FÉLEPA 3:10 - Kɛ́lɛ Niinaí

¹⁰ Faalɔ, ndóngɔɔ lé ngí ɣɛ́ Kílisitii wɔlɔ́ ngáá kɛ ele gíte wáá ngáá laá, kɛinɔɔ́ ná í wúyoɣeni sái h̃u, ngakpángi sí í ngeyá nyá bɛ́lɛ í ɣɛ́ ngéya. Ná wáá ngáá ngí ɣɛ́ ngáá kíya í ɣɛ́i na ngi w̃áánɔw̃ɔi h̃ú ɛ́ɣɛ sái í mbóni.

FÉLEPA 3:10 Iomraidhean Croise

MÁFIYU 20:23

Kɛ Jísu i ɣɛa ti w̃a, “Wá lɔɔ vá w̃áánɔw̃ɔma ngáá tɔɔỹáa kíya ngíwaa va w̃áánɔw̃ɔma, kɛ́ ngákpa ngáá ngéya ngɔ́ɔ́ lokolo nungáá wá ngáá kpéla yélaa. Ní Kɛ́ɛ́ɣɛ Ngalá í naítii ndóngɔ sítiini mbɛ í lokolongɔ́ ti wa.”

NJƆÚ 10:18

Nuu fíli aa na ngáá ɔ́ɔ́ kula ngeyá kɛ́ ngáá kula kɛlɛma ngáá wumáá. Ngakpá tɔ́ ngéya ngáá ngi kula kɛlɛ́ma, ngakpá ngí ngéya ngáá ngí ngeɣé múl̃ɔ volú. Sí lɔ ní Kɛ́ɛ́ɣɛ i ndéngɔ ma ngáá ngí kɛ.”

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

LÓÓMI 8:29

Ná wɔ́lɔ pá i suuwɔ́lɔ nɔ́ɔ ngáá elení tɔ í lókolonga tí wa i ti ɣɛ́ ngáá ngi ndá léélaa. I kpatɛngɔ́ gí ma ngáá ti ɣɛ́ ngáá ngi H̃íỹɛndou Loí ɣɛ́ kílii ngáá kɛinɔɔ́ ngi H̃íỹɛndou Loí í ɣɛ́ ngáá hésendaa Loí ndoú bíh̃i bíh̃ingaa h̃u taa ɣɛ́ ngeyá.

LÓÓMI 8:36

Maa hái waa nɔ́ɔ ngáá kíya pɔnɛngɔ́ Ngala Kɔ́lɔi h̃u, sí vá pɔnɛngɔ́ aá wáa ngáá sí, “Ngele fíli áá wo, niyá lɔ nɔ́ɔ saa lowá la i hááw̃a. Taa ni h̃úúhou kíya nɔ́ɔ mbaala ɣɛ kíli i ná, ná taa ɣɛ́ náa taa vá paamá.”

KƆ́L̃E GƆ́LƆI HELE KÉLEI 1:10

I ni w̃ááhaalongɔ sái yáa í ɣɛ́ngɔ náa ni bɛ́ɛ́ngɔ aáva aa tɔɔ vá mɔ́ɔ ni w̃ááhaaloma. Ni langɔ́ɔ́ lé lá Ngalá tɔɔ́ ndi ngu ma ngáá ni w̃ááhaalondai.

KƆ́L̃E GƆ́LƆI HELE KÉLEI 1:5

Kɛ kíya nɔ́ɔ Kílisitii í maanɔw̃ɔ́ bíh̃i bih̃ingí yéɣeni níwaa ngéɣe, ngimɔ́ɔ́ nɔ́ɔ ngi lííyapɔpɔ ngwalaí áá fólo ni w̃a.

