FÉLEPA 2:19 - Kɛ́lɛ Niinaí

¹⁹ Ná wɔ́lii áá ɣɛ́ ngáá Ndemɔí Jísu luw̃áma h̃ú háa, kí tɔ́ na ngáá ngí Tímoti lɔve wú yéle h̃umbuwa kɛinɔɔ́ í yángaima ngéle í fái sítii suu ɣɛ ngáá ngé táa híya ngáá wú ye ngáá sí áá nduwúh̃ulɛ ngáá ngé.

FÉLEPA 2:19 Iomraidhean Croise

MÁFIYU 12:21

Nungáá kpɛ́lɛɛ taá gíto mba.”

TI GƐ́Ɛ́ HAÍTII 16:1

Kɛ Pɔ́ɔ i liingá Dɛ́bi taa h̃u, i gúla na, í lí Lésitula taa h̃u. Naa lɔ í Jísu volú w̃ɔ́ɔ́ yiláá mááleni na taa ɣɛ́ ma Tímoti. Tímoti sí ngi njéé i ɣɛi ngáá Júsu w̃ɔɔ aáva ndangɔ́ ngáá Jísu. Kɛ́ Tímoti kɛ́ɛ́ɣɛ i ɣɛi ngáá Gilísi w̃ɔɔ.

LÓÓMI 15:12

Sí vá tɔ múl̃ɔ Ngalá ndaa háá lé mɔ́i Aisáya í ndéni, i ɣɛi ta, “Nuu tá lɔɔ vá gúlama Jɛɛ́se lé kpambíi h̃u. Áa ɣɛ́ nungái sítii mááh̃u taa ngáá Júsua ngáá masa ngwála aáva taá gíto mba.”

LÓÓMI 16:21

Tímoti, lɛ́i náá láá níwaa yénge, i haaní wú w̃a í báha náá mu mbála Júsuai sítiini kele tɔ mba taa ɣɛ́ tí w̃a Lúsɔ ɛ́ɣɛ Jésɔ ɛ́ɣɛ Sosepatɔ.

KƆ́L̃E HESENDAA GƆLƆÍ 4:17

Háwui sí hááw̃a, nyá ngaá Tímoti lɔ́ve wú yéle lɛ́i kulangɔ́ ngáá ndíívo síỹɛndou lou tɔwɔ́baɣangɔ Ngala fái h̃u. Laá lɔ áá va í wú gísitɛ síya gilíí wa kpahaí wa ngí su Jísu Kílisitii wa. Aá va tɔ ngáá mbó ngáá kalambo Ngala fɛ́li mbélaitii ma ỹanda kpɛ́lɛɛ.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 2:18

Ngimɔ́ɔ́ nɔ́ɔ wá bɛ́lɛ nɔ kɛ wú góóh̃unɛɛngɔ aa ɣɛ lá, a mu kpɛ́lɛɛ mú mbó.

FÉLEPA 2:28

Faalɔ, tɔvendái lɔ náa ndíí wa ngwala kɛinɔɔ́ ná wáá tɔ múl̃ɔ wú góóh̃u í nɛ́ɛ, nyá bɛ́lɛ pá maaw̃aanumai í híɣe ma.

TƐSALÓNIKA HESENDAA GƆLƆÍ 3:2

Aáva mu mbála Yála fɛ́li mɔ́i Tímoti, lɛ́i naá tiyéni náa yénge Ngalá mbɛ́ Ngalángi gééla woo vandaí léndai h̃u kɔwɔ́ato Kílisitii wa, ní tɔ́veni wú yéle. Ní tɔ́vei ngáá í wú lííwuulɛ, í kɛ́ ngáá háwu wú h̃uu í bá wú lángi h̃u.

TƐSALÓNIKA HESENDAA GƆLƆÍ 3:5

Háwui ná vá tɔ í kɛ́ngɔ ngí Tímoti lɔvéngɔ wú yéle ngáá í vá í tɔ́ kíya wú lángi ɣɛ́ kíli í na sí h̃úi, sífaa ndíí ɛ́i belé mɔ́ɔ́ lónga. Ngí ɣɛ́ngɔ ngáá gísiya ngáá tɛ́ingaa suugɔvɔ́ mɔ́i Setána aa ɣɛ wú h̃úúgɔvɔnga aáva wáá ɣɛ́ bengá Ngalá fái wa. Ná ná vá ngɔ́ɔ́ ɣɛ́, kɛ ní yéngengi kpɛ́lɛɛ kulasuunúma fíli ɛ́i béle mɔ́ɔ́ ɣɛ́ su.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI GƆ́LƆI HELE KÉLEI 1:12

Ná háá vá tɔ ngáá maanɔw̃ɔ́i sí yéɣe ma. Kɛ́ ná fíli su, ndííỹaaningɔ láá lé bɔw̃álale ngí kɔ́lɔ nuí ndángɔ lá aáva ngí kɔ́lɔ kpál̃au ngáá kɛ ngakpá tɔ́ ngeyá ngáá áá hómbo í kééla woí sí w̃aah̃ú béle í féngɔ ngéya í ló su kpóloo í fólo ngápumai w̃a.

JIMISÍ 4:15

Kɛ́ aá ɣéle, sí kule í wú w̃a wú kɛ, aa waa ngáá, wáá ɣɛ ta, “Ná wɔ́li Ndemɔí Ngalá ngáá lúw̃a ma, naa ló ndɛɛh̃ú h̃ú naa sí ɣɛ́, ni sí ɣɛ́, ni sí ɣɛ́.”

PÍTƐ HESENDAA GƆLƆÍ 1:21

Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.