FÉLEPA 2:17 - Kɛ́lɛ Niinaí

¹⁷ Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

FÉLEPA 2:17 Iomraidhean Croise

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TI GƐ́Ɛ́ HAÍTII 21:13

Kɛ Pɔ́ɔ i ni woo yápotenga, i ɣɛ ni w̃a, “Ndeé le wúwaa wɔ́lɔ, wáá ndiiỹaaní víli má? Aa nɔ́ɔ léi ngáá ngíli fááw̃a, kɛ́ mááhei wóngɔɔ lé sáá haá ɣéle tɔ ma Jɛlúsɛl̃ɛ Ndemɔí Jísu haaw̃a.”

LÓÓMI 12:1

Mu mbála Yalá fɛ́li mbélai, Ngalángi yááh̃u w̃aaw̃aanuma walaí i folóa mú w̃a, faalɔ, nyá lɔ́ɔ wú w̃áánɛɛnɛ ngáá wú bɔwɔ́ hé mbɛ kíya nɔ́ɔ taá tóŋanii váá ngáá tí kúla ngáá saáɣa Ngalá ngéle, wú ɣɛ́ ngáá ndɛɛh̃u gélei Ngalá ngéya, wú gúlangɔ í ɣɛ́ la kɛlɛ́ma Ngalá mbɛ, wú ɣɛ́ ngáá Ngalá ndíívo mbélaa. Ná lɔ́ í ngáá fɛlingí gíte gítei wáá mbó ngáá Ngalá.

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

KƆ́L̃E GƆ́LƆI HELE KÉLEI 12:15

Aa kóóh̃unɛɛ ngáá ngí sí kpɛ́lɛɛ mbála wú vólu véle h̃u ngu ngí nda mɛ́ɛ́ nyá gíte w̃a ngáá kɛinɔɔ́ ngí bɔ́ wú wa. Ná ngáá ló ngáá wú ye ngwala, wáá ló ngáá ngé kulo nɔ́ɔ?

KƆ́L̃E GƆ́LƆI HELE KÉLEI 4:12

Niỹá lɔ́ saa lowá la aáva ná vá tɔ í kɛ́nga ngáá háwu wú ɣɛ́ ndɛɛh̃u h̃u.

KƆ́L̃E GƆ́LƆI HELE KÉLEI 6:10

Kɛ kíya bɛ́lɛ kulangɔ́ ngáá ni w̃ááw̃aanungɔɔ lé, kɛ́ hɔ́wɔ fíli ni góóh̃unɛɛngɔɔ lé. Kulangɔ́ɔ́ lé ngáá niỹá lɔ ngáá nyaani yélaa kɛ́ niỹá lɔ kɛ ngáá háwu nuu bíh̃iw̃aa táá ɣɛ́ ngáá kpatɛ yélaa. Kulangɔ́ɔ́ lé ngáá ŋani fíli áá ni yaá kɛ́ ná fíli sú, ŋani kpɛ́lɛɛ tɔ́ ní yaá.

KƆ́L̃E GƆ́LƆI HELE KÉLEI 7:4

Ndángɔɔ lé ngwala ngáá wú ye, kí mái kpál̃au kɔwɔ́ato wú wa. Aáva ngáá wú w̃ááyonga tevé. Aáva ni haa bɔ́lundaitii kpɛ́lɛɛ su nduwú h̃u lɔ́ mbá nɛ́nɛ, kóóh̃unɛɛngɔ ngwala.

FÉLEPA 1:20

Ndiivó fáá walaí ɛ́ɣɛ kítomai waa ngáá kúnafɔ ngálaa bááh̃aa sí wa kule í má ngí kɛ. Kɛ́ hɔ́wɔ fíli ngu ngí nda naa mɛ́ɛ́ sí h̃ui w̃á, ndííwuulɛngɔ i ɣɛ́ ngwala ngáá kɛinɔɔ́ túva velé h̃u kpɛ́lɛɛ, Kílisitii í ngufema w̃ááhɔlɔ máá véle w̃a i ɣɛi ngáá ndɛɛh̃úi ngi su ɔɔ ná bɛ́lɛ ngáá há i ngúfema w̃ááhɔlɔ su.

