FÉLEPA 2:22 - Kɛ́lɛ Niinaí

²² Tímoti i kɛngá wú ngátɔ mba ngáá kpeɣéngɔ gíte le ngáá Ngalángi yéngengi, bɔw̃álale naá laa ni yéngenga su yíla kíya ndoúni ngaa kɛɛɣɛ́ taa yénge ngáá kɛinɔɔ́ Ngalángi gééla woí í lɔ́ve naa wutúwɔ.

FÉLEPA 2:22 Iomraidhean Croise

TI GƐ́Ɛ́ HAÍTII 16:2

Ngala fɛ́li mbélaitii ti ɣɛ́i Lésitula ɛ́ɣɛ Ekóniya taa h̃u, ti yɛ́pɛni kɔwɔ́ato Tímoti wa ngáá pangɔ́.

LÓÓMI 5:4

Ná a mu h̃uubangɔ́ áá ɣɛ́ la faa bɔ́lundai yá, na aa kɛ ngáá háwu Ngalá ngí lókohei mu wu. Ngala tókohei mbúi ná vá tɔ áá kɛ ngáá háwu mu gitómaa í ɣɛ́ na.

KƆ́L̃E HESENDAA GƆLƆÍ 16:10

Ná wɔ́lii Tímoti áá ɣɛ́ vááni wú yéle péle, a ngakɛ́ la gíte ngáá kɛ wu lókoheingɔɔ lé paalái wu wú yéle, sífaa, aá lɔ́ɔ yénge Ndemɔí Jísu yɛ kíya nɔ́ɔ ngíwaa yénge mbɛ.

KƆ́L̃E HESENDAA GƆLƆÍ 4:17

Háwui sí hááw̃a, nyá ngaá Tímoti lɔ́ve wú yéle lɛ́i kulangɔ́ ngáá ndíívo síỹɛndou lou tɔwɔ́baɣangɔ Ngala fái h̃u. Laá lɔ áá va í wú gísitɛ síya gilíí wa kpahaí wa ngí su Jísu Kílisitii wa. Aá va tɔ ngáá mbó ngáá kalambo Ngala fɛ́li mbélaitii ma ỹanda kpɛ́lɛɛ.

KƆ́L̃E GƆ́LƆI HELE KÉLEI 2:9

Ngí kɔlɔí ná vɔ́nɛngɔ wú yéle sífaa ngí ɣɛ́ngɔ loí ngí nga kpɛ́ kpɛ́ ngí ɣɛ́ kɔ́lɔ ngáá kɛ kíya wú hómbongɔ wú lííbangɔ suugɔvɔ́ngi yáa, ná vólu, ná wɔ́lii wú w̃ááhei wóngɔ áá ɣɛ́ la hɔ́wɔ fíli ngáá wu híya ngáá sítii ngáá ndé wú w̃a.

KƆ́L̃E GƆ́LƆI HELE KÉLEI 8:22

Faalɔ, niyá lɔ́ɔ mɔ́ɔ́ a mu mbála Yalá fɛ́li mɔ́ɔ́ veka lɔve taá tiyéni ní súúgɔvɔnga kuu bíh̃iw̃aa laa lówah̃u laáva ní tɔ́nga náa ngáá kɛ aá lɔ ndií h̃u ngwala hɔ́wɔ fíli ngáá í kpɔ́mba wo. Kɛ kíya suu í na, ndangɔ ngáá wú yé ngwala, laá lɔ ndií h̃u bútei ngáa í bɔ́ wú wa.

KƆ́L̃E GƆ́LƆI HELE KÉLEI 8:24

Faalɔ, a wú lóngi yákɛ ngáá siỹɛngái sítii. Ná ɣɛ́ngɔ, Ngala fɛ́li mbélaitii kpɛ́lɛɛ taá lá náá ngáá yongangí ní tévengɔ kɔwɔ́ato wú wá ngáá kɛ tɔɔỹaá le.

KƆ́L̃E GƆ́LƆI HELE KÉLEI 8:8

Nyáá ngáá yakpá gíte ngí nga kpɛ́ kpɛ́ ngí tɔ́ kíya wú lóngi í na ngáá suuw̃ándai sí wa nungáá vékaa tí kɛ́nga.

FÉLEPA 1:12

Mu mbála Yalá fɛ́li mbélaitii, ndóngɔɔ lé wú ɣɛ́ kɔlɔ́ ngáá kɛ fái sítii ti híyangɔ ngáá ngé tiyá gíte lɔ tí kɛ́ngɔ ngáá háwu Ngalángi gééla woo vandaí lendáá yéngengi i híyanga su hááli hááli.

FÉLEPA 1:16

Sítii pa táa Ngala ngói le ngáá ndiiwolé tiyá lɔ́ɔ kɛ ndo sú, bɔw̃álale tí kɔlɔ́ ngáá nyá lɔ mbéinda soú sú Ngalángi gééla woo vandaí w̃ááɣawo fááw̃a.

