FÉLEPA 3:11 - Kɛ́lɛ Niinaí

¹¹ Ná ná áá ɣɛ́, kítomai waa ngáá nyá bɛ́lɛ Ngalá ngi mbúyoɣe sái h̃u.

FÉLEPA 3:11 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:14

Aáva aa ɣɛ ngáá faa vánda í háaw̃a. Kíya bɛ́lɛ tɛi hómbo tɔɔ́ suulóo, suu áá lóo í w̃á ná sítii ti ngáá telembo mbélaa Ngalá ngaah̃ú taa yóóɣe sái h̃u.”

NJƆÚ 11:24

Mááta i ɣɛ ma, “Ngí suuwɔlɔ́ ngáá aá lɔɔ vá mɔ́ɔ́ yooɣéma saí h̃u ngetéyangi yakɛ́ɛ́lɛ foloí w̃a.”

TI GƐ́Ɛ́ HAÍTII 23:6

Kɛ́ ná Pɔ́ɔ í ngátɔni mba ngáá kɛ ti lɛ́ingaa ti ɣɛ́i ngáá Júsuai sítii taa ɣɛ́ ti w̃a Sájusiaitii, pekaítii taa ɣɛ́ ti w̃a Falósiai, kɛ i woo lɛ́nga faa h̃úú haa lemái na, i ɣɛ ta, “Mu mbálangaa, nyá lɔ ngáá Falósi w̃ɔɔ, aáva Falósi w̃ɔɔ goo h̃ú loú wáá ngáá ngé. Nyá lɔ lóóni mbéinda kɔ́sɔma, bɔw̃álale kítomai waa ngáá nuu wúyoɣendai saí h̃u.”

TI GƐ́Ɛ́ HAÍTII 26:7

Niỹɛ́i ni ngáá Júsuai ni niỹa lɔ ngáá nde kpambi púúngɔ maah̃úú félengɔ, kuulongí sí lɔ́ í ngáá ni gitómai ni Yála fɛlindái h̃u kpindí bɔ́ngɔ fólo wa. Masangí Agílepa, kitomái sí lɔ í kɛ́nga Júsuaitii táá faa vɛ́lɛ mbá.

TI GƐ́Ɛ́ HAÍTII 27:12

Kelé ngwála bulɔmái na áá ɣɛi ngáá ỹandáá vanda ngáá nuu ɔ́ɔ́ ló na í ɣɛ́ ngáá kɔɔlɛ́ váá hɔwɔ́i ɔ́ɔ́ fólo ma. Faalɔ, nungáá bih̃íw̃aa ni h̃u ti ɣɛ́i loní ni lí naa lúwɔ kɛinɔɔ́ ná wɔ́lii ɔ́ɔ́ bɛ́ma ní fólo Fíínee taí h̃u í Kíliti. Kelé kpúlɔmai va í ɣɛ́i Fíínee, ngu pótengɔ í ɣɛi la ngáá foló líí veléi h̃uu véle. Ná ná ɔ́ɔ́ ɣɛ́, naa lɔ náá nɔ́ɔ́ ló na í ló su kɔɔlɛ́ hɔwɔí í lɔ́ve.

LÓÓMI 11:14

Tɛingaa ná ngáá ɣɛ́ ngáá sí ɣɛ ná aa kɛ ngáá háwu ní vóngai Júsuaitii ti wú w̃áálolo gúla, ti lɛ́ingaa vá tí ngúmaawongi w̃ááhɔlɔ.

KƆ́L̃E HESENDAA GƆLƆÍ 15:23

Kɛ́ Ngalá tɔɔ maa hái yeɣé kɔ́wɔ w̃a ngáá ngila ngíla. I Kílisitii hése mbuyoɣénga sái h̃u, ná vólu, aá lɔ́ɔ vá sítii mbuyoɣéma sái h̃u ti Kílisitii hááw̃a folói ná w̃a íwaa vá yangáima má ngeleí sí wu.

