FÉLEPA 2:12 - Kɛ́lɛ Niinaí

¹² Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

FÉLEPA 2:12 Iomraidhean Croise

MÁFIYU 11:12

I síɣe táingi ná h̃úú w̃a, Nguya Wo Mɔ́i Njɔú í tɔkúla héini ngáá ngi gééla woí lendaí, í foló sí h̃ui w̃a, Ngalángi w̃ásandai i ndiiya tɛtɛ́ lápi bih̃íw̃aa w̃aahɔ́lɔnga. Ná vólu, mal̃a kula mbélaa táá yakpá ngáá tí ngeɣé ngáá tí yákpa.

MÁFIYU 11:29

A lokohéi ní gálambongi wú, wú kalambo mááhɔlɔ ngéya bɔw̃álale ngɛ́i bandí bándi héi nuu w̃á aáva súú áá wɔ́ɔ́lɔ. Ná vólu, wáá ndɛɛlɛmbó mááhɔlɔ bɔw̃álale kalambongí ngáá mbó ngáá wú ye aa baní aáva kasɔ́i ngáá fé wú yáa ɛi ɣɛ ỹííni.”

TI GƐ́Ɛ́ HAÍTII 16:29

Kɛ kpindi vɛlɛ́ w̃ááh̃u belé mɔ́i i lámbo maalólinga, í wála kpindi vɛlɛ́i wu ngáá viliỹɛ́, í h̃úndɛ Pɔ́ɔni ngaa Sáilɔ gakála suu áa bɛ́li.

TI GƐ́Ɛ́ HAÍTII 9:6

Kɛ́ yooɣé náa yí lɛ́ tái sí h̃u, sí va ngí kule í í w̃á ngáá yí kɛ taá nde í w̃á.”

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E HESENDAA GƆLƆÍ 2:3

Ná ngí vááni wú yéle súú áá ɣɛ́i baní, ɛ́ɣɛ súú i ɣɛi áá bɛ́li í tó nduwái wa í ɣɛ́i sú.

KƆ́L̃E HESENDAA GƆLƆÍ 4:14

Ngáá sí vɔ́nɛma ngáá ngí wú yángufe, kɛ́ ngí wú lááhi sífaa wú ngáá kpɔ́wɔ bɔ́wɔ léngaa ɣɛ kíli wú ndíívongɔ.

KƆ́L̃E GƆ́LƆI HELE KÉLEI 7:15

Táitɔ gi ngí lóngɔ su kɛ kíya wú wú nganjéini mbɛ ɛ́ɣɛ wú ngúfema héni mbɛ ná vólu, mɔ́ɔ kɛ kíya wú kpɛ́lɛɛ wú ɣɛ́ kíli batɛngɔ́ í ɣɛ́i lá goló fááw̃a ngi gálambongaitii mbu. Faalɔ, ngi lóngi wú hááw̃a suu lɔ ɣɛ́ nɔ́ɔ́ wɔ́ɔ́lɔ kélei.

Ɛ́FƐSƆ 6:5

Wɛ́i wu ngáá nduwɔáitii, a gólo wú w̃ááliɣiaitii mbu, wú wúfe ti w̃a ngwala ngáá ndiiwolé, kíya nɔ́ɔ wáa ɣɛ́ wáá yénge Kílisitii yɛ.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 2:19

Ná wɔ́lii áá ɣɛ́ ngáá Ndemɔí Jísu luw̃áma h̃ú háa, kí tɔ́ na ngáá ngí Tímoti lɔve wú yéle h̃umbuwa kɛinɔɔ́ í yángaima ngéle í fái sítii suu ɣɛ ngáá ngé táa híya ngáá wú ye ngáá sí áá nduwúh̃ulɛ ngáá ngé.

FÉLEPA 4:1

Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

FÉLEPA 4:15

Wɛ́i wú ngáá Ngala fɛ́lɛ mbélai wú Félepa taa h̃u, wú kɔ́lɔ kpál̃au ngáá ná ngí tɔ́kula heini ngáá Ngala ngóó vandái léndai, ngí gúlani Mɛsedóniya lataí h̃uu wá, Ngala fɛ́li mbélaa veka fíli taá toko bɔ́mba héi mbɛ́ kɛ léi wá. Maa wúyeni tɔ nɔ́ɔ mú híyani ní haa bɔlúndai h̃u mú maa gúlasuunumai w̃ááhɔlɔ.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TÍMOTI GƆ́LƆI HELE KÉLEI 2:10

Háwui náa haaw̃a, ngáá liilɔ́lɔ sítii kpɛ́lɛɛ ngá sítii faaw̃a ti ngáá Ngalángi vóngaitii kɛinɔɔ́ ti ngumaawóngi w̃ááhɔlɔ áá gula Jísu Kílisitii yaa, ná wáá ngáá, kúnafɔ lɛ́ɛ́h̃ui nuu áá ɣɛ su Ngalángi yákpa maanɛɛnɛɛngí h̃u.

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

HÍBULU 4:1

Náá hááw̃a, ná múỹa bɛ́lɛ Ngala ngí kuuló táálii sí wónga ngáá mu ye, ngáá aá lɔ́ɔ kɛ ngáá háwu mu lí ngi lɛ́ɛ́lɛmbomai, a w̃aah̃ú béle ngáá maa hái ngáá kɛinɔɔ́ wú tá fíli wálaa fáa ɣɛ́ ngáá áá kɛ ngáá háwu wɔ́i lí ngi lɛ́ɛ́lɛmbomai.

HÍBULU 4:11

Náá hááw̃a, a mú yákpa gíte kɛ́ŋɛ kɛinɔɔ́ mú tá fíli málaa faa ɣɛ́ ngáá áá kɛ ngáá háwu a mɔí ndɛ́ɛ́lɛmbongi ná w̃ááhɔlɔ kíya nɔ́ɔ mu káwalani taá lɛ́ɛ́lɛmboni sífaa, ti kólo lála gúlai ngáá Ngala.

HÍBULU 5:9

Maanɔw̃ɔ́i sí í híyai su, aá lɔ́ áá ngákɛ ngáá kɛ Jísu lɔ ngáá kolo mɔ́ɔ́ wála, aáva laá maa véle lɔ́ náa nuu áá kúnafɔ lɛ́ɛ́h̃ui w̃ááhɔlɔ ma, ná wáá ngáá, nuí fíli áá gólo mbɛ.

PÍTƐ HESENDAA GƆLƆÍ 2:11

Mu mbála vandáitii, nyá lɔɔ́ fái sí lé wú w̃a gíte, ngáá ná muỹá lɔ́ ngáá sotángaa ngeleí sí wu mú na, mú maavéla véle h̃u, wálaa bɔwɔ́ gula múl̃ɔ kɛlɛ́ma ndiivó kɛ́i yɛ́, ɔ́ɔ́ víli wú líí volú. Ndiivo kɛ́i áá vílii nuu líí vólu, ti lówah̃u ɣɛ́ kíli taá nuu h̃úúyafuw̃angi kulangɔ́ɔ́ lé ngáá kɔɔ áá ɣɛ́ nungáá lówah̃u.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.