FÉLEPA 1:7

Ngí bɔ́ɔ́ ɣɛ sou sú ɔɔ ngálaa ɣɛ́ sou sú, aá lɔ pele w̃a ngáá kóóh̃unɛɛngɔ í ɣɛ́ la kɔwɔ́ato wú wá. Sífaa nyá lɔ́ɔ Ngalángi gééla woo vandaí w̃ááɣawo aáva ngáá ngakɛ́ ngáá nungáitii ngáá kɛ tɔɔỹaá le. Laáva wú kpɛ́lɛɛ pá wá lɔ́ ngáá ndíívo mbélaa ngengengí sí h̃u Ngalá ngí fénga ngéya kpɔwɔ́ lúw̃ama h̃u.

FÉLEPA 2:20

Nuu véka fíli aa ngéya ɔ́ɔ́ ɣɛ́ ngáá Tímoti ɣɛ kíli lɛ́i naá láa ni gísiyai ɣɛ́ kílii í yíla. Laáva tɔɔỹaá hááw̃a kpéɣengɔɔ lé ngáá wú ye.

TÍMOTI HESENDAA GƆLƆÍ 1:18

Tímoti, yɛ́i yí ngáá kóó h̃u lóu ɣɛ́ kíli, nyá lɔ́ɔ ndé í w̃á ngáá sí kule í í w̃a yí ɣɛ́ yáa tí ɣɛ, ná wáá ngáá, sí í ngáá faa yílaangi Ngalá ndaa háá lé mbélai tí ndéi wɔ́lɔ kpɔ́lɔɔ kɔwɔ́ato í wa. Ná yáá ɣɛ́ yáá híya ngáá ti ye, maa haí aa ɣɛ gulaí ngáá kíya kɔɔ wɔ́ nyááka áá ɣɛ́ nuu yaa áá lápi la ngáá pangɔ́.

TÍMOTI HESENDAA GƆLƆÍ 1:2

Nyá lɔɔ kɔlɔí sí vɔ́nɛ í yéle, Tímoti, yɛ́i yí ngáá kpɔ́wɔ bɔ́wɔ lóu ɣɛ́ kíli mu lángi w̃áá véle w̃a Ngala fái h̃u. Bɛlɛ́ Kɛɛɣɛí Ngalá ɛ́ɣɛ mu Lemɔ́i Jísu Kílisitii ti háá bɔwɔí ɛ́ɣɛ tí yááh̃u w̃ááw̃aanui ɛ́ɣɛ tí lííhei tí ɣɛ́ í yɛ́.

TÍMOTI HESENDAA GƆLƆÍ 4:6

Tímoti, na yáá fái sítii suuɣɛ́ ngáá a mu mbála Yalá fɛ́li mbélaitii ngáá taayaá kɛ, kɛ yá lɔ́ ngáá ngenge mɔ́ɔ́ vánda Jísu Kílisitii hááw̃a. Tɔɔỹaá gálambongi ɛ́ɣɛ Ngalá ndáá wói yáá híya la lɛ́i áá kɛ ngáá háwu nuu í la ngáá Jísu, tiyá lɔ táá i h̃úúba Ngala fái h̃u.

TÍMOTI GƆ́LƆI HELE KÉLEI 1:2

Nyá lɔ ngáá kɔlɔí sí vɔ́nɛ í yéle, Tímoti, yɛ́i yí ngáá ndíívo ndóu Ngalá fɛli fái h̃u. Bɛlɛ́ Kɛɛɣɛí Ngalá ɛ́ɣɛ mu Lemɔ́i Jísu Kílisitii ti háá bɔwɔ́i ɛ́ɣɛ tí yááh̃u w̃ááw̃aanui ɛ́ɣɛ tí lííhei tí ɣɛ́ í yɛ́.

TÍMOTI GƆ́LƆI HELE KÉLEI 3:10

Kɛ́ yá Tímoti, yí kɔ́lɔ kpál̃au kalambongí ngíwaa mbo ɛ́ɣɛ kíya ngíwaa híya. Yí kɔ́lɔ sí ngáá ɣɛ́ ngí kɛ ndɛɛh̃úi sí h̃u ɛ́ɣɛ sí ndángɔ lá. Yí kɔ́lɔ kíya ndíílɔlɔngɔ ɛ́ɣɛ kíya ndóngɔ ngáá nungáá ɛ́ɣɛ kíya ngí liibáni sítii su ngí híyani ti h̃u.

TÁITƆ 1:4

Kɔlɔí sí lɔɔ vá í yéle Táitɔ yɛ́i yí ngáá kpɔ́wɔ lóu ɣɛ kíli mú lángi w̃áa véle w̃a Ngalá fɛ́lindai h̃u. Bɛlɛ́ Ngála lɛ́i í ngáá mu Kɛ́ɛ́ɣɛi ɛ́ɣɛ Jísu Kílisitii lɛ́i í ngáá mu Wúmaamo Mɔ́i, ti háá bɔwɔí ɛ́ɣɛ tí lííhei tí ɣɛ́ í yɛ́.