FÉLEPA 2:8 - Kɛ́lɛ Niinaí

⁸ I bɔwɔ́ wú nga njéini, í gólo saalái ɣéle tɔ faaw̃a, í li bɛ́lɛ í tó kulɔ́sii w̃a háálai gíte wa í mbóni.

FÉLEPA 2:8 Iomraidhean Croise

MÁFIYU 17:2

Naa vá tɔ Jísu ɣɛ kíli w̃aa í lóvini ná ti gakála. Ngaah̃úi i holóni kíya kpéiŋ folói í na, ɛ́ɣɛ mɔ́ɔ maa gúlai wólengɔ áá hólo kíya kpéiŋ mɛl̃ɛ mɛl̃ɛ́i í na.

MÁFIYU 26:39

Kɛ Jísu i liingá kulo kélei má, í bɔwɔ́ gúla ndɔwɔlɔ́i wa í ya pɛ́lɛ, í Ngala fɛ́li, áá ɣɛ́ ta, “Kɛɛɣɛ́, ná wɔ́lii áá ɣɛ́ ngáá í lúw̃ama h̃úu háa, maanɔw̃ɔ́ gɔ́pungi sí gúla kái ngéya. Kɛ́ ná fíli sú, nyá ngáá ɣɛ́i sí ndóngɔ í ɣɛ́, kɛ́ sí i lóngɔ la í ɣɛ́.”

MÁFIYU 26:42

Kɛ Jísu i mɔɔ liinga, í Ngala fɛ́li, i ɣɛ ta, “Kɛɛɣɛ́, ná maanɔw̃ɔ́ gɔ́pungi sí ɛ́i ɣɛ́ áá gúla ngéya kɛ nɔ́ɔ w̃ɛ́ɛ́ ngí maanɔw̃ɔ́i sí yéɣe, sí i lóngɔ la í ɣɛ́.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:29

Ná Jísu í ɣɛ́i áá Ngala fɛ́li, kɛ ngaah̃úi batɛ gilíi w̃aa í lóvinga, ngi gúlai í pɛlɛ holó má kíya kpéiŋ ngeleí áá ɣɛ́ míỹa míỹa.

NJƆÚ 10:18

Nuu fíli aa na ngáá ɔ́ɔ́ kula ngeyá kɛ́ ngáá kula kɛlɛma ngáá wumáá. Ngakpá tɔ́ ngéya ngáá ngi kula kɛlɛ́ma, ngakpá ngí ngéya ngáá ngí ngeɣé múl̃ɔ volú. Sí lɔ ní Kɛ́ɛ́ɣɛ i ndéngɔ ma ngáá ngí kɛ.”

NJƆÚ 14:31

kɛ́ kɛ ngeleí sí wúu yélaitii taa ɣɛ́ kɔlɔ́ ngáá kɛ ndóngɔ lé ngáá ní Kɛ́ɛ́ɣɛ. Laá va sí jɔ́ áá ndé má laá lɔ ngáá kɛ. A yooɣé, mu gúla mbéi wa.”

NJƆÚ 15:10

Ná wáá gólo ní hávaitii mbu, ngáá ndí ngú ma ngáá ndongí ngáá ɣɛ́ su ngáá wú ye kíya nɔ́ɔ ngí gólongɔ ní Kɛ́ɛ́ɣɛ hávaitii mbu, áá ndi ngu ma ngáá ndongí í su ngáá nge.

NJƆÚ 4:34

Í mɔ́ɔ́ ɣɛ ti w̃a, “Ní ỹɛ́ɛ́nii wáá ngáá nuí sí í tɔ́vengɔ ngí gólo mbɛ ndiivó fái ɣɛndái h̃u. Ná vólu, ngí víla ngi yéngengi sí wóma í féngɔ ngéya.

TI GƐ́Ɛ́ HAÍTII 8:33

Tí ngangúfeni ti péle lála ngi háá lɔɔỹaí hááw̃a. Nuu fíli ɛi hɔlɔ ɔ́ɔ́ yɛ́pɛ kɔwɔ́ato ngi láála lengáitii mba. Bɔw̃álale ndɛɛh̃úi i ỹaanií ngetéyangi sí h̃u.”

LÓÓMI 5:19

Aáva múl̃ɔ, kíya nɔ́ɔ nuu búsa yílaangi gólo lálai í kɛ́ngɔ ngáá háwu nuu kpɛ́lɛɛ ti ɣɛ́ ngáá faa ỹɔ́u ɣɛ́ mbélaa, ngimɔ́ɔ́ nɔ́ɔ kolóngi w̃áá vele w̃a nuu vékai sí í mbóngɔ Ngála mbɛ́ í kɛ́nga ngáá háwu nuu bíh̃i bíh̃i táá vá ɣɛ́ma ngáá telembo mbélaa Ngalá ngááh̃u.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

GALÉSIYA 3:13

Kílisitii i mu wúmaawongɔ peléngi yáa Ngala sávai í kɛ́ngɔ ngáá háwu í vúngɔ mu w̃a. I longɔ́ a mu lóów̃ai ngáá peléngi í vú ma, bɔw̃álale, sí pɔ́nɛngɔi Ngalá Kɔ́lɔi h̃u aá wáa ngáá sí, “Nuí fíli táa páa ngáá sɛlɛndái ngulúi w̃a, kɛ Ngalá péle tɔ́ mba.”

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

HÍBULU 12:4

Faa bɔ́lundai wáá híya su, ná wáá ngáá, fáá ỹɔ́i ngeleí sí wúú yélai taa ɣɛ́ taa ndá wú w̃á wáá nɛ́ɛ́ loí lápima nga wɔ́ɔ́ fólo saa lowá la.

PÍTƐ HESENDAA GƆLƆÍ 2:24

A mú háá ỹɔítii kpɛ́lɛɛ tí vungɔ́ Kílisitii gíte w̃a ná h̃u í ɣɛ́i kulɔ́sii w̃a. I ná ɣɛ́i kɛinɔɔ́ a mu gi ngí léve náa faa ỹɔ́u ɣɛ́ndai volú, a mu ɣɛ́ ngáá telembo mbélaa ndɛɛh̃úi sí h̃u. Ỹandái ná í héini mba, laá lɔ́ í mu walongá.

PÍTƐ HESENDAA GƆLƆÍ 3:18

Sífaa, Kílisitii áá ɣɛi ngáá faa ỹɔ́u ɣɛ́ mɔ́ɔ́ kɛ́ i haaní faa ỹɔ́u ɣɛ́ mbélaitii faaw̃a. I haaní naa héiw̃aa i yíla kpé kɔwɔ́ato mu háá ỹɔítii mba. Aáva í ná ɣɛí ngáá kɛinɔɔ́ í mu lówah̃u í bátɛ maá Ngála. Tí paaní, kɛ́ Ngalángi Hɛ́ɛ́ma Ỹínangi kɛní ngáá háwu í vá mɔ́ɔ́ ndɛɛh̃ú h̃ú volú,