FÉLEPA 2:2 - Kɛ́lɛ Niinaí

² kɛ a ní góóh̃unɛi wú kúla ngáá sí wú ɣɛ́ kíli áá ɣɛ́ yíla wú gísiyai h̃u. Ná wáá ngáá, wú ló ngáá ỹɔw̃ɔ́ ỹɔ́w̃ɔ. Wú gísiyai í ɣɛ́ yíla háwu yiláá fááw̃a.

FÉLEPA 2:2 Iomraidhean Croise

NJƆÚ 3:29

Njɔú i maa hái h̃úúw̃ai nɔ́ɔ nyah̃á wɔlíndai wa, i ɣɛ ta, “Nyah̃ái aa ɣɛ na nyah̃á wɔ́li mɔ́i hááw̃a. Nyah̃á wɔ́li mɔ́i mbalái va aa ɣɛ lói naa béla ngolílongɔ ngáá í nyah̃á wɔlí mɔ́i woo ỹɛ́ni. Aáva ná áá ngoo ỹɛ́ni, kooh̃unɛ́ɛ́ngɔ aa ɣɛ la. Kɛ ngimɔ́ɔ́ ní góóh̃unɛi í na aa gɛɛlɛngɔ́ pele h̃u.

TI GƐ́Ɛ́ HAÍTII 1:14

Ti kpɛ́lɛɛ tɔ́ɔ yatɛ́ mba ỹanda yílaa hɔ́wɔ fíli táá Ngala fɛ́li, taá Jísu njéé Mɛɛloí ɛ́ɣɛ nyah̃a vékaitii taá Jísu ndéɣeai sítii ti ɣɛ́i ngáá siỹɛngáá.

TI GƐ́Ɛ́ HAÍTII 2:1

Júsuai ti hóloi sí taá tóli ngáá Pɛnɛkɔ́sii ná í fóloni ma, folói na sítii kínɛi ti langɔ́ í ɣɛ́i la ngáá Jísu, ti yatɛ́ngɔ í ɣɛi lá mba ỹanda yílaa.

TI GƐ́Ɛ́ HAÍTII 2:46

Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u.

TI GƐ́Ɛ́ HAÍTII 5:12

Ngalángi géélaitii ti káámaa haani ngaa kindaa vilí fáitii kɛní nungái ndiiwáá. Aáva sítii kpɛ́lɛɛ ti langɔ́ í ɣɛ́i la ngáá Jísu tɔ́ɔ́ yatɛ́ mba Sɔ́lɔmɔ Vɛlɛ Hasaí w̃a í Hɛ́ɛ́ma Yála Pɛ́lɛi bákii wá.

LÓÓMI 12:16

Ɣɛ́ ndiihéi w̃aah̃ú waa nungáá vékaitii. Yálaa lii ɣɛ́ wɔ́ɔ́lɔ, kɛ́ yí ɣɛ́ ngáá mbalalopo sítii fááw̃a taa ngáá ndaahéi mba yélaa. Yálaa bɔ́wɔ yéɣe ngáá í h̃úúgulangɔɔ lé nungáá vékaitii mba.

KƆ́L̃E HESENDAA GƆLƆÍ 1:10

Mu mbála Yalá fɛ́li mbélai, nyáá ngáá wú w̃áánɛɛnɛ a mu Lemɔ́i Jísu Kílisitii laahéingi h̃u ngáá wú lúw̃a ỹɔw̃ɔ́ ỹɔ́w̃ɔ woo w̃á kɛinɔɔ́ ndowah̃u kɔlɛ́ álaa ɣɛ́ wú lííwaa. Wú wóó í ɣɛ́ su yíla wú gísiyai h̃u, wú ɣɛ́ háwu yiláá má.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

KƆ́L̃E GƆ́LƆI HELE KÉLEI 2:3

Ná lɔ́ í kɛ́ngɔ ngí kɔlɔí ná vɔ́nɛngɔ wú yéle. Ngáá loí ngɔ́ɔ́ vá wú yéle wɛ́i kule í wú w̃a wú kóóh̃unɛɛ, wɔ́ɔ́ liiỹááni. Laáva ndángɔɔ lé lá ngáá ná kóóh̃u áá nɛ́ɛ́ aa wú kpɛ́lɛɛ kóóh̃unɛɛ wá bɛ́lɛ nɔ́.

