FÉLEPA 2:1 - Kɛ́lɛ Niinaí

¹ Faalɔ, ná nduwú h̃u fíli áá ɣɛ́ lɛ́a ngáá wú ye wú báha gilíi w̃a Kílisitii wa, ɔɔ ná wɔ́lii wáá ɣɛ́ ndiiyapɔpɔ́ fíli mááhɔlɔnga áá gúla ngi lóngi h̃u, ɔɔ ná wɔ́lii mbala lopo laa fíli áá ɣɛ́ wú lówah̃u wáá Hɛ́ɛ́ma Ỹínangi, ɔɔ ná kɛ́ɛ́hɔ pánda fíli taá ngaah̃u w̃aaw̃aanú áá ɣɛ́ wú yáá ỹɔ́w̃ɔ ỹɔw̃ɔ́ hááw̃a,

FÉLEPA 2:1 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:25

Ná h̃úu vá, siỹɛndópo yiláá i ɣɛi Jɛlúsɛl̃ɛ taa h̃u, ndaahéingi í ɣɛ́i ngáá Símiyɔ. I ɣɛi ngáá nuú Ngalá ndúwamba í su, ná vólu, i ngáá telembo mɔ́ɔ. Aáva i ɣɛi áá naa w̃áálɛlɛ ngáá Ísulɔ yeláitii tí ngumaawóngi w̃aahɔ́lɔ ɔ́ɔ́ ɣɛ́a ha. Aáva Hɛ́ɛ́ma Ỹínangi í ɣɛi polú.

NJƆÚ 14:18

Ná ngáá lí, ngáá wú lóma nɔɔ́ kíya pondengáá taa ɣɛ́ na, nyá lɔɔ vá mɔ́ɔ́ yangáimama wú yéle.

NJƆÚ 14:27

Ngáá kɛ ngáá háwu wú líí í héi aáva kpɔ́wɔ bɔ́wɔ lííhei lɔ ngíwaa vaa la. Ní ndá lííhei ngáá vaa la aa ngáá kíya ngeleí sí wú lííhei áá va. A waá liihɛ́lɛ, ná vólu, nduwá álaa ɣɛ́ wú h̃u.

NJƆÚ 17:13

Nyá lɔɔ vá náa í yéle, kɛ́ nyá lɔɔ sítii nde í w̃a ná ngí ngeleí sí wu nɛ́nɛ kɛinɔɔ́ ti góóh̃unɛɛngɔ í ɣɛ́ la ngwala kíya nɔ́ɔ́ kóóh̃unɛɛngɔ.

TI GƐ́Ɛ́ HAÍTII 2:46

Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u.

TI GƐ́Ɛ́ HAÍTII 4:32

Sítii kínɛi tí langɔ́ í ɣɛ́i la ngáá Jísu ti lií i ɣɛ́i yíla, ti gi mái i yíla. Nuu fíli aa kulái ngáá kɛ sɔlɔ wɔlíngai ti ɣɛ́i ngáá ngu maa ɣéle, kɛ́ ti kpɛ́lɛɛ ti yaá wɔ́lingai ti ɣɛ́i nɔ́ɔ su yíla kpé.

LÓÓMI 5:5

Aáva kitómai sí ɛi mu vɛ́lɛ, bɔw̃álale Ngalá ngí kɛa ngáá háwu ngi lóngi yá ngí ɣɛ́ wɔɔlɔ a mu lií h̃u Hɛ́ɛ́ma Ỹínangi w̃áá véle w̃á lɛ́i í ngáá Ngala fémbɛ wɔ́lingi í féngɔ mu yɛ.

LÓÓMI 8:26

Pele lɛ́ingaa h̃u bɛ́kpɛ a mu h̃úú áá báni kɛ́ Hɛ́ɛ́ma Ỹínangi lɔ́ na ngáá í bɔ́ mú wa. Ngi bɔ́mba gilií tá wáá nɔ́ɔ́ ngáá ná mɔí ɣɛ́ kɔ́lɔ sí kule í má bɛ́kpɛ mú maa Yála fɛ́li, aa Ngala fɛ́li a mu haáw̃a ndiihoolɛ́ wóóni su bɛ́kpɛ ngáá mɔí hómbo mɔɔ́ pú mu yɛ́pɛ woo h̃u.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

KƆ́L̃E HESENDAA GƆLƆÍ 15:31

Nyá lɔ saa lowá lá foló fíli má. Mu mbála Yalá fɛ́li mbélai, sí lɔ́ ngáá tɔɔỹaá aáva aá lɔ mɔ́ɔ́ ngáá tɔɔỹaá ngáá ngáá yónga téve wú hááw̃a, mu báha gilíí wa su a maá Ndemɔí Jísu Kílisitiini. Ná lɔ́ í kɛ́a ngáá nde wú w̃á ngáá nyá lɔ́ nɔ́ɔ saa lowá la foló fíli má.

