FÉLEPA 1:6 - Kɛ́lɛ Niinaí

⁶ Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 1:6 Iomraidhean Croise

NJƆÚ 6:29

Jísu i ti woo yápoteni, i ɣɛ ti w̃a, “Sí Ngalá ndongɔ́ wú kɛ aá wáá ngáá, wú lá ngáá nuí sí í tɔvengá.”

TI GƐ́Ɛ́ HAÍTII 11:18

Ná ti sí ỹɛ́nini, faa véka fíli aa mɔɔ ɣɛi ti la tɔɔ́ nde. Kɛ́ ti ɣɛ́i nɔ́ɔ taá Ngalá ndaaw̃áálɛ, táá ɣɛ́ ta, “Ngalá ngí kɛngá ngáá háwu sítii taa ngáá Júsua bɛ́lɛ táa volú yáfe faa ỹɔ́i wa, táa ndɛɛh̃u níína w̃aahɔ́lɔ sí í ngáá kúnafɔ lɛ́ɛ́h̃ui.”

TI GƐ́Ɛ́ HAÍTII 16:14

Nyah̃ái nátii su ti ɣɛ́i taá wolílo, nyah̃ápo yiláá i ɣɛí na taa ɣɛ́ ma Lédiya. Laáva nyah̃ápoi sí i ɣɛi ngáá kula biỹa maa híya mɔ́ɔ. I gulaní taa walái ná h̃u taa tolí ngáá Tayatálɔ. Aáva i ɣɛi laní ngáá Ngala. Ndemɔí Ngalá i ki mái laawóni kɛinɔɔ́ í wolílo keela woí sí w̃a Pɔ́ɔ í ɣɛ́i áá nde.

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

KƆ́L̃E GƆ́LƆI HELE KÉLEI 1:15

Ngí ɣɛ́ngɔ laí ngáá sí kpɛ́lɛɛ, faalɔ, ngí kpatɛní hése gi má ngáá ngí wú héi heí kɛinɔɔ́ wú kulasuunúma félengɔ w̃ááhɔlɔ.

KƆ́L̃E GƆ́LƆI HELE KÉLEI 2:3

Ná lɔ́ í kɛ́ngɔ ngí kɔlɔí ná vɔ́nɛngɔ wú yéle. Ngáá loí ngɔ́ɔ́ vá wú yéle wɛ́i kule í wú w̃a wú kóóh̃unɛɛ, wɔ́ɔ́ liiỹááni. Laáva ndángɔɔ lé lá ngáá ná kóóh̃u áá nɛ́ɛ́ aa wú kpɛ́lɛɛ kóóh̃unɛɛ wá bɛ́lɛ nɔ́.

KƆ́L̃E GƆ́LƆI HELE KÉLEI 7:16

Kóóh̃unɛɛngɔ wálaa le kɛ kíya suu í na ngáá ngáá lókola wú w̃a ngwála.

KƆ́L̃E GƆ́LƆI HELE KÉLEI 9:4

Ná láá lé, ná náa ɣɛ́ vaaní naá Ngala fɛ́li mbélaa lɛingáá ti gúlangɔ Mɛsedóniya lataí h̃u, ngáá loí maa hái ɔ́ɔ́ gúla ngáá kɛ wú w̃ááhei wóngɔ láá lé wú lóko bɔmbaítii fe fááw̃a. Ná ná áá ɣɛ́, ngáá wúfe ngáá ndangí sí hááw̃a ngí mbóngɔ ngáá wú ye, kɛlaa p̃ɛ́ɛ́ wú ndá wúfengi suu áá ɣɛ́ wɔɔlɔ.

GALÉSIYA 5:10

Kɛ́ ndángɔɔ lé ngáá wú ye nɛ́nɛ. A mu báha gilíí wa Ndemɔí Jísu wa, ndángɔɔ lé lá ngáá kɛ wɛ́i kisiyá véka wo. Aáva nuí sí fíli áá wú yákpolowa, i ɣelé ɣɛ́i naa fíli Ngalá ngáá faa bá ndá ma.

