FÉLEPA 1:20 - Kɛ́lɛ Niinaí

²⁰ Ndiivó fáá walaí ɛ́ɣɛ kítomai waa ngáá kúnafɔ ngálaa bááh̃aa sí wa kule í má ngí kɛ. Kɛ́ hɔ́wɔ fíli ngu ngí nda naa mɛ́ɛ́ sí h̃ui w̃á, ndííwuulɛngɔ i ɣɛ́ ngwala ngáá kɛinɔɔ́ túva velé h̃u kpɛ́lɛɛ, Kílisitii í ngufema w̃ááhɔlɔ máá véle w̃a i ɣɛi ngáá ndɛɛh̃úi ngi su ɔɔ ná bɛ́lɛ ngáá há i ngúfema w̃ááhɔlɔ su.

FÉLEPA 1:20 Iomraidhean Croise

NJƆÚ 21:19

Jísu va i faí sí léni ngáá í ngakɛ́ kíya Pítɛ í ɣɛ́i áá va haamá. Ná vólu, kíya maa sái ná í kɛ́ngɔ ngáá háwu Ngala ngi ngufema w̃ááhɔlɔ. Kɛ Jísu í ɣɛa Pítɛ w̃a, “Hitɛ pólu!”

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TI GƐ́Ɛ́ HAÍTII 21:13

Kɛ Pɔ́ɔ i ni woo yápotenga, i ɣɛ ni w̃a, “Ndeé le wúwaa wɔ́lɔ, wáá ndiiỹaaní víli má? Aa nɔ́ɔ léi ngáá ngíli fááw̃a, kɛ́ mááhei wóngɔɔ lé sáá haá ɣéle tɔ ma Jɛlúsɛl̃ɛ Ndemɔí Jísu haaw̃a.”

TI GƐ́Ɛ́ HAÍTII 4:31

Ná ti vílani Ngala fɛ́lima, mbéi ti w̃aakpɔ́ngɔ i ɣɛ́i lá mbá na, naa í bɛ́lini aáva Ngalángi Hɛ́ɛ́ma Ỹínangi i vuní ti kpɛ́lɛɛ su, táa Ngalá ndaa wói le ngáá ndiibá.

LÓÓMI 12:1

Mu mbála Yalá fɛ́li mbélai, Ngalángi yááh̃u w̃aaw̃aanuma walaí i folóa mú w̃a, faalɔ, nyá lɔ́ɔ wú w̃áánɛɛnɛ ngáá wú bɔwɔ́ hé mbɛ kíya nɔ́ɔ taá tóŋanii váá ngáá tí kúla ngáá saáɣa Ngalá ngéle, wú ɣɛ́ ngáá ndɛɛh̃u gélei Ngalá ngéya, wú gúlangɔ í ɣɛ́ la kɛlɛ́ma Ngalá mbɛ, wú ɣɛ́ ngáá Ngalá ndíívo mbélaa. Ná lɔ́ í ngáá fɛlingí gíte gítei wáá mbó ngáá Ngalá.

LÓÓMI 5:5

Aáva kitómai sí ɛi mu vɛ́lɛ, bɔw̃álale Ngalá ngí kɛa ngáá háwu ngi lóngi yá ngí ɣɛ́ wɔɔlɔ a mu lií h̃u Hɛ́ɛ́ma Ỹínangi w̃áá véle w̃á lɛ́i í ngáá Ngala fémbɛ wɔ́lingi í féngɔ mu yɛ.

LÓÓMI 6:13

Wálaa kɛ wú lúwui waa wɔ́lingaitii tá fíli tɔɔ́ gúla kɛlɛ́ma faa ỹɔ́u ɣɛ́ndai yɛ, tɔɔ́ ɣɛ́ ngáá kíya nɔ́ɔ ngenge nyáákani taa ɣɛ́ na faa ỹɔ́u ɣɛ́ndaa h̃u. Kɛ́ áá ɣéle, a bɔwɔ́ gúla kɛ́lɛma Ngalá mbɛ, wú ɣɛ́ kíli í ɣɛ́ nɔ́ɔ́ ngáá kíya nungáá taa ɣɛ́ yooɣénga saa h̃u, tí ɣɛ́ ndɛɛh̃ú h̃u. Wú lúwui waa wɔ́lingaitii kpɛ́lɛɛ kúla kɛlɛ́ma Ngalá mbɛ faa vándani kɛndáá h̃u.

