FÉLEPA 1:30 - Kɛ́lɛ Niinaí

³⁰ A maa wúyeni ndapi híí yiláángi lɔ a máá kɔ. Ndapií sí wú tɔ́i ngíwaa kɔ wɔ́lɔ. Laáva ndapií sí lɔ nɔ́ɔ nɛ́nɛ ngáá kɔ kɛ kíya wáá mɛni.

FÉLEPA 1:30 Iomraidhean Croise

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

FÉLEPA 1:13

Náá hááw̃a, masa pɛ́lɛ wálai w̃aah̃ú belé mbélaitii kínɛi ɛ́ɣɛ nungáá vékaitii kpɛ́lɛɛ ti mbéinda tí kɔ́lɔ ngáá kɛ nyá lɔ sou sú bɔw̃álale nyá lɔ ngáá Kílisitii yénge mɔɔ.

KƆLƆ́SE 1:29

Ná lɔ́ í kɛ́a ngáá yénge buté ngwala ngáá ngakpángi Kílisitii áá fé ngeyá ngengengí sí wo fááw̃a.

KƆLƆ́SE 2:1

Ndóngɔɔ lé wú ɣɛ́ kɔ́lɔ ngáá kíya ngíwaa yénge ngwala wú yɛ ɛ́ɣɛ Ngalángi vóngaa vekaítii tí taí sí h̃u taá náá lolí ngáá Leyodésiya ɛ́ɣɛ sítii kéle tɔ taá kɔ́lɔ téɣele.

TƐSALÓNIKA HESENDAA GƆLƆÍ 2:2

Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.

TÍMOTI HESENDAA GƆLƆÍ 6:12

Hómbo yí Ngala fɛ́li fái ɣɛ ngáá hɛ́mbɛ kíya nɔ́ɔ nuu áá ɣɛ́ maaɣaalí víliỹɛi h̃u kɛinɔɔ́ yí kúnafɔ lɛ́ɛ́h̃ui w̃aahɔ́lɔ bɔwɔ́ hááw̃a. Sífaa, kúnafɔ lɛ́ɛ́h̃ui sí lɔ́ Ngalá ngí í lólingɔ fááw̃a ná h̃u yí kúlai la yí ndé ngáá yí laa ngáá Jísu Kílisitii nuu bíh̃iw̃aa yaah̃ú w̃a.

TÍMOTI GƆ́LƆI HELE KÉLEI 4:7

Ngí hómboa ngí maaɣaalí víliỹɛi sí wo ngáá hɛmbɛ́i kpɛ́lɛɛ ngí fólo lá ngukúlamai aáva ngáá vólu yaféngɔ Ngala tɔ́ɔ́ỹaa galambongí wa.

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

HÍBULU 12:4

Faa bɔ́lundai wáá híya su, ná wáá ngáá, fáá ỹɔ́i ngeleí sí wúú yélai taa ɣɛ́ taa ndá wú w̃á wáá nɛ́ɛ́ loí lápima nga wɔ́ɔ́ fólo saa lowá la.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.