Ɛ́FƐSƆ 4:12

I sí ɣɛ́ni kɛinɔɔ́ í sítii kɛ kíli batɛ́ tí ngáá Ngalángi vóngaitii ngi yéngengi hááw̃a ngáá Ngala fɛ́li mbélaitii tí h̃úú í bá Ngala fái h̃u,

FÉLEPA 1:10

Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

FÉLEPA 2:12

Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

FÉLEPA 2:13

Sífaa Ngalá tɔ áa yénge ngáá wú ye, áá kɛ ngáá háwu áá ɣɛ́ ngáá wú líívo fáá ngáá wáa sítii kɛ áá nɛ́ɛ́ mbɛ.

FÉLEPA 2:16

ngáá Ngalángi gééla woo vandaí lendáá nungáitii ma, keela woí sí áá kɛ́ ngáá háwu nuu áá ndɛɛh̃u gítei w̃ááhɔlɔ. A ndi ngu ma ngáá ná ɣɛ́ndaa kɛinɔɔ́ ngí maayónga tevé folói ná w̃á Kílisitii íwaa vá vaamá ma ngáá kɛ mɔ́l̃ɛi sí ngí mbóngɔ aa ngáá mɔ́l̃ɛ gbááma.

KƆLƆ́SE 2:12

Ná tí ngúyai wóni ngáá wú ye, i ɣɛi nɔ́ɔ kíya taa ɣɛ́ wú bɔ́luni kíya nɔ́ɔ jɔ́ tí Kílisitii bɔ́luni aáva ná tí wú gúlani nguya wo njɛ́i wú, í ɣɛi nɔ́ɔ́ jɔ́ kíya Ngala ngáá ɣɛ́ wú wúyoɣenga saí h̃u kíya í Kílisitii wúyoɣeni sái h̃u. Ná vá tɔ h̃íí ná sífaa wú lángɔɔ lé ngáá ngakpángi í Ngala ngéya í Kílisitii wúyoɣeni lá sái h̃u.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA GƆ́LƆI HELE KÉLEI 1:11

Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

TƐSALÓNIKA GƆ́LƆI HELE KÉLEI 3:4

Mu Lemɔ́i Jísu i kɛ́a ngáá háwu ni langɔ́ɔ́ lé lá ngáá wá lɔɔ sítii kɛ ní ndéngɔ wú w̃a ngáá wú ɣɛ́ wáá tí ɣɛ́ aáva wá lɔɔ́ ndí ngu ma ngáá ti ɣɛndáá.

FELÉMO 1:21

Ngí súúwɔlɔ kpál̃au ngáá ná ngáá í w̃ɔ́ɔ́ni faa fíli fááw̃a kɔlɔí sí h̃u ngíwaa pɔ́nɛ í yéle, yáá kɛ́ bɛ́lɛ í lɔ́ve ma.

HÍBULU 10:35

Náá hááw̃a, wú lííbangɔ i ɣɛ nɔ́ɔ́ la bɔw̃álale, wú w̃ááỹangi wáá vá maahɔ́lɔma i wɔɔlɔ ngwala.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 3:10

Kɛ́ aáva paa holói ná váálai gúlangɔɔ lé ngáá kíya ŋuỹá w̃ɔ́i í na nuu ɣɛ́i ɣɛ́ paa l̃áingi wɔ́lɔ ŋuỹá womái. Aáva ngeleí áá ỹɛɛl̃ɛ́ vóma woo wála h̃u, ngeleya kɔ́lingaitii pa taá w̃ɔ, ti ɣɛ kíli í ỹááni. Ndɔwɔlɔ́i sí vá ɛ́ɣɛ sí kpɛ́lɛɛ í su taá ỹaaní, tɛí mɔ́ɔ ɣɛ́ na.