LÓÓMI 6:19

Nyá lɔ́ɔ njɛpɛí sítii pú nuu búsa ndá háá yeɣé kíli h̃u bɔw̃álale naa bangɔ́ɔ́ lé ngáá wú faí sítii ngatɔ́ mba. Kíya nɔ́ɔ wú ɣɛ́ngɔ wú lúwui waa wɔ́lingaitii kpɛ́lɛɛ kúlai kɛ́lɛma ngáá nduwɔ lopóa ɣɛ́ kíli faa ỹɔ́u ɣɛ́ndai ya kékelei, ngimɔ́ɔ́ nɔ́ɔ kule í ma naa wú tí gúla kɛlɛ́ma telembo fáitii kɛ́ndai h̃u h̃íí na kɛinɔɔ́ wú ɣɛ́ ngáá Ngalángi vóngaa fó fóndei tɔmbema w̃aa fíli álaa ɣɛ́ wú wa.

LÓÓMI 8:19

Seímil̃a p̃ɛ́ɛ́, Ngalángi bátɛ wɔlingái kpɛ́lɛɛ tiyá lɔ́ɔ́ naa w̃áálɛlɛ nɔ́ɔ ngáá ndiihíka híka ngáá tí náá lɔ ngáá elení tɔ́ ti ngáá Ngalángi léngaitii.

LÓÓMI 9:33

kíya nɔ́ɔ pɔnɛngɔ́ Ngala Kɔ́lɔi h̃u, sí vá pɔnɛngɔ́i aá waa ngáá sí, “A sí w̃aa hái lɔ lɛ́ɛ́! Nyá lɔɔ́ kɔ́tu la taa walái sí h̃u taa naa lolí ngáá Jɛlúsɛl̃ɛ, lɛ́i áá kɛ́ ngáá háwu nungái ti bówa lá, ti gúla. Aáva nuí fíli áá lá lá, kitomái ɛi ỹaaní kúnafɔ.”

KƆ́L̃E HESENDAA GƆLƆÍ 15:31

Nyá lɔ saa lowá lá foló fíli má. Mu mbála Yalá fɛ́li mbélai, sí lɔ́ ngáá tɔɔỹaá aáva aá lɔ mɔ́ɔ́ ngáá tɔɔỹaá ngáá ngáá yónga téve wú hááw̃a, mu báha gilíí wa su a maá Ndemɔí Jísu Kílisitiini. Ná lɔ́ í kɛ́a ngáá nde wú w̃á ngáá nyá lɔ́ nɔ́ɔ saa lowá la foló fíli má.

KƆ́L̃E HESENDAA GƆLƆÍ 6:20

I wú h̃ɔ́w̃ɔ hengɔ́ ngáá ŋani. Faalɔ, bɛlɛ́ í ngúfema w̃ááhɔlɔ wú lúwui w̃aa véle w̃a.

KƆ́L̃E HESENDAA GƆLƆÍ 7:34

Faalɔ, siỹɛ́ngi sí gi mái wɔ́lɛngɔ aa ɣɛ lá su féle. Nyah̃ái sí siỹɛ́ ngɛ́i ɣɛ́ mbɛ, ɔɔ nyah̃ái sí ɛ́i ɣɛ́ síỹɛ fáá wɔlɔ́, ti beɣéngɔ aa ɣɛ lá ngáá Ndemɔí Jísu haítii. Ti gi má háitii taá ɣɛ́ ngáá tí bɔwɔ́ gula kɛlɛ́ma Ndemɔí Jísu yɛ fó fóndei ngáá lii kpɛ́lɛɛ ɛ́ɣɛ ti gi mái kpɛ́lɛɛ. Kɛ́ nyah̃ái sí áá ɣɛ́ síỹɛ mbɛ, kpeɣéngɔ aa ɣɛ lá ngáá ngeleí sí wuu háitii ngáá aá ɣelé ngi h̃íỹɛngi liilá.