FÉLEPA 2:18

Ngimɔ́ɔ́ nɔ́ɔ wá bɛ́lɛ nɔ kɛ wú góóh̃unɛɛngɔ aa ɣɛ lá, a mu kpɛ́lɛɛ mú mbó.

FÉLEPA 2:30

bɔw̃álale saangɔ́ votó ngi ɣɛngɔ náa lá Kílisitii yengengí háá nɔɔ́ má. Ná vólu, i loko híɣengɔ lɛɛh̃úi w̃ááh̃u ngáá í kpɔmba hé mbɛ́ sí wɔ́i belé hómbo wɔ́ɔ́ fé mbɛ́.

FÉLEPA 4:18

Sí kínɛi í ɣɛ́ngɔ ngáá kpéɣema wɔ́lingai ngí maahɔ́lɔnga wú yáá í lɔ́ve ma bɛ́lɛ. Sí kpɛ́lɛɛ kpéɣengɔ í ɣɛ́ngɔ lá ma, aá lɔ náa ngéya ná Ɛpafulɔdáitɔ í váa náa ngáá wú loko bɔmba wɔlingáitii ngéle. Ti gúlangɔɔ lé ngáá toko bɔ́mba wɔ́li pánda nuu áá fé Ngalá mbɛ, kíya nɔ́ɔ tokoheí mbu hááɣa áá ɣɛ́ na Ngalá ngelé áá ndiivó.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

TƐSALÓNIKA HESENDAA GƆLƆÍ 2:8

Ndo ngwálai ní su ngáá wú ye i kɛngɔ́ ngáa háwu ní Ngalángi gééla wóo vandaí lé wú w̃a. Kɛ́ aáva aa gɛɛlɛní nɔ́ɔ ná wa, aá ɣéle p̃ɛ́ɛ́ nɔ́ɔ́ bɔwɔ́ gúla kɛlɛ́ma wú hááw̃a ná vá ɔ́ɔ́ ni liilá sífaa, ni longɔ́ɔ́ lé ngáá wú ye ngwála.

TÍMOTI GƆ́LƆI HELE KÉLEI 4:6

Táingi i folónga ma ngáá ngí ɣɛ́ ngáá saáɣa. Ná wáá ngáá, ndɛ́ɛ́h̃ui yakɛ́ɛ́lɛ táingi i folónga ma.

PÍTƐ HESENDAA GƆLƆÍ 2:5

Wú gúlangɔɔ lé ngáá kɔtuni ndɛɛh̃ú i wú h̃u. A bɛlɛ́ Ngala ngí wú ɣɛ́ ngáá maa wɔ́tui tá ngí vɛ́lɛi h̃u ngi Ỹínangi íwaa to. Wú gúlangɔ í ɣɛ́ lá ngáá hɛ́ɛ́ma Yála sááɣa gula mbélaa, wú ɣɛ́ wáá Ngala fɛ́li wáá Ngala tɛ́ sí í ngáá sááɣa ɣɛ kíli wáá ɣɛ́ wáá kula, sítii taá ɣɛ́ ngáá Ngala tókohei mbu gélea Jísu Kílisitii w̃áá véle w̃a.

NJƆÚ HESENDAA GƆLƆÍ 3:16

Ndongí va kɔlɔ́ kíli lɔ ngáá sí mu yɛ, ngáá kíya Jísu Kílisitii i lɛ́ɛ́h̃ui gúlani kɛ́lɛma a mu hááw̃a. Ngimɔ́ɔ́ nɔ́ɔ a muỹá bɛ́lɛ kule í mú w̃a a mú lɛ́ɛ́h̃ui gúla kɛ́lɛma a mu mbála Yalá fɛ́li mbélaitii faaw̃a.