FÉLEPA 1:7 - Kɛ́lɛ Niinaí

⁷ Ngí bɔ́ɔ́ ɣɛ sou sú ɔɔ ngálaa ɣɛ́ sou sú, aá lɔ pele w̃a ngáá kóóh̃unɛɛngɔ í ɣɛ́ la kɔwɔ́ato wú wá. Sífaa nyá lɔ́ɔ Ngalángi gééla woo vandaí w̃ááɣawo aáva ngáá ngakɛ́ ngáá nungáitii ngáá kɛ tɔɔỹaá le. Laáva wú kpɛ́lɛɛ pá wá lɔ́ ngáá ndíívo mbélaa ngengengí sí h̃u Ngalá ngí fénga ngéya kpɔwɔ́ lúw̃ama h̃u.

FÉLEPA 1:7 Iomraidhean Croise

TI GƐ́Ɛ́ HAÍTII 20:23

Ngí kɔ́lɔ nɔ́ɔ léi ngáá kɛ taa fíli su ngáá lí na, Hɛ́ɛ́ma Ỹínangi aa kísitɛ na ngáá kɛ pelésinalai, ɛ́ɣɛ faa bámaitii tiyá lɔɔ máále.

TI GƐ́Ɛ́ HAÍTII 21:33

Maa hóya nuu walaí ná i vaaní náa, í Pɔ́ɔ hóu, í nde ngáá tí píli njɔlɔwɔ félengɔ ya. Kɛ i mɔɔni mbónga, i ɣɛ ta, “Ele wáá ngáá siỹɛndópoi sí? Ndeé lɔ í kɛ́ngɔ?”

KƆ́L̃E HESENDAA GƆLƆÍ 13:7

Ndongí aa nuu líílɔlɔ faa kpɛ́lɛɛ sú, í kɛ nda ngí ɣɛ́ maa w̃ɔ́ɔ́ h̃u, í kɛ kitómai kpɛ́lɛɛ í ɣɛ́ ngáá Ngala ɛ́ɣɛ maa w̃ɔ́i liibángɔ aa ɣɛ la ɛ́ɣɛ mɔ́ɔ maa w̃ɔ́i aa ndi nɔ́ɔ ngu ma fɔ́ ngáá maa hái.

KƆ́L̃E HESENDAA GƆLƆÍ 9:23

Ngáá sí kpɛ́lɛɛ kɛ́ Ngalángi gééla woo vandaí hááw̃a nɔ́ɔ kɛinɔɔ́ ngí maa gúlasuunumai tá w̃ááhɔlɔ í pólu.

KƆ́L̃E GƆ́LƆI HELE KÉLEI 3:2

Wá gíte lɔ wú gúlangɔi ngáá ni gɔ́lɔ vɔnɛngɔ́i ni líítii su, wáá kɛ nungáá táa ɣɛ́ faa wɔ́lɔ kɔwɔ́ato ni wa.

KƆ́L̃E GƆ́LƆI HELE KÉLEI 7:3

Ngáá sí lé ma ngáá ngí wú h̃úúh̃andɛ, kɛ́ kɛ kíya nɔ́ɔ ngí ndéi hése ngáá ni longɔ́ɔ́ lé ngáá wú ye ngwala ngáá i ɣɛi ngáá ndɛɛh̃ú ɔɔ saí ta fíli ɛi mu lówah̃u kɔ́lɛ.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 3:1

Náá hááw̃a, nyɛ́i ngí ngáá Pɔ́ɔ, nyá lɔ́ Ngala fɛ́li wú hááw̃a nyɛ́i ngí ngáá pelésina bɔw̃álale nyáá lɔ́ɔ yénge Jísu Kílisitii yɛ wú hááw̃a wɛ́i wáá ngáá Júsua.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 6:20

Ngala ngí tɔ́vengɔ ngáá ngí ɣɛ́ ngáá Jísu Kílisitii yaah̃ú keela woó vándai sí lé fái w̃a kíya bɛ́lɛ háá ngí ngáá pelésina. A Ngala fɛ́li ngáá nduwá álaa ɣɛ́ sú ná ngáá ɣɛ́a yɛ́pɛ kɔwɔ́ato keela woó vándai wa kíya kule í má ngí kɛ.