KƆ́L̃E GƆ́LƆI HELE KÉLEI 10:8

Ndemɔí Jísu i ngakpá féa ngéya wú w̃ááh̃u. Maa yákpangi aa ná ngáá ngí wú ɣɛ́ kíli ỹaaní la kɛ́ ngí wú ɣɛ́ kíli batɛ́ lá. Aáva kíya bɛ́lɛ ngí maayónga tévenga ngwála ná fíli sú ngɛ́i wúfe.

KƆ́L̃E GƆ́LƆI HELE KÉLEI 3:12

Faalɔ, kitomái sí í ní yɛ aá lɔ́ í kɛ́a ndúwa fíli áá ní h̃u.

KƆ́L̃E GƆ́LƆI HELE KÉLEI 4:10

Hɔ́wɔ fíli niỹá lɔ saa lowá la kɛ kíya Jísu í ɣɛ́i na. Kɛ́ tɔɔỹái waa ngáá, kɛ kíya bɛ́lɛ nɛ́nɛ ni ndɛɛh̃ú h̃u, aá lɔɔ́ áá ngákɛ ngáá kɛ Jísu bɛ́lɛ nɔ́ aá lɔ ndɛɛh̃ú h̃u.

KƆ́L̃E GƆ́LƆI HELE KÉLEI 5:15

Aáva i haangɔ́ nuu kpɛ́lɛɛ fááw̃a ngáá sítii tí ndɛɛh̃ú h̃u tálaa ɣɛ́ múl̃ɔ ndɛɛh̃ú h̃u bɔwɔ́ hááw̃a kɛ́ laá faaw̃a lɛ́i í háángɔ tí haáw̃a laáva í wúyoɣei sái h̃u múl̃ɔ ti haáw̃a.

KƆ́L̃E GƆ́LƆI HELE KÉLEI 7:14

Ngí wú w̃ááyonga tevéngɔ ma laáva wáá pɛ́lɛngɔ. Nápa naá nɛ́ɛ́ ndɛɛ gɔ́ɔ́lai wú yáá. Ngimɔ́ɔ́ yongangí ní tévengɔ Táitɔ gakála kɔwɔ́ato wú wá aa ngáá ndɛɛ́.

KƆ́L̃E GƆ́LƆI HELE KÉLEI 7:4

Ndángɔɔ lé ngwala ngáá wú ye, kí mái kpál̃au kɔwɔ́ato wú wa. Aáva ngáá wú w̃ááyonga tevé. Aáva ni haa bɔ́lundaitii kpɛ́lɛɛ su nduwú h̃u lɔ́ mbá nɛ́nɛ, kóóh̃unɛɛngɔ ngwala.

FÉLEPA 1:14

Laáva sóu fái sí i kɛngá ngáá háwu Ngala fɛ́li mbélaa bih̃íw̃aa tí lá ngáá Ndemɔí Jísu Kílisitii ngwala. Faalɔ, nduwúh̃u í lɛa ngáá ti ye aáva nduwá áá ti h̃u Ngala ngóó le fááw̃a.

FÉLEPA 2:17

Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

PÍTƐ HESENDAA GƆLƆÍ 4:16

Kɛ́ ná maanɔw̃ɔ́ áá la wu w̃a sífaa nɔ́ɔ wú ngáá Kílisitii vóngaa, álaa ɣɛ́ ngáá ngufé wú w̃a, kɛ́ laá ɣéle, wú sɛ́ɣɛɛ gula Ngala ma sífaa ndaahei ngí wú wa ngáá Kílisitii vóngaitii.

NJƆÚ HESENDAA GƆLƆÍ 2:28

Wɛ́i wu ngáá ndengáitii ndóngɔ ngáá wú yé, a ló kpáhai h̃u wú su mba kɛinɔɔ́ ná áá vá, nduwá álaa ɣɛ́ wú h̃u foloí ná w̃a áá va vááma ma ngáá wɔ́i mɔ́ɔ lo yaah̃ú lɔ́ɔ́wuma mba ngufé su maa hóloi ná w̃a.