FÉLEPA 2:9 - Kɛ́lɛ Niinaí

⁹ Háwui sí hááw̃a, Ngalá ngi kɛ́a ngáá háwu ngufema wála í hé mbɛ tɔvengɔ́ ngufema kpɛ́lɛɛ mbá. Í mɔɔ toow̃aá wála he ngeyá tɔvengɔ́ toow̃aá kpɛ́lɛɛ mbá.

FÉLEPA 2:9 Iomraidhean Croise

MÁFIYU 11:27

Jísu i mɔ́ɔ ɣɛ ta, “Ní Kɛ́ɛ́ɣɛ i ŋani kpɛ́lɛɛ fénga ngéya. Nuú fíli pá aa Ngalángi H̃íỹɛndou Loí wɔ́lɔ kɛ léi Kɛɛɣɛí. Nuu fíli pá aa Kɛɛɣɛí wɔ́lɔ kɛ léi ngi H̃íỹɛndou Loí ɛ́ɣɛ sítiini ngi H̃íỹɛndou Loí áá lókolo ti wa ngáá í Kɛɛɣɛí Ngalá kɛ ngáá ti ye kpál̃au.”

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:22

Jísu i mɔ́ɔ ɣɛ ta, “Ní Kɛ́ɛ́ɣɛ i ŋani kpɛ́lɛɛ fénga ngéya. Nuú fíli pá aa Ngalángi H̃íỹɛndou Loí wɔ́lɔ kɛ léi Kɛɛɣɛí. Nuu fíli pa aa Kɛɛɣɛí wɔ́lɔ kɛ léi ngi H̃íỹɛndou Loí ɛ́ɣɛ sítiini ngi H̃íỹɛndou Loí áá lókolo ti wa ngáá í Kɛɛɣɛí Ngalá kɛ ngáá ti ye kpál̃au.”

NJƆÚ 13:3

Jísu i ɣɛi kɔlɔ́ ngáá ngi Kɛ́ɛ́ɣɛ Ngala i ngakpá féa ngeyá faa kpɛ́lɛɛ mááh̃u. I ɣɛi suuwɔlɔ́ múl̃ɔ ngáá i gulangɔ́ Ngalá ngelé laáva aá lɔɔ́ yangáima Ngalá ngelé.

NJƆÚ 17:11

Nyá lɔ vá í yéle h̃umbuwa. Ngáá mɔ́ɔ́ lɛmbíma ngeleí sí wu. Kɛ́ sítii yí tí héngɔ ngéya, tiyá lɔɔ ló ngeleí sí wu. Kɛɛɣɛ́ yɛ́i hɛ́ɛ́ í í w̃a, ti w̃ááh̃u belé í yákpangi w̃áá véle w̃a, ngakpángi sí nɔ́ɔ́ yí féi ngéya kɛinɔɔ́ ti ɣɛ́ ngáá nuu yílaa kíya nɔ́ɔ maa í ye mu ngáá nuu yílaa.

NJƆÚ 17:12

Ná ngí ɣɛ́ngɔ ti loow̃á, ngí ti w̃ááh̃u beléni ngáá ngakpángi sí yí féi ngéya. Ti tá fíli taá gulangɔ ngéya kɛ léi sí kule í ɣɛ́i ma í gúla ngéya kɛinɔɔ́ í láá wói pɔnɛngɔ́i í hítɛ nga.

NJƆÚ 17:5

Kɛɛɣɛ́, kɛ náa ngáá háwu ngí ngufema w̃ááhɔlɔ mbéinda yí na, ngufemaí sí nɔ́ɔ jɔ́ í ɣɛ́i ngéya na h̃u ngí ɣɛ́i í lóów̃a p̃ɛ́ɛ́ yɔ́ɔ́ ɣɛ́a ngelewu bátɛ.”

TI GƐ́Ɛ́ HAÍTII 5:31

Ngalá ngí ngu tɛngá kélei í séi ngufema ỹándai bela ngi w̃ásandai h̃u ngáá Ngutuwɔ́ ɛ́ɣɛ Ngumaawó Mɔ́i kɛinɔɔ́ ngumaawóngi í hé Ísulɔ yeláitii mbɛ tí vólu yafé ti háá ỹɔítii mba ɛ́ɣɛ ti h̃úúhaa í ló.

