FÉLEPA 2:5 - Kɛ́lɛ Niinaí

⁵ Kule lɔ wú w̃á wú gísiyaitii ti ɣɛ́ kíya Jísu Kílisitii ndái í ɣɛ́i na.

FÉLEPA 2:5 Iomraidhean Croise

MÁFIYU 11:29

A lokohéi ní gálambongi wú, wú kalambo mááhɔlɔ ngéya bɔw̃álale ngɛ́i bandí bándi héi nuu w̃á aáva súú áá wɔ́ɔ́lɔ. Ná vólu, wáá ndɛɛlɛmbó mááhɔlɔ bɔw̃álale kalambongí ngáá mbó ngáá wú ye aa baní aáva kasɔ́i ngáá fé wú yáa ɛi ɣɛ ỹííni.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:27

Kɛ Jísu i mɔɔ ɣɛa ta, “Ele lɔ í ngáá nuu wálai? Nuí áá ló héini téévei gákala tí va ngáá mɛɛníi ngelé baa nuí áá vá ngáá mɛɛníi? Kɛmbɛ nuí áá lo héini téévei gákala taa vá ngáá mɛɛníi ngele nuu wálai aa ɣɛ ngáá ná, kɛ́lɛi? Kɛ́ nyá láa nyá lɔ wú lííwaa mbéi ngáá mɔl̃ɛ́ w̃ɔ́ɔ.”

TI GƐ́Ɛ́ HAÍTII 10:38

Ná wáá ngáá, kíya Ngalá ngí ngi Hɛ́ɛ́ma Ỹínangi ɛ́ɣɛ ngi yákpangi yéini Jísu w̃a lɛ́i í ngáá Násɔlɛ taí h̃uu w̃ɔ́i. Ná vólu, kíya Jísu í ɣɛ́i áá lɔ́ve tɔvé áa faa vándaitii kɛ aáva áá nungái sítii kpɛ́lɛɛ mbálo ti ɣɛ́i Ngutuwɔ́ Ỹína Nyɔí yákpangi wu, bɔw̃álale Ngalá ngi ɣɛí Jísu laá polú.

TI GƐ́Ɛ́ HAÍTII 20:35

Faalɔ, sí kínɛi ngí kɛ́ngɔ, ngí ngakɛ́nga ngáá wú ye ngáá ngenge kpákpa talií sí wóndai h̃uu lɔ áá kɛ mú bɔ sítii mba hómbo ngáá ti yɛ́. Mu gi ngí ló ngoí sí h̃u Ndemɔí Jísu í ndéni, í ɣɛ́i ta, ‘Kooh̃unɛɛ wála lɔ faa bɔ́wɔ ɣɛndáá h̃u í lɔ́ve faa bɔ́wɔ w̃aahɔ́lɔndaa wa.’ ”

LÓÓMI 14:15

Ná wɔ́lii mɛɛní lɛingáá bɛ́kpɛ ti ỹɛndáá wú yɛ áá ɣɛ́a kɛ ngáá háwu faa áá ɣɛ́ áá bɔ́lu nungáá la Ngala fɛ́lindai h̃u, kɛ wáá ndó ngááh̃u ɣɛ́ma. Waá kɛ́ ngáá háwu wú laaỹɛ́ɛ́ni ɔ́ɔ́ núi sí ɣɛ́ kíli ỹaaní Kílisitii í háángɔ faaw̃a.

LÓÓMI 15:3

Kílisitii ɣéle tɔ aa ɣɛi nɔ́ɔ áá yákpa ngáá ɔ́ɔ́ bɔ́wɔ liilá nɔ́ɔ, kɛ́ áá ɣéle, i ɣɛi ngáá kíya nɔ́ɔ pɔnɛngɔ́ Ngala Kɔ́lɔi h̃u ngáá sí, “Súúhalatangi nungái nátii tí mbóni ngáá í yé Ngála, kɛ nyá lɔ́ tí mbóni ngáá ngé.”

LÓÓMI 15:5

Ngalá tɔ́ áá kɛ́ ngáá háwu a mú ɣɛ́ ngáá ndiiba mbélaa, a mu liiwúú í lɛ. Bɛlɛ́ í kɛ ngáá háwu wú gísiyai í lí ngáá pele yílaa, wú hítɛ Jísu Kílisitii gɔwɔ vó njɛ́ h̃u.

KƆ́L̃E HESENDAA GƆLƆÍ 10:33

Wú híya veléi í ɣɛ́ nɔ́ɔ jɔ́ kɛ kíya ní ndái í na. Nyá lɔɔ́ yákpa ngáá ngí nuu kpɛ́lɛɛ ndííla faa kpɛ́lɛɛ sú ngáá kɛ. Ngáá gísiyama ngáá faa vánda bɔ́wɔ hááw̃a nɔ́ɔ. Kɛ́ nyá lɔɔ gísiya ngáá faa vánda nuu kpɛ́lɛɛ fááw̃a ngáá kɛinɔɔ́ tí ngumaawóngi w̃ááhɔlɔ.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

PÍTƐ HESENDAA GƆLƆÍ 2:21

Ngalá ngí wú lólingɔ ngáá wú w̃áánɔw̃ɔ h̃íí ná sífaa Kílisitii í w̃aanɔw̃ɔ́ngɔ wú hááw̃a. Aáva ngi w̃áánɔw̃ɔi ná ɣɛ kíli lɔ wáá ɣɛ́ wáá wɔ́lɛ mba wúwaa híya kɔwɔ́ vó njɛ́ ya.

PÍTƐ HESENDAA GƆLƆÍ 4:1

Kílisitii í nduwu ya fuulɛ́ w̃áánɔw̃ɔ yeɣéni, náa hááw̃a, kɛ wá bɛ́lɛ nɔ wú liibá ngáá kisiyái í ɣɛ́i Kílisitii w̃a maa gísiyai híí í ɣɛ́ wú w̃á. Sífaa, nuí fíli áá ndúwu ya fuulɛ́ w̃áánɔw̃ɔ yeɣé, kɛ maa w̃ɔ́i i bengá faa ỹɔ́u ɣɛndái wa.

NJƆÚ HESENDAA GƆLƆÍ 2:6

Ná á maá nde ngáá maá Ngála mu ɣɛ́a ngáá nuu yílaa, kɛ kule lɔ́ mu w̃a mú lɛ́ɛ́h̃ui h̃uuhíya kílii í ɣɛ́ ngáá kíya Jísu Kílisitii ndái í na.