FÉLEPA 2:15 - Kɛ́lɛ Niinaí

¹⁵ kɛinɔɔ́ wú ɣɛ́ ngáá faa ỹɔ́u ɣɛ tála yelaa. Ná vólu, wú ɣɛ́ ngáá Ngala ndéngaa, wú w̃ááw̃uỹangɔ í ɣɛ́ la fó ngáá nuu fíli álaa faa ỹɔ́u lɔ wú h̃u ná wú faa ỹɔ́u yélaitii ndiiwáá faa ỹɔ́u yéteyangi sí h̃u. Kɛ́ wú holó ti liiwáá kɛ kíya temúleɣaitii tí na ngeleí ya

FÉLEPA 2:15 Iomraidhean Croise

MÁFIYU 10:16

Jísu í mɔ́ɔ́ ɣɛ ta, “Nyáá ngáá wú lɔ́ve kíya nɔ́ɔ mbaalaitii taa ɣɛ́ na fulá húwa liiwáá. Faalɔ, a w̃aah̃ú béle kíya kaalií géle ɣeléngɔ. Ná vólu, wú lúva veléitii kɛ kíli í ɣɛ́ lúúỹaa kíya poovóóngi í na lɛ́i ɛ́i ỹanda héi ŋani fíli mba.

MÁFIYU 17:17

Kɛ Jísu i ɣɛa ta, “Wá, nda tálai lɔ í wú h̃ú sí h̃uu yéteyangi h̃uu yélaitii, wáá lí ngáá kaka pélei! Táingi bɛɛ́ lɔ náa ngáá kɛ wú lííwaa wɔ́ɔ ɣɛ́a fái sítii ngatɔ́ mba?” I ɣɛ siỹɛndópoi w̃a, “Vá ngáá í lói mbéi.”

MÁFIYU 5:45

Ná lɔ́ áá kɛ wáá ɣɛ́ ngáá Ngala ndéngaitii lɛ́i í ngáá wú Kɛ́ɛ́ɣɛ í ngelegóóh̃u, sífaa Ngalá tɔ́ áá kɛ ngi hóloi í hólo tuva velé vánda yélaitii ɛ́ɣɛ tuva velé ỹɔ́u yeláitii ma tɔ́iŋ kpéiŋ. Ná vólu, aa njɛí wa tɔ́iŋ kpéiŋ sítii mbɛ taá faa vánda ɣɛ ɛ́ɣɛ sítii mbɛ taá faa ỹɔ́u ỹɔ́ungi ɣɛ.

MÁFIYU 5:48

Faalɔ, kɛɛlɛ́ ngá laa ɣɛ́ wú gɛ́ɛ́hɔ pándai wa, kíya nɔ́ɔ wú Kɛ́ɛ́ɣɛ Ngalá ngí ngelegóóh̃u kɛɛlɛ́ ngáá ngi gɛ́ɛ́hɔ pandaí wa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:6

Sakaláya ɛ́ɣɛ ngi ỹáh̃a Ilésebɛ, ti ɣɛ́i ngáá tuva velé vánda yélaa Ngalá ngaah̃ú. Ti ɣɛ́i taa híya ngáá Ndemɔí Ngalángi hávai kpɛ́lɛɛ, táá ngeɣé kɔ́wɔ w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

NJƆÚ 5:35

Njɔú gálambongi wó kílii í ɣɛ́i ngáá lámbo kɛ kíli, íwaa hó, aáva i wú líívoni ngáá wú woliló ma kpɛ́ɛ́.

TI GƐ́Ɛ́ HAÍTII 2:40

Pítɛ í ti laahíni ngáá ngoo véka bíh̃i bih̃i. Ná vólu, i ti lɛnɛ́ni, i ɣɛ ti w̃a, “A bɔwɔ́ w̃ááɣawo faa bámai sí yáa íwaa vá vááma nyaama yéteyangi sí h̃u.”

TI GƐ́Ɛ́ HAÍTII 20:30

Wá ɣéle tɔ bɛ́lɛ wú ngáá Ngala fɛ́li mbélaitii, nungáá tiyá lɔ vá gulamá wú h̃ú, tí tɔɔỹái vóte ngáá ndɛí kɛinɔɔ́ tí nungáá w̃ááhɔlɔ nátii ti ɣɛ́ ngáá ti volu yelaa.

LÓÓMI 16:19

Kɛ́ aá lɔ́ ngáá ndíívo fáá ngáá nuu kpɛ́lɛɛ ti faa ỹɛ́ninga kɔwɔ́ato kolóngi wa wú su Ngalángi gééla woo vandái wu. Kɛ́ ná fíli sú, ngáá ɣɛ́ loí gíte wú ɣɛ́ sítii kɔ́lɔ ti ngáá faa vándaitii aáva wáálaa báha kpahá faa fíli mbá ti ngáá faa ỹɔ́u ỹɔ́ungaa.

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

KƆ́L̃E GƆ́LƆI HELE KÉLEI 6:17

Ndemɔí Ngála i ndengɔ́, i ɣɛ ta, “Hiɣe ti volú, yí bɔ́wɔ béteve ti wa. Yaá faa fíli kɛ́ sí kpálo áá ɣɛ́ mba, laáva ngáá lókohei náa í wu.

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

FÉLEPA 1:10

Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.

