngáá ló sú. Kɛ́ muỹɛ́i Ngala ngáá mu wúmaawo, aa lɔ ngáá ngi yákpangi yaáh̃u ɣɛ́ngɔ ngáá mu ye.

KƆ́L̃E HESENDAA GƆLƆÍ 6:9

Wú súúwɔlɔ pánda vánda ngáá kɛ nyaama yélaitii taá vaamá ɣɛ́ma Ngalá mbu ngi w̃ásandai h̃u. Wálaa bɔwɔ́ vɛ́lɛ, sítii ti ngáá kɔlɔsiyá mbélaa, ɔɔ sítii taá kɔɔ kɔɔ́ ŋániaitii fɛ́li taa ti yeɣé ngáá ngalángaa, ɔɔ nuí taa ɣɛ́ séi h̃u í mɔ́ɔ́ kɔlɔsiyá mbó, ɔɔ kɔlɔsiyá mbó mbélaa ngáá ti mbála ỹah̃ái ɔɔ tí mbála h̃iỹɛ́,

KƆ́L̃E GƆ́LƆI HELE KÉLEI 11:13

sífaa siỹɛngáá laalií sítii taa ngáá Ngalángi géélaa, taá ndɛ́i gɔ́ɔ́la kɔwɔ́ato ngengengí wa táá mbo ɛ́ɣɛ taá bɔwɔ́ gúla ngáá Ngala kééla ɣɛ kíli Kílisitii hááw̃a.

KƆ́L̃E GƆ́LƆI HELE KÉLEI 11:29

Faalɔ, ná nuu tá áá yéi volú, nyá bɛ́lɛ nɔ́ njéingɔ áá ɣɛ lá vólu. Ná nuu tá áá víli faa ỹɔ́u h̃u aa kɛ ndíí í báálɛ.

KƆ́L̃E GƆ́LƆI HELE KÉLEI 2:4

Ná h̃ú ngí kɔlɔí vɔ́nɛni wú yéle, háwui ngí pɔ́nɛni ma wú yéle, maa hái í mááw̃aanuni í ndííỹaani ngwala, í kɛ ngí wɔ́lɔ ká ká. Ngáá ɣɛ́ngɔ loí wú líí ɔ́ɔ́ ỹááni, kɛ́ aá ɣéle, ngí ɣɛ́ngɔ nɔ́ɔ loí wú ɣɛ́ kɔ́lɔ ngáá ndóngɔɔ lé ngáá wú yé ngwala.

GALÉSIYA 1:7

Laáva tɔɔỹáa hááw̃a, keela woó vánda veka fíli áá na, kɛ́ nungáá lɛ́ingaa tiyá lɔɔ wú gí máitii ngasúpu faítii su ɛ́ɣɛ tiyá lɔ́ɔ yákpa ngáá ti Kílisitii gééla woo vandaí w̃aalóvi ngáá peka.

GALÉSIYA 2:14

Kɛ́ ná ngí tɔ́ni ngáá kɛ taá ɣɛ́i taa híya ngáá keela woó vándai ngáá tɔɔỹaá, ngí ndéi Pítɛ w̃a ti kpɛ́lɛɛ kakála, ngí ɣɛ́ ma, “Yá lɔ́ ngáá Júsu w̃ɔɔ, kɛ́ yá lɔ́ɔ lúva kɛ kíya sítii taa ngáá Júsua taa lúva. Ndeénii le sítiini taa ngáá Júsua yáá kpa ti w̃á ngáá kúle ngáá taayáá híya ngáá Júsuai ti ndá híya veleí?”

GALÉSIYA 2:21

Ngáá lélengɔ Ngalángi háá bɔwɔ wa. Kɛ́ ná wɔ́lii nuu áá ɣɛ́ ngáá telembo mɔ́ɔ́ Ngalá ngááh̃u savaí w̃aa véle w̃a, kɛ ná gúlangɔɔ lé ngáá Kílisitii i haangɔ́ gbááma.

GALÉSIYA 5:21

Ná vólu, nuu líí aa kɛ nungáá yáa wɔ́li faa áá víli nuu líí vólu, aa kɛ nuu í ɣɛ́ ndɔɔ hoú h̃ú ɛ́ɣɛ kooh̃unɛɛ lóóli wala walaní su, ɛ́ɣɛ sí w̃áa ỹɔ́kɔ faa vekáitii. Kɛ kíya nɔ́ɔ ngí ndéngɔ wú w̃a, nyá lɔ́ɔ ndé múl̃ɔ wú w̃a ngáá sítii taa lúva h̃íí na tɛ́i ɣɛ́ Ngalángi w̃ásandai wu.