Ɛ́FƐSƆ 1:10

Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

KƆLƆ́SE 1:18

Kílisitii lɔ́ í ngáá Ngalá fɛ́li mbélai ti wungí. Ngalá fɛ́li mbélai pa tiyá lɔ́ Kílisitii wa kíya nɔ́ɔ nuu lúwui áá ɣɛ nuu w̃a. Aá va tɔ áá kɛ́ ngáá háwu Ngalá fɛ́li mbélai táa ɣɛ́ ndɛɛh̃u gítei h̃u. Aá vá tɔ́ í ngáá hésendaa w̃ɔí Ngala ngí mbuyoɣéni sái h̃u, kɛinɔɔ́ ngilaá kpé ngoo í ɣɛ́ nda ŋani kpɛ́lɛɛ mááh̃u.

TƐSALÓNIKA GƆ́LƆI HELE KÉLEI 1:12

Ná vá tɔ áá kɛ mu Lemɔ́i Jísu laaw̃áá í lɛ́ wú w̃áá véle w̃a, wá bɛ́lɛ wú lááw̃aa í lɛ́ maa véle w̃a. Nátii taá ɣɛ́ nɔ́ɔ bɔw̃álale mu Yálangi ɛ́ɣɛ Ndemɔí Jísu Kílisitii tiyá lɔ ngáá faa bɔ́wɔ yelaa.

HÍBULU 1:4

Ngala ngí kɛ́ni ngáá háwu ngi H̃íỹɛndou Loí ya ngí bá í lɔ́ve malékaitii mba kíya nɔ́ɔ toow̃aa mbá lááheingi í pɛ́lɛngɔ mba tɔvengɔ́ malékaitii ti ndái wa.

HÍBULU 1:9

Í lóngɔɔ lé ngáá telembongí, í hílingɔ ngáá faa ỹɔ́i. Ná lɔ́ í kɛ́ngɔ nyɛ́i ngí ngáá Ngala ngí lókolongɔ í wá, ngí kɛ́ngɔ ngáá háwu í góóh̃u í nɛ́ɛ́. Ná wáá ngáá, ngí nguféma héngɔ í yɛ́ tɔvengɔ́ ngufémai wa ngí féngɔ í mbálangaitiini ngeyá.”

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

HÍBULU 2:9

Kɛ́ aa vá mú kɔ́lɔ ngáá kɛ Ngala ngí Jísu wunga njéini kulo, ngi ndá yákpangi aa ɣɛi hitií malékaitii ti ndá yákpangi h̃u. Sí i ɣɛní kɛinɔɔ́ Ngalángi háá bɔwɔí w̃áá véle w̃a Jísu í há nuu kpɛ́lɛɛ fááw̃a. Kɛ́ a mú kɔ́lɔ náa sí h̃úi ngáá kɛ Ngala ngí faa w̃aanɛ́ɛ́ nɛɛ ɛ́ɣɛ ngufema hénga mbɛ kíya nɔ́ɔ masa mbɔ́ɔ́lɔ áá ɣɛ́ ndɔwɔlɔ́ w̃ása ngu mba bɔw̃álale, i w̃aanɔw̃ɔ́ngɔ ɔ́ɔ́ ɣɛ́a ha.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.

PÍTƐ GƆ́LƆI HELE KÉLEI 1:17

Ni ɣɛ́i na ná h̃u í ngúfema wálai sí w̃aahɔ́lɔi ɛ́ɣɛ ngakpa máánɛɛnɛɛngi áá gúla Kɛɛɣɛí Ngalá ngéya. Ná wáá ngáá, ná Ngalá ngí yɛ́pɛi áá gúla ngelegóóh̃u ngakpa ngwála ỹandaí, ná í ɣɛ́i ta, “Sí lɔ í ngáá ní H̃íỹɛndou Loí ndóngɔ lá aa lɔ ndíílɛingɔ faaw̃a ngwala.”

NJƆÚ GƆ́LƆI HAWA KÉLEI 1:7

Sífaa, siyangí sí tí su tiyá lɔ́ɔ mbo Jísu Kílisitii hááw̃a, taá kɛ́ngɔ tɔɔ́ lókohei ŋani fíli mbú áá gúla nuu yáa áá ngáá Ngála fɛ́li mɔ́ɔ.

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 19:16

Jogbongí í ɣɛ́i ma, ndaahéingi vɔ́nɛngɔ i ɣɛi lá ma, pɔnɛngɔ́ múl̃ɔ kpálai w̃a. Ndaahéingi ná i ɣɛi ngáá sí, “Ndɔwɔlɔ́ W̃ása Ngwalaí ndɔwɔlɔ w̃ásangaitii fááw̃a ɛ́ɣɛ Ndemɔí nde mbélaitii kpɛ́lɛɛ fááw̃a.”

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 5:12

Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”