FÉLEPA 2:30 - Kɛ́lɛ Niinaí

³⁰ bɔw̃álale saangɔ́ votó ngi ɣɛngɔ náa lá Kílisitii yengengí háá nɔɔ́ má. Ná vólu, i loko híɣengɔ lɛɛh̃úi w̃ááh̃u ngáá í kpɔmba hé mbɛ́ sí wɔ́i belé hómbo wɔ́ɔ́ fé mbɛ́.

FÉLEPA 2:30 Iomraidhean Croise

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

LÓÓMI 16:4

Tí lɛɛh̃ú gúlani ndɔbɔ nyá fááw̃a. Ngáá sɛ́ɣɛɛ gúla ti w̃a kɛ́ aa gɛɛlɛí nɔ́ɔ ngílaa wa, Ngala fɛ́li mbélai sítii kéle tɔ taa ngáá Júsua sɛ́ɣɛɛ gulama lɔ́ tí liítii su Pilesílani faaw̃a.

KƆ́L̃E HESENDAA GƆLƆÍ 15:53

Mu luwúi sí áá lúúla kɛ maa í lóvi ngáá sí ɛ́i mɔ́ɔ́ luula. Aáva aa ɣɛ náa ngáá nduwú ɛ́i mɔɔ há.

KƆ́L̃E HESENDAA GƆLƆÍ 16:10

Ná wɔ́lii Tímoti áá ɣɛ́ vááni wú yéle péle, a ngakɛ́ la gíte ngáá kɛ wu lókoheingɔɔ lé paalái wu wú yéle, sífaa, aá lɔ́ɔ yénge Ndemɔí Jísu yɛ kíya nɔ́ɔ ngíwaa yénge mbɛ.

KƆ́L̃E HESENDAA GƆLƆÍ 16:17

Kóóh̃unɛɛngɔɔ lé ngáá sí Sitɛ́fɛnɔ ɛ́ɣɛ Fɔtunátɔ kpahangɔ́ náa Akáikɔ wa, tí váángɔ. Tiyá lɔ́ náá ti ngáá wú vótongi

KƆ́L̃E GƆ́LƆI HELE KÉLEI 12:15

Aa kóóh̃unɛɛ ngáá ngí sí kpɛ́lɛɛ mbála wú vólu véle h̃u ngu ngí nda mɛ́ɛ́ nyá gíte w̃a ngáá kɛinɔɔ́ ngí bɔ́ wú wa. Ná ngáá ló ngáá wú ye ngwala, wáá ló ngáá ngé kulo nɔ́ɔ?

KƆ́L̃E GƆ́LƆI HELE KÉLEI 4:12

Niỹá lɔ́ saa lowá la aáva ná vá tɔ í kɛ́nga ngáá háwu wú ɣɛ́ ndɛɛh̃u h̃u.

FÉLEPA 2:17

Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

FÉLEPA 2:27

Tɔɔỹaá le, seebɛngɔ́ i ɣɛngɔ lá gíte saangɔ́ votó, kɛ́ Ngalá ngi ngááh̃u w̃ááw̃aanu hóungɔ. Aáva ngilangɔ́ aa ɣɛngɔ nɔ́ɔ lá léi, nyá bɛ́lɛ i ngááh̃u w̃ááw̃aanu hóungɔ ngáá í mááhaalongɔ ní w̃ááw̃aanuma wála vekaí sí yaa í ɣɛ́ngɔ áá vá mááh̃u.

FÉLEPA 4:10

Kóóh̃unɛɛngɔ wala le kpáhangɔi w̃a Ndemɔí Jísu wa ngáá wú mɔ́ɔ́ ngakɛ́a ngáá ngé ngáá wú béɣengɔɔ lé fááw̃a. Aá ɣéle wú béɣengɔ i ɣɛngɔ lá fááw̃a p̃ɛ́ɛ́ kɛ́ wáá ɣɛngɔ nɛ́nɛ lokohɔ́lɔni wɔ́ɔ́ ngakɛ́.

FÉLEPA 4:18

Sí kínɛi í ɣɛ́ngɔ ngáá kpéɣema wɔ́lingai ngí maahɔ́lɔnga wú yáá í lɔ́ve ma bɛ́lɛ. Sí kpɛ́lɛɛ kpéɣengɔ í ɣɛ́ngɔ lá ma, aá lɔ náa ngéya ná Ɛpafulɔdáitɔ í váa náa ngáá wú loko bɔmba wɔlingáitii ngéle. Ti gúlangɔɔ lé ngáá toko bɔ́mba wɔ́li pánda nuu áá fé Ngalá mbɛ, kíya nɔ́ɔ tokoheí mbu hááɣa áá ɣɛ́ na Ngalá ngelé áá ndiivó.

FELÉMO 1:13

Ngí ɣɛ́ngɔ loí í ló ndóów̃a mbéinda ngáá ááyaa bɔmbá í vótoma ná ngi pélesinalai sí h̃u Ngalángi gééla woo lé fái w̃a.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.