FÉLEPA 1:8 - Kɛ́lɛ Niinaí

⁸ Ngalá ngi kɔlɔ́ ngáá kɛ kíya búte wú w̃ɔ́ni áá sóu ɛ́ɣɛ kíya ndóngɔ ngáá wú ye kɛ kíya nɔ́ɔ Jísu Kílisitii lóngɔ ngáá wú ye.

FÉLEPA 1:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:78

bɔw̃álale Ngalá ndií h̃ú laahéngɔɔ lé ngáá ngi ló ngááh̃u w̃aaw̃aanúi. Faalɔ, ngumaawóngi aa va mu w̃ááh̃u aa gula ngelegóóh̃u kíya nɔ́ɔ foló hólongi í na.

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

LÓÓMI 9:1

Nyá lɔ́ ngáá Kílisitii volú w̃ɔ́ɔ́ aáva Hɛ́ɛ́ma Ỹínangi lɔ ngáá hééle kɔwɔ́ato sí wá í ndíí h̃u, faalɔ, ngáá ndɛɛ gɔ́ɔ́lama kɛ́ tɔɔỹaá wóó lɔ ngíwaa nde.

KƆ́L̃E GƆ́LƆI HELE KÉLEI 13:9

Ní góóh̃unɛɛngɔ aa ɣɛ lá ná ni h̃úúbangɔ ɛ́i ɣɛ́ la kɛ́ wáá va wú h̃úúbangɔ, faalɔ, niỹá lɔ́ɔ Ngala fɛ́li kɛinɔɔ́ faa fíli álaa ɣɛ́ wú wa Ngala fɛ́lindai h̃u.

KƆ́L̃E GƆ́LƆI HELE KÉLEI 6:12

Nápa naá nɛ́ɛ́ baní gɔ́lɔ sú ni lóngi yákɛ fááw̃a ngáá wú ye, kɛ́ wá lɔ́ wáá bá gɔ́lɔ sú wú lóngi yákɛ fááw̃a ngáá ni ye.

KƆ́L̃E GƆ́LƆI HELE KÉLEI 7:15

Táitɔ gi ngí lóngɔ su kɛ kíya wú wú nganjéini mbɛ ɛ́ɣɛ wú ngúfema héni mbɛ ná vólu, mɔ́ɔ kɛ kíya wú kpɛ́lɛɛ wú ɣɛ́ kíli batɛngɔ́ í ɣɛ́i lá goló fááw̃a ngi gálambongaitii mbu. Faalɔ, ngi lóngi wú hááw̃a suu lɔ ɣɛ́ nɔ́ɔ́ wɔ́ɔ́lɔ kélei.

GALÉSIYA 1:20

Sí ngíwaa ndé wú w̃á, aá lɔ ngáá tɔɔỹáa. Aáva Ngalá kíte í suuwɔlɔ́ ngáá ndɛɛ láá le ngɔ́ɔ́ ɣɛ́ ngáá kɔɔlá.

GALÉSIYA 3:26

Ndangí w̃áá véle w̃a wú kpɛ́lɛɛ wú su ngáá Jísu Kílisitii, i wú báhaa Jísu wa aáva i kɛ́a wú kpɛ́lɛɛ wú ɣɛ ngáá Ngala ndéngaa.

GALÉSIYA 4:19

Wɛ́i wú ngáá ndíívo ndéngaa ɣɛ kíli Ngala fɛ́lindai h̃u, ndíí lɔ́ɔ́ hóólɛ wú hááw̃a kíya nɔ́ɔ nyah̃ái áá ɣɛ́ ndoú lé kóóh̃ubaalɛi h̃u. Aáva ndíí ɛ́i la í ló su kɛ Kílisitii luva veléi í ɣɛ́ wú h̃u.

