FÉLEPA 2:6 - Kɛ́lɛ Niinaí

⁶ Kíya bɛ́lɛ Ngalángi ndá bátɛ gilií í ɣɛ́i su, kɛ́ Jísu aa bɔwɔ́ h̃uw̃aí Ngalá ma ná hááw̃a.

FÉLEPA 2:6 Iomraidhean Croise

MÁFIYU 1:23

“Kpela niinángi ɛ́i nɛ́ɛ́ ɣɛ siỹɛ fáá wɔlɔ́, aá lɔɔ vá koo yeɣéma, í siỹɛndóu lou le, aáva taá tóli ngáá Imanyuwɛ. Ná wúi wáá ngáá, Ngalá tɔ a mu liiwáá.”

NJƆÚ 1:18

Kíya bɛ́lɛ nápa nuu fíli aa nɛɛ Ngalá tɔí, kɛ́ Ngalángi H̃íỹɛndou Lou yiláa kpéngi lɛí í ngáá Ngalá, aáva taá Kɛɛɣɛí Ngala tí loow̃á, laa lɔ í ngakɛ́a kpál̃au kíya Ngalá ngí na.

NJƆÚ 10:30

Naa ní Kɛ́ɛ́ɣɛ ni ɣɛ kíli i yíla kpé.”

NJƆÚ 10:33

Tí ngoo yápoteni, ti ɣɛ́ ma, “Faa vánda ɣɛ fáá laa le í yɛ́ ɔ́ɔ́ kɛ nɔ́ɔ ɣɛ́ ni í váá ngáá í hɔ́ɔ́ndaa ngáá kɔtu, kɛ́ sífaa yíwaa tɛɣɛsu gúla ngáá Ngalá. Nuu búsa waa nɔ́ɔ́ ngáá í ye, yíwaa ɣɛ́ yí kula ngáá yá lɔ́ ngáá Ngalá.”

NJƆÚ 10:38

Kɛ́ ná ngáá ɣɛ́ ngáá ti wo, kíya bɛ́lɛ wáá lái ngáá ngé, kɛ a lá hɔ́ɔ́ ngáá káámaa háitii ngí ti ɣɛa. Kɛinɔɔ́ wú ngátɔ mba kpál̃au ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ sú.”

NJƆÚ 14:28

Wú mɛningɔ́ sí ngí ndengɔ́ ngáá nyáá ngáá gúla mbéi wa, ngí lí, aáva nyáá ngáá yangáima wú yéle. Ná wɔ́lii wú lóngɔ áá ɣɛ́ la ngáá ngé, wú góóh̃unɛɛngɔ ɔ́ɔ́ ɣɛ lá ngáá ngáá li ní Kɛ́ɛ́ɣɛ yelé sífaa ngakpángɔɔ lé í lɔ́ve mba.

NJƆÚ 14:9

Jísu i ngapóteni, i ɣɛ ta, “Ndɛmbí ngwálai sí a mú mbóa ỹanda yílaa maa wúyeni, ná fíli su Félepi, yáá nɛ́ɛ́ kɔ́lɔ kpɛ́? Nuí fíli í tɔ́nga, kɛ maa w̃ɔ́i i ní Kɛ́ɛ́ɣɛ lɔngá. Aá ɣelé kɛ́ náá yáá ɣɛ́ má, ‘Í Kɛ́ɛ́ɣɛ ɣɛ ngáá ni ye’?

NJƆÚ 17:5

Kɛɛɣɛ́, kɛ náa ngáá háwu ngí ngufema w̃ááhɔlɔ mbéinda yí na, ngufemaí sí nɔ́ɔ jɔ́ í ɣɛ́i ngéya na h̃u ngí ɣɛ́i í lóów̃a p̃ɛ́ɛ́ yɔ́ɔ́ ɣɛ́a ngelewu bátɛ.”

NJƆÚ 20:28

Kɛ Tɔmɔsí í Jísu woo yápotenga, i ɣɛ ma, “Yá lɔ yí ngáá Ndémɔi ɛ́ɣɛ ní Yálangi!”