KƆ́L̃E HESENDAA GƆLƆÍ 9:22

Ná naa ɣɛ́ ỹánda yílaa naá sítii tí h̃úúbangɔ láá le Ngalá fái h̃u, ngáá bɔ́wɔ ɣɛ́ kíli gula ngáá ti ɣɛ kíli kɛinɔɔ́ ngí kɛ ngáá háwu ti wumáá í wo. Ngundamái waa ngaá ngáá bɔ́wɔ ɣɛ́ kíli gula ngáá nuu híí kpɛ́lɛɛ kɛ kíli kɛinɔɔ́ ngí kɛ ngáá háwu tí lɛ́ingaa ti wumáá í wó pele fíli sú nɔ́ɔ áá hólowo.

KƆ́L̃E HESENDAA GƆLƆÍ 9:27

Ná lɔ́ í kɛ́a tóko i bɔwɔ́ w̃ááh̃u, aáva ngáá bɔ́wɔ bánda ngá kpé kɛinɔɔ́ ngɔ́ɔ́ va ló vólo h̃u nyɛ́i ɣélengi ngíwaa nungáá vékaa lolí Ngala fái sí h̃u.

KƆ́L̃E GƆ́LƆI HELE KÉLEI 11:3

Kɛ́ nyá lɔ́ lúwa ngáá sí í ɣɛ́i ngáa Ádau ỹah̃a Íífi ɔ́ɔ́ ɣɛ́ ngáá wú ye. Ná wáá ngáá kíya kaalií í Ádau ỹah̃aí Íífi yakpólowani ngáá ndɛɛ géle ɣélengi ná í fáa ỹɔ́u ɣɛ́i, ngimɔ́ɔ́ nɔ́ɔ tɛ́ingaa h̃u tíwaa vá wú yákpolowama ngáá wɔ́i mɔ́ɔ́ bɔwɔ́ gúla fó fóndei kɛ́lɛma Kílisitii yɛ́.

TƐSALÓNIKA HESENDAA GƆLƆÍ 3:5

Háwui ná vá tɔ í kɛ́ngɔ ngí Tímoti lɔvéngɔ wú yéle ngáá í vá í tɔ́ kíya wú lángi ɣɛ́ kíli í na sí h̃úi, sífaa ndíí ɛ́i belé mɔ́ɔ́ lónga. Ngí ɣɛ́ngɔ ngáá gísiya ngáá tɛ́ingaa suugɔvɔ́ mɔ́i Setána aa ɣɛ wú h̃úúgɔvɔnga aáva wáá ɣɛ́ bengá Ngalá fái wa. Ná ná vá ngɔ́ɔ́ ɣɛ́, kɛ ní yéngengi kpɛ́lɛɛ kulasuunúma fíli ɛ́i béle mɔ́ɔ́ ɣɛ́ su.

TƐSALÓNIKA GƆ́LƆI HELE KÉLEI 2:3

Kɛ́ wálaa kɛ nuu fíli ɔ́ɔ́ wú yákpolowa péle fíli su, sífaa, Ndemɔí aa nɛɛ vaamá kɛ sítii táá vá ngapúmaa lo ndáá wuí gúlama ngáá Ngala tí kɛ. Ná vólu, nyaama ỹáni walaí sí lɛ́i suubátɛngɔ náa ngáá aá lɔɔ lí njahááma aa vá náa.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

HÍBULU 11:35

Ndangí w̃áá véle w̃a ti ɣɛ́i su ngáá Ngala, ti lɛ́ingaa ti nyah̃aá lɛingáá tí nungáá lɛingáá yángaimai mɔ́ɔ́ ndɛɛh̃ú h̃ú volú ná tí hááni. Ti lɛ́ingaa vá ti léleni ngáá tí mááwalo maahɔ́lɔ aáva tí fáá báma yeɣé kɛinɔɔ́ tí ndɛɛh̃úi sí w̃aahɔ́lɔ pángɔ í lɔvé ngeleí sí wuu ngélei wa.

FAA YÁKƐ KƆ́LƆI 20:5

Sí lɔ́ i ngáá hésendaa yooɣeí sái h̃u. Nungáá vékaitii ti ɣɛ́i naa hááni, táá yóóɣéni sái h̃ú í ló su kpóloo fowó tásu ngiláángi í víla.