FÉLEPA 2:7 - Kɛ́lɛ Niinaí

⁷ Kɛ́ aá ɣéle, aa bɔwɔ́ h̃uu ɣɛi wɔ́ɔ́lɔ, í bɔwɔ́ ɣɛ́ ngáá nduwɔ lopó ɣɛ kíli, í ɣɛ kíya nuu búsa í na.

FÉLEPA 2:7 Iomraidhean Croise

MÁFIYU 12:18

“Ní yénge mɔí lɔ́ ngáá sí lɛ́i ngí lókolonga mba, laá lɔ́ ndóngɔ lá, laá vá tɔ́ ndíílɛingɔ fááw̃a. Ní H̃ɛ́ɛ́ma Ỹínangi aa ɣɛ polú. Sí í ngáá tɔɔỹaá vélei ndóngɔ nuu kpɛ́lɛɛ ỹandá kpɛ́lɛɛ ti ɣɛ́ taa híya lá, aa ɣɛ áá nde.

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:12

Kɛ Jísu i ti woo yápotenga, i ɣɛ ti w̃a, “Tɔɔỹaá hááw̃a, Iláija lɔɔ vá vaamá hése, í ŋanií kpɛ́lɛɛ kɛ́ kíli batɛ́. Kɛ ndeénii lé hɔ́ɔ pɔnɛngɔ́ Ngalá Kɔ́lɔi h̃u ngáá kɛ Nuu Búsa Goo H̃ú Loí í maanɔw̃ɔ́ bih̃íngɔ w̃ááhɔlɔ, ná vólu, ti bééle mba?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:27

Kɛ Jísu i mɔɔ ɣɛa ta, “Ele lɔ í ngáá nuu wálai? Nuí áá ló héini téévei gákala tí va ngáá mɛɛníi ngelé baa nuí áá vá ngáá mɛɛníi? Kɛmbɛ nuí áá lo héini téévei gákala taa vá ngáá mɛɛníi ngele nuu wálai aa ɣɛ ngáá ná, kɛ́lɛi? Kɛ́ nyá láa nyá lɔ wú lííwaa mbéi ngáá mɔl̃ɛ́ w̃ɔ́ɔ.”

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

LÓÓMI 1:3

Aá lɔ́ ngáá keela woo kɔwɔ́ato Ngalangí H̃íỹɛndou Loí Jísu Kílisitii wa, lɛ́i í mɔ́ɔ ngáá a mu Lemɔí, lɛ́i í ɣɛ́i ngáá Masangí Deevé lé kpámbii h̃uu w̃ɔ́ɔ nuu búsa gákai w̃áá véle w̃a.

LÓÓMI 15:3

Kílisitii ɣéle tɔ aa ɣɛi nɔ́ɔ áá yákpa ngáá ɔ́ɔ́ bɔ́wɔ liilá nɔ́ɔ, kɛ́ áá ɣéle, i ɣɛi ngáá kíya nɔ́ɔ pɔnɛngɔ́ Ngala Kɔ́lɔi h̃u ngáá sí, “Súúhalatangi nungái nátii tí mbóni ngáá í yé Ngála, kɛ nyá lɔ́ tí mbóni ngáá ngé.”

LÓÓMI 15:8

Ngí ndé wú w̃a gíte ngáá Kílisitii i vaaní ngélei sí wu ngáá kɛinɔɔ́ í ɣɛ́ ngáá ngenge mɔ́ɔ́ Júsuaitii fááw̃a ngáá nga ngí ɣɛ́ kpál̃au ngáá kɛ Ngalá tɔ ngáá tɔwɔ́baɣa w̃ɔ́ɔ aáva i kúúlongi hítɛnga í mbóni ngáá Júsuai ti káwalani wɔ́lɔ tiyɛ́i ti ɣɛ́i ngáá nuu yánguyangɔni.

LÓÓMI 8:3

Savaí Ngalá ngí féi Muusé yáá ɛi hómbo ɔ́ɔ́ sí ɣɛ́ bɔw̃álale mu lɛ́ɛ́h̃ui sí h̃uu líívo kɛí aa kɛ ngáá háwu ngakpá ngɛ́i ɣɛ savaí yáá ɔ́ɔ́ ná ɣɛ́. Kɛ́ Ngalá ngí mú wúmaawoni ná h̃u í bɔwɔ́ bɔ́wɔ H̃íỹɛndou Loí Jísu Kílisitii lɔ́veni ngáá nuu búsa kíya nɔ́ɔ nuu búsaitii mú na ngáá í ɣɛ́ ngáá saáɣa a mu háá ỹɔítii fááw̃a. Aáva i Jísu Kílisitii gúlani ngáá saáɣa ngáá faa ỹɔí ndái álaa ndó ma.

KƆ́L̃E GƆ́LƆI HELE KÉLEI 13:4

Kíya bɛ́lɛ njɔ njɔngɔ́ í ɣɛ́i lá ná h̃ú tí kpakpáni kulɔ́sii w̃a í hááni ma, kɛ́ aa lɔ́ náa ndɛɛh̃ú h̃ú Ngalángi yákpangi w̃áá véle w̃á. Kíya Kílisitii yɔ́ njɔ́ngɔ í ɣɛ́i la ngimɔ́ɔ́ niỹá bɛ́lɛ ni yɔ́ njɔ́ngɔ kɔwɔ́ato kpahaí wa ní su mba, kɛ́ ná náa vá wú yéle, niỹá lɔ́ɔ vá baháma Kílisitii wá. Faalɔ, náa ɣɛ́ naá Ngalá ngí yákpangi yakɛ́ ni lɛ́ɛ́h̃ui h̃ú.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

GALÉSIYA 4:4

Kɛ́ ná kúi kái káingi í fóloni ma, Ngala ngí ngi H̃íỹɛndou Loí lɔ́veni ngelewu. Ngi njéé i ɣɛi ngáá nuu búsa, aáva i góloni sávaitii mbu Ngala ngí féni Muusé yáa,

FÉLEPA 2:6

Kíya bɛ́lɛ Ngalángi ndá bátɛ gilií í ɣɛ́i su, kɛ́ Jísu aa bɔwɔ́ h̃uw̃aí Ngalá ma ná hááw̃a.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

HÍBULU 13:3

A waa lééw̃a sítii ma tí kpíndi vɛlɛ́ wú, wú gísiya nɔ́ɔ ngáá ná wɔ́lii wɔ́ɔ́ ɣɛ́ kpíndi vɛ́lɛi wu wáá tiyéni. A waa lééw̃a sítii ma ti w̃áá áá nɔ́w̃ɔ, wú gísiya nɔ́ɔ́ ngáá ná wɔ́lii wú w̃áá ɔ́ɔ́ ɣɛ́a nɔ́w̃ɔ wáá tiyéni.

HÍBULU 4:15

A mu Yála sááɣa gula mɔ́ɔ́ walaí Jísu aa ngáá nuu tá yɔ́ɔ́ ɣɛ́ ta ɛi mu yaah̃ú w̃ááw̃aanu hóu fái sítii su taa bɔ́lu mu la Ngala fái h̃u. Laá gite suugɔvɔ́ ngi woí la pele kpɛ́lɛɛ sú ngáá í fáá ỹɔ́u ɣɛ́ kíya nɔ́ɔ áá wó ngáá mu ye kɛ́ laá, aa faa ỹɔ́u ɣɛ́ni.