FÉLEPA 3:6

Ndii í ɣɛ́i kóó ya ngwala ngáá ngí híya ngáá Ngala sávai. Ngí ɣɛ́i p̃ɛ́ɛ́ ngáá faa bá ndá Jísu vólu yélaitii ma. Ná yáá gisíya ngáá nuu ɣɛ́ndai h̃u ngáá telembo mɔ́ɔ́, áá gúla nuu híya gilíí h̃u ngáá Ngala sávai, tɔmbema w̃áá fíli áá ɣɛi mbá.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TÍMOTI HESENDAA GƆLƆÍ 3:10

Tí wɔ́lɛ maa yélai ti lúva véleitii mba ɛ́ɣɛ ti gɛ́ɛ́ haítiini ná tɔmbema w̃áá ɛ́i ɣɛ́ ti ta fíli mbá, kɛ taa ɣɛ kulaɣɛ́i ngáá ti ɣɛ́ ngáá kpɔmba yélaa Ngalá fɛ́lindai h̃u.

TÍMOTI HESENDAA GƆLƆÍ 3:2

Ngala fɛ́li mbélai ti wutúwɔɔ w̃ɔ́ɔ́ fíli kule lɔ ma í ɣɛ́ ngáá nuu tɔmbema w̃áá ɛ́i ɣɛ́ mba faa fíli su. I ɣɛ́ ngáá nyah̃á yílaa mɔ́ɔ́ nɔ́ɔ. Í ɣɛ́ ngáá nuú ngáá áá faa yátɔ mbá, ná vólu, í ɣɛ́ ngáá nuu áá hómbo í h̃úúhou w̃a faa fíli su aáva ngufema í mbɛ faa fíli su. Ná vólu, í ɣɛ́ ngáá nuú áá lókohei sotángaa wu ngi vɛ́lɛ lowaí wu, i ɣɛ́ ngáá nuu ngáá áá hómbo i kalambo mbó.

TÍMOTI HESENDAA GƆLƆÍ 5:14

Faale, ngáá ɣɛ́ loí ponyah̃ái sítii ti ngáá tɛɛniinángaa tí síỹɛ ngéɣe, tí ndéngaa lé, aáva tí tí vɛ́lɛ lowaí wúú h̃úúhou ngáá pangɔ́ kɛinɔɔ́ mɔɔ naa gúla kɛlɛ́ma mu waahílima yélaitii mbɛ tɔɔ yɛ́pɛ mu wa ỹɔ́u,

TÍMOTI HESENDAA GƆLƆÍ 5:20

Kɛ́ sítii kínɛi taá ɣɛ táá ndí ngu ma ngáá faa ỹɔ́u ɣɛ́ndaa, tevé kpé yí ndé tí w̃a lííwaa kɛinɔɔ́ ndúwa í vú pekaítii su tɔ́ɔ vá tá ɣɛ.

TÍMOTI HESENDAA GƆLƆÍ 5:7

Ndaahíngi sítii mbo ngáá ponyah̃áitii ɛ́ɣɛ tí wólondaitii kɛinɔɔ́ tɔmbema w̃áá fíli álaa vɛ́lɛ ti wa.

TÁITƆ 1:6

Ná wáá ngáá, maa géle ɣelé mɔ́i fíli kɛ í ɣɛ́ ngáá nuí tɔmbema w̃áá fíli ɛi ɣɛ mbá aáva nyah̃ái í ɣɛ ngeyá yíla kpé. Kɛ maa w̃ɔ́i léngaitii ti ɣɛ́ laí ngáá Jísu ɛ́ɣɛ tɔwɔ́ vánda í ɣɛ́ ti wa ngáá kɛ taa ngáá kolo lála léngaa.

TÁITƆ 2:10

Tálaa ŋuỹa wó ti w̃a, kɛ́ láá ɣéle, ti ɣɛ́ ngáá tɔ́wɔbaɣa yélaa. Tí ɣɛ́ ngáá tokolá ma yélaa faa kpɛ́lɛɛ su kɛinɔɔ́ ngúfema í ɣɛ́ kalambongí sí w̃a kɔwɔ́ato Ngalá mbá lɛ́i í ngáá mu Wúmaawo Mɔ́i.

TÁITƆ 2:15

I lóów̃ai í í yáá, maa yákpangi yangénge yí nungáitii kalámbo ngáá fái sítii ɛ́ɣɛ yí tí liiwúúlɛ. Sítii tɛ́i ɣɛ́ pele gíte w̃a, yí tí hítɛ pele vandá w̃a. Yálaa kɛ́ nuu fíli ɔ́ɔ́ tókohiya ngu maah̃ú háá ɣɛ ngáá í ye.

HÍBULU 7:26

Jísu ndá Yála sááɣa gulandái h̃u, aa hombó í mú gúla a mu beɣéma háitii sú bɔw̃álale, aá lɔ́ ngáá hɛ́ɛ́ma w̃ɔ́ɔ́, tɔmbema w̃áá fíli aa mba aáva aa ngáá faa ỹɔ́u ɣɛ mɔ́ɔ kíya mu ngáá faa ỹɔ́u ɣɛ́ mbélaa. Ngalá pa i kɛngá ngáá ngangímba w̃ɔ́ɔ́ wála ngelegóóh̃u.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.

FAA YÁKƐ KƆ́LƆI 3:9

A wolílo! Sítii tí ngáá Setána hitɛ polú yeláitii ngáá ndɛɛ yélai nátii, tíwaa ɣɛ́ ta tiyá lɔ́ ngáá Júsua, kɛ́ aa ngáá tɔɔỹáa, nyá lɔ́ɔ vá kɛ́ma tí vá tí lá wú gɔ́wɔ wú. Tí kpɛ́lɛɛ táa ɣɛ́ náá súúwɔlɔ ngáá kɛ ndóngɔɔ lé ngáá wú ye.