FÉLEPA 2:29 - Kɛ́lɛ Niinaí

²⁹ A lokohéi mbu ngáá ndiilɛi wála ngáá wú mbála Yalá fɛ́li mɔ́ɔ Ndemɔí Jísu w̃aa véle w̃a. Ná vólu, wú wúfe nuu kpɛ́lɛɛ má ti ɣɛ kíli í ngáá siỹɛndópoi sí ɣɛ kíli,

FÉLEPA 2:29 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:5

Ná nungáitii tɛi ɣɛ́ lokohéini wú wú taí ná h̃u, a gulá náá wa, wú naa húfulengi bɛ́kpɛlɛ gɔwɔ́ yá. Ná lɔ áá ngakɛ́ ngáá kɛ ti velé lálangɔɔ lé.”

NJƆÚ 13:20

Nyáá vá nyá lɔɔ́ tɔɔỹái le wú w̃a múl̃ɔ ngáá nuí fíli áá lokohéi nuu fíli mbú ngáá tɔ́ve, kɛ maa w̃ɔ́i i lokohéinga mbú. Nuí fíli pá áá lokoheí mbu, kɛ maa w̃ɔ́i i lokohéinga núi sí wu í tɔ́vengɔ.”

TI GƐ́Ɛ́ HAÍTII 2:46

Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u.

TI GƐ́Ɛ́ HAÍTII 28:10

Ti wúfeni ni w̃a pele bih̃íw̃aa h̃u aáva ná ni w̃ááhei w̃óni ngáá ni gúla naa wa ni li keléngi tá h̃u njɛí ya, tí ní w̃ááloloni ngáá ni bɛ́ndɛ ma wɔ́lingaitii.

TI GƐ́Ɛ́ HAÍTII 8:8

Faalɔ, kooh̃unɛ́ɛ́ wála i ɣɛi taa walái ná h̃u.

LÓÓMI 10:15

Aáva áá ɣéle lé náá ti w̃a ná núngaa lɔ́vengɔ ɛ́i ɣɛ́ la ngáá tí lí ti nde ti w̃a? Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáá ngáá sí, “Aá lɔ́ ngáá faá w̃aanɛ́ɛ́ngɔ ngwala ngáá sítii taa ɣɛ́ taa vá ngáá tí Ngala kééla woo vándai lé.”

LÓÓMI 16:2

A lokohéi mbu ngáá pangɔ ngáá kíya nɔ́ɔ kule aa ɣɛ́ Ngalángi vóngaitii ma ti lókohei nuu wu áá ɣɛ́ lái ngáá Ndemɔí Jísu. A bɔ́ mba pele kpɛ́lɛɛ su bɔw̃álale aá lɔ́ ngáá kpɔmba w̃ɔ́ɔ́ vánda nuu bíh̃i bíh̃i faaw̃a kpahangɔ́ nyá gíte ɣele tɔ mba.

KƆ́L̃E HESENDAA GƆLƆÍ 16:10

Ná wɔ́lii Tímoti áá ɣɛ́ vááni wú yéle péle, a ngakɛ́ la gíte ngáá kɛ wu lókoheingɔɔ lé paalái wu wú yéle, sífaa, aá lɔ́ɔ yénge Ndemɔí Jísu yɛ kíya nɔ́ɔ ngíwaa yénge mbɛ.

KƆ́L̃E HESENDAA GƆLƆÍ 16:18

bɔw̃álale, tí kɛ́a ngáá háwu nduwúh̃u í lɛ́ ngáá ngé kíya nɔ́ɔ tí kɛ́ngɔ ngáá háwu nduwúh̃u í lɛ́ɛ́ngɔ ngáá wú ye. Sítii taa ɣɛ́ h̃íí na, maa áá ɣɛ nɛɛni nuú í ti lɛ.

KƆ́L̃E GƆ́LƆI HELE KÉLEI 10:18

Nuí áá bɔ́wɔ háa lɛ́nga ná aa ngáá faa fíli, kɛ́ ná Ndemɔí Ngalá ngáá nuu lɛ́, ná lɔ́ í ngáá faa gíte.

