FÉLEPA 2:3 - Kɛ́lɛ Niinaí

³ Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.

FÉLEPA 2:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:14

Jísu i ɣɛi ti w̃a, “Ngí ndé wú w̃a, pava gula mɔ́i i liiní ngi vɛ́lɛ la ngáá ndiilɛí Ngalá ngaah̃ú, kɛ́ Falósi w̃ɔ́i aa ɣɛi h̃íí na, bɔw̃álale nuí fíli áá bɔwɔ́ haa lɛ́nga Ngalá ngáá ngu nganjéi, kɛ́ núi áá bɔwɔ́ wu nganjéi Ngalá ngáá ngu mbúyoɣe.”

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

LÓÓMI 2:8

Kɛ́ Ngalá tɔɔ vá lúúma sítii ngeyá tí beɣéngɔ nɔ́ɔ ngáá bɔwɔ́ í mɔ́ɔ faa báma wala lá ti w̃a, tiyɛ́i táa léle Ngalángi lɔ́ɔ́ỹai wa, ná vólu, ti liivó fái í ngáá faa ỹɔ́u ɣɛ́ndai.

KƆ́L̃E HESENDAA GƆLƆÍ 15:9

sífaa, Ngalángi gééla vekaítii kpɛ́lɛɛ ti lɔ́vengɔɔ lé mbá aáva ngáá kúlaɣɛi p̃ɛ́ɛ́ ngáá nuu ngáá tɔɔ ngéɣe ngáá Ngalángi gééla, bɔw̃álale ngí fáá bá ndáni Ngala fɛ́li mbélaitii ma.

KƆ́L̃E HESENDAA GƆLƆÍ 3:3

bɔw̃álale wá lɔ nɛ́nɛ ngáá ngeleí sí wú yélaitii kɛ kíli. Tolómai ɛ́ɣɛ kpɔɔlɔ kpɔɔlɔ́ngi taá ɣɛ́ wú lówah̃u, aáva ná vá tɔ áá ngakɛ́ ngáá kɛ wá lɔ́ nɛ́nɛ ngáá ngeleí sí wu yélai kɛ kíli.

KƆ́L̃E GƆ́LƆI HELE KÉLEI 12:20

Maa gísiya lɔ́ má ngáá ná ngáá vá tɛingaa ngɛ́i wú w̃áále wɔ́ɔ́ ɣɛ́ kíya ndóngɔ wú ɣɛ́ na, aáva wɔ́i tɔ́ ngɔ́ɔ́ ɣɛ́ kíya wú lóngɔ ngí ɣɛ́ na. Nyá lɔɔ gisíya ngáá ná ngáá vá, ngáá kpɔɔlɔ́ w̃áále wú lííwaa ɛ́ɣɛ tolóma ɛ́ɣɛ ndiibandí ɛ́ɣɛ maalií ɛ́ɣɛ ngɛɛlí ɛ́ɣɛ njɛpɛ mba ɛ́ɣɛ ndiiwɔɔlɔ́ ɛ́ɣɛ ngoo ya fahá.

GALÉSIYA 5:15

Kɛ́ ná wú lúva gilíí áá ɣɛ́ ngáá kíya ndɔbɔ huwáitii tí na, wáá bɔwɔ́ lúwu yá fúúlɛ, wáá ỹanda héi heí ỹɔw̃ɔ́ ỹɔ́w̃ɔ wa, kɛ ná wáá ɣɛ́ wáá fái sítii kɛ, kɛ́ a nda gi sú ngáá kɛ wá lɔ́ɔ vá bɔ́wɔ háá h̃uu ỹáánima pɔ́lɛɣɛ pɔ́lɛɣɛ.

GALÉSIYA 5:26

A mu h̃úú álaa ɣɛ́ wɔ́ɔ́lɔ. Ná vólu, a málaa bɔwɔ́ báálɛ mba hááni kɛ, kɛlaa mɔɔ ɣɛ́ máá tóloma ngúla ngáá ỹɔw̃ɔ́ ỹɔ́w̃ɔ.

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 5:21

Kílisitii wúfemai hááw̃a í wú yáa, a waayaa bɔwɔ́ gúla kɛlɛ́ma ỹɔw̃ɔ́ ỹɔ́w̃ɔ yɛ.

FÉLEPA 2:14

A sí kpɛ́lɛɛ kɛ́ wálaa kpaalɛ gulá wo kɛlaa ndaahasá,

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

KƆLƆ́SE 3:8

Kɛ́ a lokogúla náá faa ỹɔ́i sítii kpɛ́lɛɛ su. Na wáá ngáá, tuu wondái, ndiibándii ɛ́ɣɛ sílimai. Wálaa ɣɛ́ wáá ngɛɛli píli ɔ́ɔ́ ngoo ỹɔ́u fíli álaa gúla wú lá.

TÍMOTI HESENDAA GƆLƆÍ 6:4

kɛ maa w̃ɔ́i h̃uuwɔ́ɔ́lɔngɔɔ lé ngwala laáva áá ŋani fíli kɔ́lɔ. Ki máá ỹɔ́i lɔ áá ɣɛ́ maa w̃ɔ́i yɛ ngáá í w̃ááɣaali, ɛ́ɣɛ í ndááhasa gúla njɛpɛ woó wa. Aáva ná áá vá nɔ́ɔ ngáá tolóma ɛ́ɣɛ ngoo ỹɔ́u ỹɔ́u léndaa taá ngɛ́ɛ́li ɛ́ɣɛ ỹɔw̃ɔ́ bélendaa bili mbú.

PÍTƐ HESENDAA GƆLƆÍ 3:8

Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.

PÍTƐ HESENDAA GƆLƆÍ 5:5

Wɛ́i va wú na ngáá fóningeleaitii, a bɔwɔ́ gula kɛlɛ́ma kpakolongáitii mbɛ, wú kpɛ́lɛɛ pa wú wú nga njéi ỹɔw̃ɔ́ ỹɔ́w̃ɔ hááw̃a, wú ɣɛ́ wáá yénge ỹɔw̃ɔ́ ỹɔ́w̃ɔ yɛ, sífaa sí pɔnɛngɔ́i Ngala Kɔ́lɔi h̃u aá wáá ngáá sí, “Ngala ngááh̃u longɔ́ɔ́ lé sítii mba ti h̃úúwɔɔlɔngɔ, kɛ́ ngi háá bɔwɔí lɔ́ sítii mbɛ tí wú ngá njéingɔ.”