FÉLEPA 2:1

Faalɔ, ná nduwú h̃u fíli áá ɣɛ́ lɛ́a ngáá wú ye wú báha gilíi w̃a Kílisitii wa, ɔɔ ná wɔ́lii wáá ɣɛ́ ndiiyapɔpɔ́ fíli mááhɔlɔnga áá gúla ngi lóngi h̃u, ɔɔ ná wɔ́lii mbala lopo laa fíli áá ɣɛ́ wú lówah̃u wáá Hɛ́ɛ́ma Ỹínangi, ɔɔ ná kɛ́ɛ́hɔ pánda fíli taá ngaah̃u w̃aaw̃aanú áá ɣɛ́ wú yáá ỹɔ́w̃ɔ ỹɔw̃ɔ́ hááw̃a,

FÉLEPA 2:26

Nyá lɔ́ɔ tɔve sífaa wú w̃ɔ́l̃i lɔ́ɔ́ sou búte, ná vólu, kɛngɔ́ɔ́ lé wú nga wúúlee ngwala ngáá sí wú mɛ́ningɔ ngáá seebɛngɔ́ i ɣɛngɔ lá.

FÉLEPA 4:1

Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

KƆLƆ́SE 2:1

Ndóngɔɔ lé wú ɣɛ́ kɔ́lɔ ngáá kíya ngíwaa yénge ngwala wú yɛ ɛ́ɣɛ Ngalángi vóngaa vekaítii tí taí sí h̃u taá náá lolí ngáá Leyodésiya ɛ́ɣɛ sítii kéle tɔ taá kɔ́lɔ téɣele.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

TƐSALÓNIKA HESENDAA GƆLƆÍ 2:5

Wú súuwɔlɔ aáva Ngala bɛ́lɛ i suuwɔlɔ́ ngáá naá váángɔ nɔ́ɔ wú yéle ngáá njɛpɛ nɛɛ́ nɛ́ɛ́ ɛ́ɣɛ ŋani w̃áálii láá le ɔ́ɔ́ ɣɛ́ ní góó ya nɔɔ́ ɣɛ́a maa bátɛ batɛ́ njɛ́pɛ vu.

TƐSALÓNIKA HESENDAA GƆLƆÍ 2:8

Ndo ngwálai ní su ngáá wú ye i kɛngɔ́ ngáa háwu ní Ngalángi gééla wóo vandaí lé wú w̃a. Kɛ́ aáva aa gɛɛlɛní nɔ́ɔ ná wa, aá ɣéle p̃ɛ́ɛ́ nɔ́ɔ́ bɔwɔ́ gúla kɛlɛ́ma wú hááw̃a ná vá ɔ́ɔ́ ni liilá sífaa, ni longɔ́ɔ́ lé ngáá wú ye ngwála.

TÍMOTI GƆ́LƆI HELE KÉLEI 1:4

Ná ngáá gísiya ngáá kíya yí ɣɛ́i yáá wɔ́lɔ, aa kɛ ngáá háwu í w̃ɔ́ni í sóu ngwala ngáá ngi í lɔ. Ná ngáá í lɔ, ná lɔ áá kóóh̃unɛɛ.

FELÉMO 1:12

Felémo, ndóngɔɔ lé ngáá Onɛsímɔ ngwala, kɛ́ ná fíli su, nyá lɔɔ́ tɔvé náá volú í yéle.

FELÉMO 1:20

Faale, mu mbálai, í véle háále kái faa bɔ́wɔi sí ɣɛ́ mbɛ́ Ndemɔí Jísu haalái h̃u. Kíya mu báhangɔ su Kílisitii wa, yí kɛ ngáá háwu kóóh̃u í nɛ́ɛ́.

NJƆÚ HESENDAA GƆLƆÍ 3:17

Ná nuu áá ɣɛ́ na toko i mbɛ́ aáva í ngí mbála Yalá fɛli mɔ́i lɔ i kpeɣé sú, kɛ́ í yaah̃ú w̃ááleve ngáá ngi mbála Yalá fɛli mɔ́i ná, kɛ aa ɣelé ndé náá ngáá Ngalángi lóngi lɔ́ ndií h̃u?