FÉLEPA 1:21 - Kɛ́lɛ Niinaí

²¹ Ní ndái h̃u, ndɛɛh̃úi sí ngí su, nyá lɔ́ su Kílisitii haaw̃a. Ná múl̃ɔ ngáá ɣɛ́ haaní, ná ɣéle aa ɣɛ ngáá kulasuunúma.

FÉLEPA 1:21 Iomraidhean Croise

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 3:22

Ɔ́ɔ bɔ́ɔ́ ɣɛ bɛ́lɛ ngáá Pɔ́ɔ ɔɔ Apólo ɔɔ Pítɛ ɔɔ ngeleí sí wu ɔɔ ndɛɛh̃úi ɔɔ sái ɔɔ sí h̃úu hái ɔɔ naa wutúwɔɔ, kpɛ́lɛɛ tɔ́ wú hááw̃a.

KƆ́L̃E GƆ́LƆI HELE KÉLEI 5:1

Ná mú luwúi sí í mú w̃a ngeleí sí wú kulangɔi ngáá pɛlɛ́ áá ỹááni, mú kɔ́lɔ ngáá Ngalá ngí pɛlɛ́ lónga mu yɛ ngelegóóh̃u mbéi laá bútei í naa bátɛa laáva naa bátɛngɔ áa lo kúnafɔ fááw̃a.

KƆ́L̃E GƆ́LƆI HELE KÉLEI 5:6

Náá hááw̃a, kitomáá lɔ́ mu wa hɔ́wɔ fíli. Mú kɔ́lɔ ngáá suu í bɔ́ɔ́ ɣɛ gooh̃á ká ká, ná nɔ́ɔ léi ngeleí sí wuu lúwui lɔ́ mu w̃a ndɛɛh̃úi sí h̃u a mu w̃áá gooh̃ángɔɔ lé Ndemɔí wa.

KƆ́L̃E GƆ́LƆI HELE KÉLEI 5:8

Faalɔ, nyá lɔ́ɔ nde búte ngáá kitomáá lɔ mu yɛ hɔ́wɔ fíli. Maa ɔ́ɔ́ ɣɛ́ nɛ́ɛ́ni ná a mɔ́i belé mɔ́ɔ ɣɛ ngeleí sí wúu lúwui sí h̃u, kɛ́ áa ɣéle, a mɔ́ɔ́ ɣɛ́ Ndemɔí Jísu lóów̃a nduwúi ná h̃u áá vá púma mu w̃a.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

GALÉSIYA 6:14

Kɛ́ nyá laa ngɛ́i ŋáni fíli mááyonga tevé kɛ nɔ́ɔ léi sái mu Lemɔí Jísu Kílisitii í mbóngɔ kúlɔsii w̃a. Maa hái ná va í mbóngɔ kúlɔsii w̃a, í kɛ́a ngáá háwu ni ndá áá mɔ́ɔ ngeleí sí wúú háa ta fíli su aáva ngeleí sí wúú háá tá fíli aa mɔ́ɔ ní ndá h̃u kíya nɔ́ɔ nungáá taa ha ti háá ɛ́i mɔ́ɔ ɣɛ́ ỹɔw̃ɔ́ ỹɔ́w̃ɔ háá h̃u.

FÉLEPA 1:20

Ndiivó fáá walaí ɛ́ɣɛ kítomai waa ngáá kúnafɔ ngálaa bááh̃aa sí wa kule í má ngí kɛ. Kɛ́ hɔ́wɔ fíli ngu ngí nda naa mɛ́ɛ́ sí h̃ui w̃á, ndííwuulɛngɔ i ɣɛ́ ngwala ngáá kɛinɔɔ́ túva velé h̃u kpɛ́lɛɛ, Kílisitii í ngufema w̃ááhɔlɔ máá véle w̃a i ɣɛi ngáá ndɛɛh̃úi ngi su ɔɔ ná bɛ́lɛ ngáá há i ngúfema w̃ááhɔlɔ su.

FÉLEPA 1:22

Kɛ́ ná wɔ́lii ndóndai ndɛɛh̃úi h̃u ná áá kɛ ngáá háwu ngí ngenge pánda wo Kílisitii yɛ, kɛ ná ná áá ɣɛ́, ngáá mɔɔ kɔlɔ́ hɔ́ɔ sí ngáá ngeɣé ngáá liivó faa félengɔi sítii su.

FÉLEPA 1:23

Kpálangɔɔ lé faa félengɔi sítii ndowah̃u. Ngáá mɔ́ɔ loí ngɔ́ɔ́ ló ngetéyangi sí h̃uu lɛ́ɛ́h̃ui h̃u. Kɛ́ ndóngɔɔ lé náa ngí ɣɛ́ ndɛɛh̃úi ná h̃u Kílisitii yelé. Ná w̃aanɛ́ɛ́ngɔɔ lé ngwala í lɔ́ve ndɛɛh̃úi sí wa ngí su.

FÉLEPA 2:21

Nuu vékaitii kpɛ́lɛɛ ti beɣéngɔɔ lé nɔ́ɔ léi ngáá ti hɛmbɛ́ma háitii. Kɛ́ sí fíli kɔwɔ́ i tóngɔ Jísu Kílisitii wa, taá béɣeni fááw̃a.

KƆLƆ́SE 3:4

Ná wáá ɣɛ́ lói wú ló ndɛɛh̃ú gítei h̃u, kɛ wáá ɣɛ́ wáá yénge Kílisitii yɛ́. Aáva ná Kílisitii áá vá volú múl̃ɔ ngeleí sí wu, wá bɛ́lɛ nɔ́ wáá ɣɛ́ náá mba ngi yákpa maanɛɛnɛɛngí h̃u.

FAA YÁKƐ KƆ́LƆI 14:13

Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”