FÉLEPA 2:13 - Kɛ́lɛ Niinaí

¹³ Sífaa Ngalá tɔ áa yénge ngáá wú ye, áá kɛ ngáá háwu áá ɣɛ́ ngáá wú líívo fáá ngáá wáa sítii kɛ áá nɛ́ɛ́ mbɛ.

FÉLEPA 2:13 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

NJƆÚ 3:27

Kɛ Njɔú í ti woo yápotenga, i ɣɛ ti w̃a, “Sí fíli nɔɔ́ léi nuu áá mááhɔlɔ, aa gula Ngalá ngeyá.

NJƆÚ 6:45

Sí Ngalá ndaa háá le mbélai tí pɔ́nɛni, aá lɔ́ ngáá sí, ‘Ngalá tɔɔ vá nuu kpɛ́lɛɛ kálama.’ Nuí fíli áá wolílo Ngalá ma i kalambó mááhɔlɔ ngeyá maa w̃ɔ́i aa vá ngéle.

NJƆÚ 6:65

I ndií náa ngu ma ngáá ndendáa áá ɣɛ́ ta, “Ná lɔ́ í kɛ́ngɔ ngí ndengɔ́ wú w̃a ngáá nuu fíli ɛi ɣɛ ngáá pólu w̃ɔ́ɔ kɛ léi Kɛ́ɛ́ɣɛ Ngalá ngí maa yákpa fe mbɛ.”

TI GƐ́Ɛ́ HAÍTII 11:21

Aáva Ndemɔí Ngalángi yákpangi i ɣɛi ti h̃u. Faalɔ, nuu bíh̃iw̃aa ti vóteni, tí la ngáá Ndemɔí Jísu.

LÓÓMI 12:3

Ngálangi háá bɔwɔ walaí w̃áá véle w̃á í ngaah̃ú ɣɛ́a ngáá ngé, ngí ngátɔa mba ngáá ngí ndé wú w̃a ngáá kíya núi fíli áá ɣɛ́ na. Maa w̃ɔ́i gísiya álaa ngandɛ́i, ɔ́ɔ́ ngí háá lɛ́nga ɔ́ɔ́ lɔ́ve kɛ kíli wa. Kɛ́ láá ɣéle, ndangí l̃ɔ́ingi Ngalá ngáá kɛ́ ngáá háwu nuu fíli í mááhɔlɔ, laá lɔ́ áá lókola ma í bɔ́wɔ yéɣe ngáá ele wáá ngáá laá.

LÓÓMI 9:11

Ná h̃u nɛ́nɛ taá nɛ́ɛ ɣɛ́i tí léni kpósouŋ kɛlaa tɔɔ́ ɣɛ faa vánda ɣɛ́ni ɔɔ faa ỹɔ́u, Ngalá ngí ndení ti njéé Lebɛ́ka w̃a ngáá kpakolo keleí aa ɣɛ ngáá ngenge mɔ́ɔ́ ndeɣe gélei yɛ́. Ngalá ngí sí léni ngáá kɛinɔɔ́ í hómbo í ngákɛ ngáá kɛ ngi líívo peleí lɔ́ áá híya la. Kɛ́ aa ɣɛi ngáá kɛ ndengái ti híya véle lɔ́ ɔ́ɔ́ ɣɛ́ loi mááh̃u ɔ́ɔ́ ná le.

LÓÓMI 9:16

Kɛ ná ná áá ɣɛ́, kɛ faí kpɛ́lɛɛ tɔ́ nɔ́ɔ́ Ngalá ngeyá ngáá nuí áá ɣɛ loí í ngaah̃u w̃aaw̃aanú hóu kɛ́ aa ngáá sí nuu áá ɣɛ́ loí lá ɔ́ɔ́ sí nuu áá kɛ.

KƆ́L̃E HESENDAA GƆLƆÍ 12:6

Nuu hómbondaa háitii tiyá lɔ na léélaa léélaa. Kɛ́ Ngalá ngílaa kpéngi lɔ nɔ́ɔ áá naa gúla kɛ́lɛma nungái mbɛ ngi yéngengitii mbo fááw̃a.

KƆ́L̃E HESENDAA GƆLƆÍ 15:10

Kɛ́ Ngalángi háá bɔwɔí w̃áa véle w̃a, i kɛngá ngí ɣɛ́ ngáá kíya ngí na, aáva maa háá bɔwɔí í kɛ́ngɔ mbɛ́ ngi háá ya ngáá wálangɔ mba. Ngí yéngenga í lɔ́ve Ngalángi gééla vekaítii kpɛ́lɛɛ mbá, kíya bɛ́lɛ áá ɣɛ́ngɔ ngáá kpɔ́wɔ yákpa su, kɛ́ aá ɣéle, í naa gúlangɔ mbɛ́ kɛ́lɛma ngí háá bɔwɔí w̃aa véle w̃a ngí hómbo nda.

KƆ́L̃E GƆ́LƆI HELE KÉLEI 3:5

Ní kɔ́lɔ ngáá kɛ ngakpa fíli áá ni yaá ngáá wumaa ngáá naa hómbo ní ngéngengi sí wo la. Ngakpángi sí í ní yaá, i gulangɔ́ Ngalá ngeyá.

Ɛ́FƐSƆ 1:11

Faí kpɛ́lɛɛ aa ɣɛ kɛ kíya Ngalá ngáá ɣɛ́ loí tí ɣɛ́. Ngalángi lokolongɔ́ ni wa ngáá ngi vóngaa kpahaí wa mú su Kílisitii wa. I sí ɣɛ́ngɔ bɔw̃álale sí lɔ́ í suubátɛngɔ ngáá í kɛ́ tɔkúla héimai wɔ́lɔ kpɔ́lɔɔ

Ɛ́FƐSƆ 1:5

Ngala ngí ɣɛi náa kpatɛí ngáá mu ɣɛ́ ngáá ngi léngaa Jísu Kílisitii w̃áá véle w̃a. Aáva sí lɔ́ í ngáá ndiivó fái ɛ́ɣɛ ngi háá h̃uubatɛngí

Ɛ́FƐSƆ 1:9

Ndɔɔwu h̃ú hái í ɣɛ́ngɔ kpatɛí i kɛ́a mu ɣɛ́ kɔ́lɔ Kílisitii w̃áá véle w̃a. Ná vá tɔ í ɣɛ́ngɔ loí í kɛ.

Ɛ́FƐSƆ 2:8

Ná wáá ngáá, Ngalángi háá bɔwɔí lɔ í mú wúmaawongɔ la ndangí w̃áá véle w̃a a mú su la. Aa ngáá mu yénge panda haa lɔ Ngalá ngí mú wúmaawongɔ faaw̃a, kɛ́ Ngala máábatɛ te nɔ́ɔ. Náá hááw̃a, nuu ɛ́i maayónga tevé.

TƐSALÓNIKA GƆ́LƆI HELE KÉLEI 1:11

Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.