FÉLEPA 1:12

Mu mbála Yalá fɛ́li mbélaitii, ndóngɔɔ lé wú ɣɛ́ kɔlɔ́ ngáá kɛ fái sítii ti híyangɔ ngáá ngé tiyá gíte lɔ tí kɛ́ngɔ ngáá háwu Ngalángi gééla woo vandaí lendáá yéngengi i híyanga su hááli hááli.

FÉLEPA 1:13

Náá hááw̃a, masa pɛ́lɛ wálai w̃aah̃ú belé mbélaitii kínɛi ɛ́ɣɛ nungáá vékaitii kpɛ́lɛɛ ti mbéinda tí kɔ́lɔ ngáá kɛ nyá lɔ sou sú bɔw̃álale nyá lɔ ngáá Kílisitii yénge mɔɔ.

FÉLEPA 1:14

Laáva sóu fái sí i kɛngá ngáá háwu Ngala fɛ́li mbélaa bih̃íw̃aa tí lá ngáá Ndemɔí Jísu Kílisitii ngwala. Faalɔ, nduwúh̃u í lɛa ngáá ti ye aáva nduwá áá ti h̃u Ngala ngóó le fááw̃a.

FÉLEPA 2:22

Tímoti i kɛngá wú ngátɔ mba ngáá kpeɣéngɔ gíte le ngáá Ngalángi yéngengi, bɔw̃álale naá laa ni yéngenga su yíla kíya ndoúni ngaa kɛɛɣɛ́ taa yénge ngáá kɛinɔɔ́ Ngalángi gééla woí í lɔ́ve naa wutúwɔ.

FÉLEPA 4:14

Ná fíli sú, wú faa vánda ɣɛngɔ́ ngáá wú bɔ́ngɔ mbá ní háá bɔlundaítii su.

FÉLEPA 4:15

Wɛ́i wú ngáá Ngala fɛ́lɛ mbélai wú Félepa taa h̃u, wú kɔ́lɔ kpál̃au ngáá ná ngí tɔ́kula heini ngáá Ngala ngóó vandái léndai, ngí gúlani Mɛsedóniya lataí h̃uu wá, Ngala fɛ́li mbélaa veka fíli taá toko bɔ́mba héi mbɛ́ kɛ léi wá. Maa wúyeni tɔ nɔ́ɔ mú híyani ní haa bɔlúndai h̃u mú maa gúlasuunumai w̃ááhɔlɔ.

FÉLEPA 4:3

Ní mbála yengé mɔ́i yɛ́i tókolangɔi í w̃á ngwala ngáá yí bɔ́ mbá, bɔ́ nyah̃ái sítii mba ti woo í ɣɛ́ su yíla. Tiyá lɔ ti bɔ́ngɔ ni wa ngengengí h̃u Ngala ngói hááw̃a naa Kílɛmɛ ɛ́ɣɛ ní mbála yengé mbélaa vekaítii kpɛ́lɛɛ. Nungái sítii ti bɔ́ngɔ mbá ti laahéingai pɔnɛngɔ́ɔ́ lé kúnafɔ lɛ́ɛ́h̃u gɔ́lɔi h̃u.

KƆLƆ́SE 4:18

Sí nyá gíte ngáá pɔ́nɛ ngáá bɔwɔ́ lóko aá wáa ngáá sí, nyɛ́i ngí ngáá Pɔ́ɔ, ngí há wú w̃a. A waa lééw̃a ngáá kɛ nyá lɔ kpindi vɛ́lɛ wu! Bɛlɛ́ Ngalángi háá bɔwɔí í ɣɛ́ wú yɛ.