KƆ́L̃E GƆ́LƆI HELE KÉLEI 13:4

Kíya bɛ́lɛ njɔ njɔngɔ́ í ɣɛ́i lá ná h̃ú tí kpakpáni kulɔ́sii w̃a í hááni ma, kɛ́ aa lɔ́ náa ndɛɛh̃ú h̃ú Ngalángi yákpangi w̃áá véle w̃á. Kíya Kílisitii yɔ́ njɔ́ngɔ í ɣɛ́i la ngimɔ́ɔ́ niỹá bɛ́lɛ ni yɔ́ njɔ́ngɔ kɔwɔ́ato kpahaí wa ní su mba, kɛ́ ná náa vá wú yéle, niỹá lɔ́ɔ vá baháma Kílisitii wá. Faalɔ, náa ɣɛ́ naá Ngalá ngí yákpangi yakɛ́ ni lɛ́ɛ́h̃ui h̃ú.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

GALÉSIYA 6:17

Ngundamái waa náa ngáá, nuu álaa mɔ́ɔ va ngáá faa báma mááh̃u, bɔw̃álale piliítii ti ndúwui w̃a tiyá lɔ́ taá ngákɛ ngáá kɛ nyá lɔ ngáá Jísu lúwɔ lopo.

Ɛ́FƐSƆ 4:13

í ló su kpóloo, a mu kpɛ́lɛɛ mu lángi ɣɛ́ kíli í ɣɛ yíla Ngalángi H̃íỹɛndou Loí h̃u, aáva a mu ɣɛ́ kɔ́lɔ pele yílaa su ngáá ele gíte wáá ngáá laá. A mu h̃úú áá bá náá Ngala fái h̃u kíya Kílisitii í na.

FÉLEPA 3:8

Aá ɣéle p̃ɛ́ɛ́ kulasuunúmai í Kílisitii wɔ́lɔndai h̃u ngáá kíya í na, ná nuu fíli áá faa fíli súw̃a maa gúlasuunumai ná w̃a, ngáá maa hái ná kpɛ́lɛɛ ngéɣe ngáá faa ỹááka. Sífaa ngí lokogúlaa faa kpɛ́lɛɛ sú ngí ti yeɣé ngáá faa ỹááka ngáá kɛinɔɔ́ ngí hómbo ngí ɣɛ́ ngáá Jísu Kílisitii nuu lɛ́i í ngáá Ndémɔi.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

KƆLƆ́SE 2:13

Wú ɣɛ́ngɔ ɣɛi kíya nɔ́ɔ nuu háángɔ í ná Ngala kákala, bɔw̃álale wú ɣɛ́ngɔ ngáá faa ỹɔ́u yélaa aáva wú wúmaawongɔ aa ɣɛi la nɛ́nɛ faa ỹɔ́i yaa. Kɛ́ Ngalá ngí kɛ́ni ngáá háwu Kílisitii í ndɛ́ɛ́h̃u gíte gúla kɛlɛ́ma wú yɛ́ í mú háá ỹɔítii kpɛ́lɛɛ súúhaalo.

KƆLƆ́SE 3:1

Ná Ngála ngí Kílisitii wúyoɣeni sái h̃u, wa bɛ́lɛ nɔ́ wú wuyóɣengɔ votó ngí ɣɛi lá sái h̃u. Faalɔ, a wááyaa gisíya ngáá faítii tí ngelegóóh̃u mbéi Kílisitii í héini ngufema ỹándai Ngala kpéla masandáá h̃u.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ GƆ́LƆI HELE KÉLEI 1:13

Aá lɔ́ kí ma ngáá aá lɔ́ pele w̃a ngáá ngí ɣɛ́ ngáá wú gísitɛ nɔ́ɔ na fɔ́ ná nɔ́ɔ kái ngí ndɛɛh̃úi sí h̃ú nɔ́ɔ nɛ́nɛ,

NJƆÚ HESENDAA GƆLƆÍ 2:3

Ná a maa gólo Ngalángi hávaitiini mbu, kɛ mu gi mái aa ɣɛ kpál̃au, mú ɣɛ́ kɔ́lɔ ngáá ele gíte waa ngáá Ngalá.

NJƆÚ HESENDAA GƆLƆÍ 2:5

Kɛ́ ná a maa gólo Ngalángi gééla woí wu, Ngalángi lóngi áá ɣɛ́ mú h̃u, kɛ aa gɛɛlɛngɔ́ pele h̃u. Ná vá tɔ áá ngákɛ ngáá a mu háá í ɣɛ́a su yíla a maá Ngála.

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.