FÉLEPA 1:4 - Kɛ́lɛ Niinaí

^4-5 Laáva, kíya fíli ngáá Ngala fɛ́li wú kpɛ́lɛɛ mbɛ́, ngáá fɛli ngáá kooh̃unɛɛ kɔwɔ́ato wú bɔ́ kílii wa mbá ngengengí sí h̃u Ngalángi gééla woo vandaí hááw̃a, í séi hésendaa holoí w̃a wú Ngalángi gééla woo vandaí w̃áahɔlɔni, í ló su í foló sí h̃úi w̃á.

FÉLEPA 1:4 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:5

Foló p̃ɛ́ɛ́ kpindí p̃ɛ́ɛ́, i ɣɛi nɔ́ɔ kambáhangi h̃u ɛ́ɣɛ ngihéitii su íwaa woo gúla, íwaa bɔ́wɔ w̃al̃a w̃ál̃a ngáá kɔtuítii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:10

Jísu í mɔ́ɔ ɣɛ ti w̃a, “Ngí nde wú w̃á, ngimɔ́ɔ́ nɔ́ɔ jɔ́ í ná ngelegóóh̃u. Kooh̃unɛɛ wála aa ɣɛ Ngalángi w̃álekaitii ndiiwáá ná faa ỹɔ́u w̃ɔ́ɔ yiláá kéle tɔ áá volú yáfe ngi háá ỹɔítii mba.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:7

Jísu í mɔ́ɔ́ ɣɛ ti w̃a, “Ngí nde wú w̃á, ngimɔ́ɔ́ nɔ́ɔ kooh̃unɛɛ wála áá ɣɛ́ ngelegóóh̃u faa ỹɔ́u w̃ɔ́ɔ yiláá fááw̃a áá vólu yafé ngi háá ỹɔí wa, í lɔ́ve kooh̃unɛɛ́i sí wa áá wó ná nuu vúu táávungɔ maah̃úú táávungɔ vekaí nátii faaw̃a táá ɣɛ́ ngáá telembo mbélaa kule ɛ́i ɣɛ́ tí w̃a tɔɔ́ vólu yáfe faa ỹɔ́u wa.”

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

FÉLEPA 2:2

kɛ a ní góóh̃unɛi wú kúla ngáá sí wú ɣɛ́ kíli áá ɣɛ́ yíla wú gísiyai h̃u. Ná wáá ngáá, wú ló ngáá ỹɔw̃ɔ́ ỹɔ́w̃ɔ. Wú gísiyai í ɣɛ́ yíla háwu yiláá fááw̃a.

FÉLEPA 3:18

Ngí ndengá wú w̃á ká ká aáva nyá lɔ́ɔ múl̃ɔ nde wú w̃a ndiiỹaaní wála h̃u ngáá nuu bíh̃iw̃aa lɔ na ti ngáá Kílisitii waa hílima yélaa. Ti lúva veléi aa kula ngáá kɛ faa ỹááka waa ngáá Kílisitii háálai kulɔ́sii w̃a.

FÉLEPA 4:1

Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

KƆLƆ́SE 2:5

Kíya bɛ́lɛ a maá ỹándaa yílaa a maa wúyeni, ngáá gísiya ngáá wú ye táingi fíli má. Kóóh̃unɛɛngɔɔ lé wú hááw̃a ngáá wú báhaa kílii su kpáŋ ngáá nuu fíli ɛ́i hómbo ɔ́ɔ́ wú lííka vóma ndangí h̃u wú sú ngáá Kílisitii.

TƐSALÓNIKA HESENDAA GƆLƆÍ 1:2

Niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú kpɛ́lɛɛ fááw̃a, ná vólu, kíya fíli naa ɣɛ́ náa Ngala fɛ́li, naá Ngala fɛ́li wú hááw̃a wá bɛ́lɛ.

FELÉMO 1:7

Mu mbálai, ndongí í í h̃u i kɛ́a ngáá háwu kooh̃unɛ́ɛ́ wála i ɣɛ́a mbɛ́ aáva í mɔ́ɔ́ nduwúh̃ulɛ ngáá ngé ngwala. Yí kɛ́a ngáá háwu Ngalángi vóngaitii kpɛ́lɛɛ ti góóh̃u í nɛ́ɛ́ ngwala.

NJƆÚ GƆ́LƆI HELE KÉLEI 1:4

Kóóh̃u í nɛɛní ngwála ná ngí ɣɛ́i faa wɔ́lɔ mba ngáá wú léngaitii ti lɛ́ingaa tiyá lɔ́ɔ híya ngáá Ngalá tɔ́ɔ́ỹaa veleí kíya nɔ́ɔ́ mu Kɛ́ɛ́ɣɛ Ngalá í ndéngɔ mu w̃a ngáá mu ɣɛ́ máa kɛ.