FÉLEPA 1:27 - Kɛ́lɛ Niinaí

²⁷ Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 1:27 Iomraidhean Croise

MÁFIYU 12:25

Kɛ́ Jísu i ɣɛi kɔlɔ́ sí ti ɣɛ́i taá gisíya lá, faalɔ, i ɣɛi ti w̃a, “Ndɔwɔlɔ́i fíli áá bɔwɔ́ yakɔ́lɛ su ngáá kuuwu kuuwú, táá lápi ngáá ỹɔw̃ɔ́ ỹɔ́w̃ɔ, maa lɔ́wɔlɔi ɛi lɛmbí suu ɔ́ɔ́ ɣɛ́ gooh̃á. Ná vólu, taí fíli ɔɔ pɛlɛ́ fíli maa núngai taá bɔwɔ́ yakɔ́lɛ su ngáá kuuwu kuuwú, táá lápi ngáá ỹɔw̃ɔ́ ỹɔ́w̃ɔ, maa núngaitii ti háá ya ngáá wála mba.

TI GƐ́Ɛ́ HAÍTII 2:46

Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u.

TI GƐ́Ɛ́ HAÍTII 24:24

Ná kuu félengɔ í gúlani su, Masangí Fílesini ngaa ngi ỹáh̃ai Dulusélɔ lɛ́i í ɣɛ́i ngáá Júsu w̃ɔɔ tí vááni, Masangí Fílesi i keela lɔ́veni Pɔ́ɔ vomá ná í va. Aáva ná í vááni, Masangí i wolíloni ma ná Pɔ́ɔ í yɛ́pɛni kɔwɔ́ato ndangí wá i ɣɛ́i su ngáá Jísu Kílisitii.

TI GƐ́Ɛ́ HAÍTII 4:32

Sítii kínɛi tí langɔ́ í ɣɛ́i la ngáá Jísu ti lií i ɣɛ́i yíla, ti gi mái i yíla. Nuu fíli aa kulái ngáá kɛ sɔlɔ wɔlíngai ti ɣɛ́i ngáá ngu maa ɣéle, kɛ́ ti kpɛ́lɛɛ ti yaá wɔ́lingai ti ɣɛ́i nɔ́ɔ su yíla kpé.

LÓÓMI 1:16

Ngáá wúfema ngáá Ngalángi gééla woo vandaí bɔw̃álale, aá lɔ í ngáá Ngalángi yákpangi ngumaawóngi hááw̃a nuu fíli fááw̃a áá lá la. Maifɔ́lɔ mbélaitii í ɣɛ́ngɔ ná ti haáw̃a tiyá wáá ngáá Júsuaitii, náa vólu yélaitii mbaa ngáá sítii taa ngáá Júsua.

LÓÓMI 1:5

Jísu w̃áa véle w̃a, Ngalá ngí naa gúlaa kɛ́lɛma mbɛ́ ngáá ngí ɣɛ́ ngáá ngi gééla Jísu Kílisitii hááw̃a ngáá kɛinɔɔ́ nungáá ti gúla híítii sú bɛ́kpɛ ti lá ngáá Ngalá, ti gólo mbɛ́.

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

LÓÓMI 10:8

Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáa ngáá sí, “Ngalángi gééla woí i fóloa í w̃a, aa lɔ́ í gí ma aáva yáá hómbo yí nde.” Ná wáa ngáá kalambongí kɔwɔ́ato ndangí wa níwaa mbó ngáá wú yé.

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

LÓÓMI 15:29

Ngí súúwɔlɔ ngáá ná ngáá vá wú yéle Kílisitii nɛ́ɛ́mai áá yéi wú w̃a, ngwala yambɔ́ɔ́lɔngɔ aa ɣɛ la.

KƆ́L̃E HESENDAA GƆLƆÍ 1:10

Mu mbála Yalá fɛ́li mbélai, nyáá ngáá wú w̃áánɛɛnɛ a mu Lemɔ́i Jísu Kílisitii laahéingi h̃u ngáá wú lúw̃a ỹɔw̃ɔ́ ỹɔ́w̃ɔ woo w̃á kɛinɔɔ́ ndowah̃u kɔlɛ́ álaa ɣɛ́ wú lííwaa. Wú wóó í ɣɛ́ su yíla wú gísiyai h̃u, wú ɣɛ́ háwu yiláá má.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

KƆ́L̃E GƆ́LƆI HELE KÉLEI 9:13

Faalɔ, toko bɔ́mbai sí wú féa, aá lɔ́ áá ngákɛ ngáá kíya wú ɣɛ́ kíli í na, í kɛ́ nungáá tí Ngála tɛ́ kolóngi hááw̃a wú sú mbɛ áá gúla wú lé ngói h̃u ngáá wú lángɔɔ lé ngáá keela woó vándai kɔwɔ́ato Kílisitii wa, ɛ́ɣɛ wú háá bɔwɔ wala ɣɛndái Ngala fɛ́li mbélaitii mbɛ ɛ́ɣɛ nungáá vékaitii.

GALÉSIYA 1:7

Laáva tɔɔỹáa hááw̃a, keela woó vánda veka fíli áá na, kɛ́ nungáá lɛ́ingaa tiyá lɔɔ wú gí máitii ngasúpu faítii su ɛ́ɣɛ tiyá lɔ́ɔ yákpa ngáá ti Kílisitii gééla woo vandaí w̃aalóvi ngáá peka.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

Ɛ́FƐSƆ 1:15

Náá hááw̃a, sí kpɛ́lɛɛ Ngala ngí kɛ́a, kíya fíli ngáá ɣɛ́a Ngala fɛ́li, ngáá sɛ́ɣɛɛ gula Ngalá má wú yɛ́ í séi ná h̃úu w̃á ngí fáa ỹɛ́nini kɔwɔ́ato ndangí wa wú su ngáá Ndemɔí Jísu ɛ́ɣɛ ndongí wú su ngáá Ngalángi vóngaitii kpɛ́lɛɛ.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

FÉLEPA 2:12

Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

FÉLEPA 2:24

Ná Ndemɔí Jísu áá lúw̃a ma, ndángɔɔ lé lá ngáá nyá bútei nyá lɔɔ vá wú yéle h̃umbuwa.