KƆ́L̃E HESENDAA GƆLƆÍ 3:16

Wáá kɔlɔ́ ngáá kɛ wá lɔ ngáá Ngalángi hɛ́ɛ́ma vɛ́lɛ, aáva ngi Hɛ́ɛ́ma Ỹínangi lɔ wú vólu?

KƆ́L̃E GƆ́LƆI HELE KÉLEI 13:14

Bɛlɛ́ Ndemɔí Jísu Kílisitii háá bɔwɔí í ɣɛ́ wú yɛ́ ɛ́ɣɛ Ngalángi lóngi í ɣɛ́ wú yɛ́ ɛ́ɣɛ wú kpɛ́lɛɛ wú háá í ɣɛ́ su yíla wáá Hɛ́ɛ́ma Ỹínangi.

KƆ́L̃E GƆ́LƆI HELE KÉLEI 2:14

Kɛ́ sɛ́ɣɛɛ gulama í ɣɛ́ Ngalá mbɛ́ lɛ́i áá ni wúto í kɛ ngáá háwu ni ndái í ndó ma hɔ́wɔ fíli kɔwɔ́ato kpahaí wa ní su Kílisitii wa. Ngalá ngí naa gúlanga kɛ́lɛma ni yɛ ngáá ni Kílisitii w̃áá woo híya kíya nɔ́ɔ sɛ́ndi w̃aaku nɛ́ɛ́ nɛɛ ngáá híya ỹandá kpɛ́lɛɛ.

GALÉSIYA 4:6

Sífaa wú ngáá Ngalá ndéngaa kíya nɔ́ɔ ní na, i kɛngɔ́ ngáá háwu ngi H̃íỹɛndou Loí Ỹínangi í ɣɛ́ mu volú, lɛ́i áá kɛ ngáá háwu aa maá Ngala tóli ndaanɛɛ h̃u, maa ɣɛ́ tá, “Kɛɛɣɛ́, Kɛɛɣɛ́.”

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

Ɛ́FƐSƆ 4:4

Mu kpɛ́lɛɛ muỹá lɔ ngáá nuu yílaa aáva Hɛ́ɛ́ma Ỹína ngílaa kpéngi lɔ í mu volú kíya nɔ́ɔ Ngalángi í mú kpɛ́lɛɛ tólingɔ mu gítomai í yíla.

FÉLEPA 1:8

Ngalá ngi kɔlɔ́ ngáá kɛ kíya búte wú w̃ɔ́ni áá sóu ɛ́ɣɛ kíya ndóngɔ ngáá wú ye kɛ kíya nɔ́ɔ Jísu Kílisitii lóngɔ ngáá wú ye.

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

HÍBULU 6:18

Faa félengɔ lɔ́ náa áá ɣɛ na ti w̃áá ɛ́i lóvi aáva Ngalá ngɛ́i ndɛɛ gɔ́ɔ́la kɔwɔ́ato ti wa. Tiyá vá mbaa ngáá sí, Ngala ngɛ́i baah̃á ngi gúúlongi hítɛma nga, ɛ́ɣɛ ɛi gulá ngí véle mbongɔ wu. Náá hááw̃a, a muỹɛ́i mú vílinga Ngalángi nda gákai w̃a maah̃u belé fááw̃a, mu liiwúúlɛngɔɔ lé ngáá mú ndí ngu ma mú gítomai sí Ngala ngí fénga mu yɛ a máálaa gíkula su.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

NJƆÚ HESENDAA GƆLƆÍ 3:24

Ná mu gólongɔ áá ɣɛ́ la Ngalángi hávaitiini mbu kɛ mu báhangɔɔ lé Ngalá mba Ngalá bɛ́lɛ nɔ kpahangɔ́ mú wa. Sí vá a maa ɣɛ́ kɔ́lɔ mba ngáá kɛ mu báhangɔɔ lé Ngála mba aá wáa ngáá Hɛ́ɛ́ma Ỹínangi í kɛ́ngɔ ngáá háwu í mú volú.

NJƆÚ HESENDAA GƆLƆÍ 4:12

Nápa nuu áá nɛ́ɛ́ Ngalá tɔ́ni kɛ́ ná a maa ló ngáá ỹɔw̃ɔ́ ỹɔ́w̃ɔ kɛ ná ná áá ɣɛ́, kɛ Ngala tɔ mu volu aáva kɛ ngi lóngi aa gɛɛlɛngɔ́ péle h̃u.

NJƆÚ HESENDAA GƆLƆÍ 4:16

Niỹa gíte vá ní ndóngi sí wɔ́lɔ í Ngála ngéya mu haáw̃a aáva ni langɔ́ɔ́ lé la. Ngalá tɔ ngáá ndo mɔ́ɔ́. Nuí fíli pá ndo ngáá ɣɛ́ ndií h̃u kɛ maa w̃ɔ́i báhangɔɔ lé Ngalá mba Ngalá bɛ́lɛ nɔ kpahangɔ́ maa w̃ɔ́i wa.