GALÉSIYA 6:12

Nungái sítiini táá kpa wú w̃á ngáá kulé ngáá ti wú lɔ́ve pɛlɛ́ vólu, tiyá lɔɔ sí ɣɛ́ kɛinɔɔ́ Júsuai tí lókohei ti wu. Laáva sí í kɛ́a léi tíwaa sí ɣɛ ma aá wáa ngáá kɛinɔɔ́ tálaa faa bá maahɔ́lɔ keela wóo léndai h̃u kɔwɔ́ato Kílisitii váándai wa kúlɔsii w̃a.

GALÉSIYA 6:14

Kɛ́ nyá laa ngɛ́i ŋáni fíli mááyonga tevé kɛ nɔ́ɔ léi sái mu Lemɔí Jísu Kílisitii í mbóngɔ kúlɔsii w̃a. Maa hái ná va í mbóngɔ kúlɔsii w̃a, í kɛ́a ngáá háwu ni ndá áá mɔ́ɔ ngeleí sí wúú háa ta fíli su aáva ngeleí sí wúú háá tá fíli aa mɔ́ɔ ní ndá h̃u kíya nɔ́ɔ nungáá taa ha ti háá ɛ́i mɔ́ɔ ɣɛ́ ỹɔw̃ɔ́ ỹɔ́w̃ɔ háá h̃u.

Ɛ́FƐSƆ 4:17

Ndemɔí yákpangi h̃u, nyáá ngáá ndaahi kpá kpángi sí wó ngáá wú ye. Wú híya gílii ɛ́ɣɛ wú gɛ́ɛ́ haítii tálaa mɔ́ɔ ɣɛ ngáá kíya sítii taá Ngalá kɔ́lɔ ti gɛ́ɛ́ haítii tí na, tiyɛ́i pele áá tí gísiyaitii su

FÉLEPA 1:4

Laáva, kíya fíli ngáá Ngala fɛ́li wú kpɛ́lɛɛ mbɛ́, ngáá fɛli ngáá kooh̃unɛɛ kɔwɔ́ato wú bɔ́ kílii wa mbá ngengengí sí h̃u Ngalángi gééla woo vandaí hááw̃a, í séi hésendaa holoí w̃a wú Ngalángi gééla woo vandaí w̃áahɔlɔni, í ló su í foló sí h̃úi w̃á.

TƐSALÓNIKA HESENDAA GƆLƆÍ 4:6

Nuu fíli pa álaa fái sí ta ɣɛ ngáá ngi mbála Yalá fɛ́li mɔ́ɔ. Wú ɣɛ́ kɔ́lɔ ngáá kɛ Ndemɔí Jísu lɔɔ vá faa bá ndáma nungái sítii ma taa fái sítii kɛ ní ndááhi kpá kpá mbongɔ́ ngáá wú yé kɔwɔ́ato ti wa.

TƐSALÓNIKA GƆ́LƆI HELE KÉLEI 3:11

Niỹá lɔ́ɔ ná lé bɔw̃álale, ní mɛ́ningɔ ngáá nungáá lɛ́ingaa lɔ́ wú h̃u ti ngáá saɣá yélaa, tɛ́i faa fíli kɛ kɛ nɔ́ɔ́ ti vílindaa nungáá hááni su.

PÍTƐ GƆ́LƆI HELE KÉLEI 2:10

ngungí nda mɛ́ɛ́ gíte sítiini ma ti hítɛngɔ nɔ́ɔ́ ti líívo kɛɛ ỹɔu ỹɔungáitii polú ngáá luwúi aáva Ngalángi yákpangi wúfema fíli aa tí yɛ. Maa lɛ́ɛ́ galambo mbo mbélaitii ti liibángɔ áá ɣɛ lá ngwála ti lii wɔ́ɔ́lɔngɔ ti w̃a, nduwá fíli pá ɛi ɣɛ́ ti h̃u ngáá ti sítii suuhalatá tí ngakpa su Ngalá ngéya ngelegóóh̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:13

Ngufe tálai í ti h̃u kɛɛlɛ́ ngáá mba kíya nɔ́ɔ njɛí áá ɣɛ́ áá lúndɛ ngí húúlengi áá lɛ́nga. Ti gúlangɔɔ lé ngáá temúleɣai áá ɣɛ́ káka su, Ngalá ngáá ɣɛ ỹanda bátɛni mbɛ kpindí wála h̃u áá ɣɛ́ na kúnafɔ.