KƆLƆ́SE 4:3

A waayaa Ngala fɛ́li ni haáw̃a niỹá bɛ́lɛ kɛinɔɔ́ Ngalá ngí naa gúla kɛlɛ́ma ni yɛ naa ɣɛ́a ngi gééla woí lé kɔwɔ́ato Kílisitii wa. Ná wáá ngáá, keela wói sí í ɣɛ́ngɔ ndɔɔwu h̃u. Aáva nyá lɔ́ kpindí vɛ́lɛ wu keela wói sí lé fái w̃a.

TƐSALÓNIKA HESENDAA GƆLƆÍ 5:5

Kɛ́ wá lɔ́ ngáá nungáá wu kala kala ma, ná wáá ngáá, wú lúva veléi yakɛngɔ́ɔ́ lé kpál̃au. Maa ngáá sítii kɛ kíli taa Ngala kɔ́lɔ ti ngáá kpindi bindí súú háá ɣɛ mbélaa.

TÍMOTI GƆ́LƆI HELE KÉLEI 1:8

Ná hááw̃a, yálaa wúfe ngáá yɛpɛndáá kɔwɔ́ato a mu Lemɔ́i Jísu Kílisitii wa, kɛlaa yɔ́ɔ wúfe ngáá ní hái sífaa ngí kpíndi vɛlɛ́ wu bɔw̃álale nyá lɔ ngáá Kílisitii yénge mɔɔ. Kɛ́ laá ɣéle, í w̃ááhei wóngɔ í ɣɛ́ la yá bɛ́lɛ í nda w̃áánɔw̃ɔi yeɣé fááw̃a kɔwɔ́ato keela woó vándai lé fááw̃a aáva Ngalá ngáá i h̃úúba ngáá yí híya su.

TÍMOTI GƆ́LƆI HELE KÉLEI 2:9

Keela wóo vándai sí ngáá nde, aa lɔ́ í kɛa máá áá nɔ́w̃ɔ, ngi njɔlɔwɔ ya kpindi vɛlɛ́i wu kíya nɔ́ɔ faa ỹɔ́u ɣɛ́ mɔ́ɔ wala. Kɛ́ Ngalá ngói aa njɔlɔwɔ yá kpindi vɛlɛ wu.

FELÉMO 1:13

Ngí ɣɛ́ngɔ loí í ló ndóów̃a mbéinda ngáá ááyaa bɔmbá í vótoma ná ngi pélesinalai sí h̃u Ngalángi gééla woo lé fái w̃a.

HÍBULU 3:1

Faalɔ, wɛ́i wú ngáá mu mbála Yalá fɛ́li mbélai, wɛ́i wá bɛ́lɛ Ngala ngí wú lólinga ngáá wú vá ngelé, a wóliɣɛ Jísu w̃a. Ná wáá ngáá Jísu lɛ́i Ngala ngí tɔ́vengɔ, í ngáá Ngala sááɣa gula mɔ́ɔ walaí Ngalá fɛ́lindai sí w̃áá véle w̃a a mu langɔ́ la.

PÍTƐ HESENDAA GƆLƆÍ 4:13

Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

PÍTƐ GƆ́LƆI HELE KÉLEI 1:13

Aá lɔ́ kí ma ngáá aá lɔ́ pele w̃a ngáá ngí ɣɛ́ ngáá wú gísitɛ nɔ́ɔ na fɔ́ ná nɔ́ɔ kái ngí ndɛɛh̃úi sí h̃ú nɔ́ɔ nɛ́nɛ,

NJƆÚ HESENDAA GƆLƆÍ 3:14

A mú suuwɔlɔ́ ngáá a maá mɔ́ɔ ngáá nuu háángɔ ɣɛ́ kíli Ngalá kákala, kɛ́ a muỹá lɔ́ náa ndɛ́ɛ́h̃u gítei h̃u. Ná yakɛ́ngɔɔ lé kpál̃au ngáá mú ye bɔw̃álale a mu longɔ́ɔ́ lé ngáá mu mbála Yalá fɛ́li mbélaitii. Nuí fíli ndo ngɛ́i ɣɛ́ su, kɛ maa w̃ɔ́i gúlangɔɔ lé nɛ́nɛ ngáá nuu háángɔ ɣɛ́ kíli.