KƆ́L̃E GƆ́LƆI HELE KÉLEI 7:7

Laáva aa ɣɛi nɔ́ɔ léi ngáá Táitɔ vaalái ɔ́ɔ́ ɣɛ́ ndúwuh̃ulɛni ngáá ni ye, kɛ́ ngi vólu haa léngi kɔwɔ́ato wú wa ngáá kíya wú ndúwuh̃ulɛni la. I ndengɔ́ ni w̃a kɛ kíya bútei wú lóngɔ wú tɔ, kɛ kíya gítei wú w̃ááw̃aanungɔ, ɛ́ɣɛ kɛ kíya wú w̃ááhei wóngɔ ngáá wú mááɣawo. Faalɔ, kóóh̃unɛɛngɔ wala le náa.

FÉLEPA 1:4

Laáva, kíya fíli ngáá Ngala fɛ́li wú kpɛ́lɛɛ mbɛ́, ngáá fɛli ngáá kooh̃unɛɛ kɔwɔ́ato wú bɔ́ kílii wa mbá ngengengí sí h̃u Ngalángi gééla woo vandaí hááw̃a, í séi hésendaa holoí w̃a wú Ngalángi gééla woo vandaí w̃áahɔlɔni, í ló su í foló sí h̃úi w̃á.

FÉLEPA 2:16

ngáá Ngalángi gééla woo vandaí lendáá nungáitii ma, keela woí sí áá kɛ́ ngáá háwu nuu áá ndɛɛh̃u gítei w̃ááhɔlɔ. A ndi ngu ma ngáá ná ɣɛ́ndaa kɛinɔɔ́ ngí maayónga tevé folói ná w̃á Kílisitii íwaa vá vaamá ma ngáá kɛ mɔ́l̃ɛi sí ngí mbóngɔ aa ngáá mɔ́l̃ɛ gbááma.

FÉLEPA 2:20

Nuu véka fíli aa ngéya ɔ́ɔ́ ɣɛ́ ngáá Tímoti ɣɛ kíli lɛ́i naá láa ni gísiyai ɣɛ́ kílii í yíla. Laáva tɔɔỹaá hááw̃a kpéɣengɔɔ lé ngáá wú ye.

FÉLEPA 4:2

Yɛ́i yí ngáá nyah̃ái sí taa ɣɛ́ í w̃á Yulódiya ɛ́ɣɛ nyah̃ái sí taa ɣɛ́ í w̃á Seteki, nyá lɔɔ wú w̃áánɛɛnɛ ngáá wú ɣɛ́ ngáá nde ngilangaa Ndemɔí Jísu w̃aa véle w̃á.

KƆLƆ́SE 2:5

Kíya bɛ́lɛ a maá ỹándaa yílaa a maa wúyeni, ngáá gísiya ngáá wú ye táingi fíli má. Kóóh̃unɛɛngɔɔ lé wú hááw̃a ngáá wú báhaa kílii su kpáŋ ngáá nuu fíli ɛ́i hómbo ɔ́ɔ́ wú lííka vóma ndangí h̃u wú sú ngáá Kílisitii.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÍMOTI GƆ́LƆI HELE KÉLEI 1:4

Ná ngáá gísiya ngáá kíya yí ɣɛ́i yáá wɔ́lɔ, aa kɛ ngáá háwu í w̃ɔ́ni í sóu ngwala ngáá ngi í lɔ. Ná ngáá í lɔ, ná lɔ áá kóóh̃unɛɛ.

FELÉMO 1:20

Faale, mu mbálai, í véle háále kái faa bɔ́wɔi sí ɣɛ́ mbɛ́ Ndemɔí Jísu haalái h̃u. Kíya mu báhangɔ su Kílisitii wa, yí kɛ ngáá háwu kóóh̃u í nɛ́ɛ́.

NJƆÚ GƆ́LƆI HELE KÉLEI 1:4

Kóóh̃u í nɛɛní ngwála ná ngí ɣɛ́i faa wɔ́lɔ mba ngáá wú léngaitii ti lɛ́ingaa tiyá lɔ́ɔ híya ngáá Ngalá tɔ́ɔ́ỹaa veleí kíya nɔ́ɔ́ mu Kɛ́ɛ́ɣɛ Ngalá í ndéngɔ mu w̃a ngáá mu ɣɛ́ máa kɛ.

NJƆÚ GƆ́LƆI HAWA KÉLEI 1:4

Faa fíli áa ná ɔ́ɔ́ kóóh̃unɛɛ ɔ́ɔ́ lɔ́ve sí wá ngáá ngíwaa mɛ́ni ngáá sítiini tí ngáá ní léngaa Ngala fái h̃u tiyá lɔɔ híya ngáá Ngala tɔ́ɔ́ỹaa veleí.