NJƆÚ 5:18

Háwui síi hááw̃a, Júsuai ti wútuwɔaitii ti ɣɛ́i taá yákpa ngwala ngáá ti Jísu vaa, aa ɣɛi nɔ́ɔ́ léi ngáá Júsuai ti Lɛ́ɛ́lɛmbo Ngála Fɛli Fólo havaí í ɣɛ́i áá nganyááni, kɛ́ sí bɛ́lɛ í ɣɛ́i áá Ngalá tolí ngáá ngi Kɛ́ɛ́ɣɛ, áá kɛ ngáá gɛɣɛ́ láá.

NJƆÚ 5:23

I sí ɣɛ́ngɔ kɛinɔɔ́ nuu kpɛ́lɛɛ taa ɣɛ́a wúfe ngi H̃íỹɛndou Loí w̃a kíya nɔ́ɔ táá wúfe laa Kɛɛɣɛí Ngalá ma. Nuí fíli ɛ́i ɣɛ́ ngufema héni mbɛ, kɛ maa w̃ɔ́i aa ngufema hemá Kɛ́ɛ́ɣɛi Ngalá mbɛ lɛí í tɔvengɔ́.”

LÓÓMI 9:5

Ti káwalani ti ɣɛ́i wɔ́lɔ ngáá nuu yánguyangɔni Ngalá ngááh̃u. Ti káwalai sítii tɔ nɔ́ɔ mɔ́ɔ́ ti ɣɛ́i ngáá Kílisitii káwalani nuu busá gákai w̃aa vele w̃a. Bɛlɛ́ Ngalá lɛ́i í fáá kpɛ́lɛɛ mááh̃u ngáá masa, ndaaw̃áá í lɛ́ kúnafɔ taá ngí ndá gúnafɔ! Amíína.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

TÍMOTI HESENDAA GƆLƆÍ 1:17

A mú Ngalá tɛ lɛ́i i ngáá kúnafɔ w̃ása ngwálai, lɛ́i ɛ́i há kúnafɔ aáva lɛ́i nuu ɛ́i tɔ, lɛ́i ngilaá kpé í ngáá Ngalá. Bɛlɛ́ ndaaw̃áá í lɛ́, ngufema í ɣɛ́ mbɛ kúnafɔ taá ngí ndá gúnafɔ! Amíína.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 1:3

Aá lɔ́ áá ngákɛ kíya Ngalá káámaangɔ aáva kíya nɔ́ɔ Ngala ngí ná, ngimɔ́ɔ́ nɔ́ɔ jɔ́ í na. Aa kɛ ngáá háwu faa kpɛ́lɛɛ tí ndi ngu ma ngelewu ndaa wóó yákpangɔ wálai w̃áá véle w̃a. Ná náa í faa ỹɔ́i wúyani nuu búsaa w̃a i héini náa ngufema ỹándai ngelegóóh̃u Ngakpa Ngála Ngwalaí bélaa masandáá h̃u.

HÍBULU 1:6

Ná Ngala ngí ɣɛ́i náá áá va ngi hésendaa H̃íỹɛndou Loí lɔ́vema ngeleí sí wu, i mɔɔ ndení, í ɣɛ ta, “Kɛ ní w̃álekaitii kpɛ́lɛɛ tí fɛ́li.”

HÍBULU 1:8

Kɛ́ sí í ndéi kɔwɔ́ato ngi H̃íỹɛndou Loí wa, i ɣɛi ngáá sí, í ɣɛ́i ta, “Í w̃ásandai, yɛ́i yí ngáá Ngalá, áá lɔ́ɔ ɣɛ́ na kúnafɔ taá ngí ndá gúnafɔ. Yáá í w̃ásandai ɣɛ́ telembo sú sítii mááh̃u taá ɣɛ́ í wú.

HÍBULU 13:8

Jísu Kílisitii ɣɛ kíli w̃aa ɛ́i lóvi sí h̃úi, laá va maa áá lóvi wɔ́lɔ, maa vá ngɛi lovi kúnafɔ.

FAA YÁKƐ KƆ́LƆI 21:6

Í mɔ́ɔ́ ɣɛ ta, “I vilánga! Nyá lɔ́ ngí ngáá hésenda w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i. Nuí fíli njɛ w̃ɔní áá ɣɛ́ ma, ngáá naa gúla kɛlɛ́ma mbɛ ngáá í njɛ́ w̃ááhɔlɔ áá ndɛɛh̃ú hé ngáá í kpɔ́le aáva ɛi sɔw̃ɔ he.