FÉLEPA 3:18

Ngí ndengá wú w̃á ká ká aáva nyá lɔ́ɔ múl̃ɔ nde wú w̃a ndiiỹaaní wála h̃u ngáá nuu bíh̃iw̃aa lɔ na ti ngáá Kílisitii waa hílima yélaa. Ti lúva veléi aa kula ngáá kɛ faa ỹááka waa ngáá Kílisitii háálai kulɔ́sii w̃a.

FÉLEPA 3:20

Kɛ́ a muỹá mu ndái, a muỹá lɔ ngáá ngelegóóh̃u yélaa aáva a muỹa lɔ́ɔ mu Wúmaawo Mɔ́i Ndemɔí Jísu Kílisitii w̃áálɛlɛ gɛ́lɛ gɛlɛ ngáá í híɣe ngelegóóh̃u,

FÉLEPA 4:1

Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 1:4

sífaa, ní faa ỹɛ́ninga kɔwɔ́ato wú lángi wa wú su ngáá Jísu Kílisitii ɛ́ɣɛ ndóngi wú su ngáá Ngalángi vóngaitii kpɛ́lɛɛ.

TƐSALÓNIKA HESENDAA GƆLƆÍ 3:6

Kɛ́ Tímoti vá i yangáimanga vólu ni yelé ngáá wú w̃áá woo vánda ná wáá ngáá, ndangí lɔ́ wú h̃u ɛ́ɣɛ ndongí. I ndengɔ́ ní w̃a ngáá ni gísiya lɔ nɔ́ɔ wú w̃á hɔ́wɔ fíli aáva wú lóngɔɔ lé gíte wú ni héi heí, kɛ kíya nɔ́ɔ ni longɔ́ niỹa bɛ́lɛ ni wú héi heí.

TƐSALÓNIKA HESENDAA GƆLƆÍ 4:1

Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

TÍMOTI HESENDAA GƆLƆÍ 1:11

Kalambongí sí vá í gulangɔ́ keela woó vánda w̃aanɛɛnɛɛngí sí h̃u Hɛ́ɛ́ma Yálangi í féngɔ ngéya ngáá ngí ndé.

TÍMOTI HESENDAA GƆLƆÍ 1:19

Aáva í lángi yí su ngáá Jísu Kílisitii í ndi ngu ma ɛ́ɣɛ í gí mai í ɣɛ́ kpál̃au faa fíli su yaa kɛ. Nungáá lɛ́ingaa tí wóli híɣea sí w̃a ti gi mái áá nde ti w̃a aáva ndangí tí ɣɛ́ngɔ su ngáá Jísu Kílisitii í gúlaa tí h̃u.

TÍMOTI GƆ́LƆI HELE KÉLEI 4:7

Ngí hómboa ngí maaɣaalí víliỹɛi sí wo ngáá hɛmbɛ́i kpɛ́lɛɛ ngí fólo lá ngukúlamai aáva ngáá vólu yaféngɔ Ngala tɔ́ɔ́ỹaa galambongí wa.

TÁITƆ 2:10

Tálaa ŋuỹa wó ti w̃a, kɛ́ láá ɣéle, ti ɣɛ́ ngáá tɔ́wɔbaɣa yélaa. Tí ɣɛ́ ngáá tokolá ma yélaa faa kpɛ́lɛɛ su kɛinɔɔ́ ngúfema í ɣɛ́ kalambongí sí w̃a kɔwɔ́ato Ngalá mbá lɛ́i í ngáá mu Wúmaawo Mɔ́i.

FELÉMO 1:5

bɔw̃álale, ngí fáá ỹɛ́ninga kɔwɔ́ato ndongí wa yí su ngáá Ngalángi vóngaitii kpɛ́lɛɛ ɛ́ɣɛ ndangí yí su ngáá Ndemɔí Jísu.

JIMISÍ 3:18

Ndowah̃u batɛ́ wo mbélaitii telembongí lɔ taá maahɔ́lɔ ngáá polú hái.

PÍTƐ GƆ́LƆI HELE KÉLEI 3:11

Ná ngimɔ́ɔ́ ŋani kpɛ́lɛɛ kɛ́ kíli áá vá ỹáánima, ná ná áá ɣɛ́, kɛ kule lɔ́ wú w̃a wú ɣéle wú lɛ́ɛ́h̃uitii suuhíya? Kule lɔ́ wú w̃á wú ɣɛ́ ngáá faa ỹɔ́u ɣɛ́ tála yelaa, wú bɔ́wɔ gúla kɛ́lɛma Ngalá mbɛ.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:3

Mu mbála vándaitii, ngí ɣɛ́ngɔ loí ngi kɔlɔ vɔ́nɛ wú yéle kɔwɔ́ato ngumaawóngi wá mú maahɔ́lɔngɔ. Kɛ́ aa ɣéle, faa ta i kɛ́a náa nyá lɔ́ɔ pɔ́nɛ náa ngáá ngí wú lííwuulɛ kɛinɔɔ́ wú ló kpáŋ sí w̃aaɣáwondai h̃u mu langɔ́ la. Ná wáá ngáá Ngala ndaa wói í féni wɔ́lɔ su yíla kpé ngi vóngaitii ngeyá.