KƆ́L̃E GƆ́LƆI HELE KÉLEI 7:2

A ni haí yeɣé ngáá hɛmbɛ́ fíli liítii su. Naá nɛ́ɛ faa fíli kɛ́i áá pele w̃a ngáá nuu. Naa nɛ́ɛ nuu fíli kɛ́ kíli ỹaanií kɛlaa nɔɔ́ nuu gáha ngáá fáa fíli.

FÉLEPA 2:28

Faalɔ, tɔvendái lɔ náa ndíí wa ngwala kɛinɔɔ́ ná wáá tɔ múl̃ɔ wú góóh̃u í nɛ́ɛ, nyá bɛ́lɛ pá maaw̃aanumai í híɣe ma.

KƆLƆ́SE 4:10

Siỹɛndópoi sí taa ɣɛ ma Alesitáákɔ, naá láa ní kpíndi vɛlɛ́i wu ɛ́ɣɛ Bánaba yaabeí Máa tí hááni wú w̃a. Ngí ndengá wú w̃a kílii ngáá kɛ ná Máa áá vá wú héi heíma, wú nɛ́ɛ́nɛɛ, wú lókohei mbu.

TƐSALÓNIKA HESENDAA GƆLƆÍ 5:12

Mu mbála Yalá fɛ́li mbélai, wú w̃áánɛɛnɛngɔ gítee le ngáá wú ɣɛ́ wáá wúfe sítiini ma tíwaa Ngalá ngéngengi wo wú lííwaa, sítii Ngalá ngí lókolonga ti wa ngáá wú wútuwɔai tiyɛ́i taa ɣɛ́ taa wú lááhi.

TÍMOTI HESENDAA GƆLƆÍ 5:17

Kele gelé mbélai sítii taá ɣɛ́ taa yénge ngáá pangɔ́ wú lííwaa, sí taa ɣɛ́ táá maahɔ́lɔ ngáá ti pávai, aa ɣɛ pele w̃a bɛ́lɛ kɛɣɛ́lai í láma ti yɛ ngu ngí lí í nda mɛ́ɛ́ sítii ma ti yéngengi í ngáá Ngala ngóo lendái ɛ́ɣɛ maa gálambo mbondái.

HÍBULU 13:17

A gólo wú wútuwɔaitii mbɛ, wú híya ngáá sí táa nde wú w̃a. Ndɛɛlɛmbó ngáá ti yaá wú w̃ááh̃u bélendai h̃u Ngala fái h̃u sífaa, tiyá lɔɔ vá kɔsɔ́ kúlama Ngalá kákala kɔwɔ́ato ti yéngengi wó kíli wa. Ná wáá gólo ti yɛ, taá ɣɛ́ taá tí yéngengi wo ngáá ndiiwolé, kɛ́ ná ná láá le, taá ɣɛ́ taá mbó ngáá maaw̃aanú aáva wɔ́i kpɔ́mba fíli mááhɔlɔ ná h̃u.

NJƆÚ GƆ́LƆI HAWA KÉLEI 1:10

Kɛ́ ná náá ngáá ɣɛ́ vaaní, sí kínɛi í kɛ́a ngáá kpɛ́lɛɛ kúla náá kɛlɛ́ma. Ná wáa ngáá, faa ỹɔ́u wála walaítii áá ɣɛ́ áá nde kɔwɔ́ato ni wa ɛ́ɣɛ ndɛ́itii áá ɣɛ áá kɔ́ɔ́la. Kɛ́ sí ɣéle tɔ áá kɛ, ná ɛ́i ndiilá, aá ɣéle p̃ɛ́ɛ́ mu mbála Yalá fɛ́li mbélai tiyɛ́i tí Ngala ngénge siyangí h̃u ɛi kɛ ɔ́ɔ́ lókohei ti wu. Sítii kele tɔ taa ɣɛ́ tí lókohei ti wu, aa ti betéve ná wa. Aa ɣɛ p̃ɛ́ɛ́ áá yákpa ngáá í nátii kula Ngala fɛ́li mbélaitii mba.