FÉLEPA 1:19 - Kɛ́lɛ Niinaí

¹⁹ bɔw̃álale ngí kɔ́lɔ ngáá wú Yála fɛlindáitii ɛ́ɣɛ kpɔmbaí Hɛ́ɛ́ma Ỹínangi lɛ́i Jísu Kílisitii í máa gúúlo mboní táá fe mbɛ́ tiyá lɔɔ vá kɛmá ngáá háwu ngúmaa í wo.

FÉLEPA 1:19 Iomraidhean Croise

TI GƐ́Ɛ́ HAÍTII 16:7

Ná tí vááni Mésiya bandoí w̃a, tí yakpáni ngáá ti lɛ́ Bɛtíniya lataí h̃u. Kɛ́ Jísu Ỹínangi aa kɛní tɔɔ́ lɛ́ na.

LÓÓMI 8:28

A mú súúwɔlɔ ngáá Ngalá tóko lɔ nɔ́ɔ fɔ́ faa lɛ́ingaa wa bɛ́kpɛ ti ngáá faa vánda a mu haáw̃a muỹɛ́i a mu longá la, muỹɛ́i i mú lolíngɔ ngáá sí ndóngɔ i ɣɛ́ mú kɛ́.

LÓÓMI 8:9

Kɛ́ wálaa, wɔ́i híya ngáá wú líívo fáitii kɛ́ndaa, kɛ́ wáá híya ngáá Hɛ́ɛ́ma Ỹínangi liivo fáitii ná wɔ́li áá ɣɛ́ wú vólu. Nungái sítiini Kílisitii Ỹínangi áá tí vólu, taa ngáá ngi vóngaa.

KƆ́L̃E HESENDAA GƆLƆÍ 4:17

Háwui sí hááw̃a, nyá ngaá Tímoti lɔ́ve wú yéle lɛ́i kulangɔ́ ngáá ndíívo síỹɛndou lou tɔwɔ́baɣangɔ Ngala fái h̃u. Laá lɔ áá va í wú gísitɛ síya gilíí wa kpahaí wa ngí su Jísu Kílisitii wa. Aá va tɔ ngáá mbó ngáá kalambo Ngala fɛ́li mbélaitii ma ỹanda kpɛ́lɛɛ.

KƆ́L̃E GƆ́LƆI HELE KÉLEI 1:11

Wáá bɔ́ ni wa ngáá ná wááyaa Ngala fɛ́li ni haáw̃a. Ná ná áá ɣɛ́, nuu bíh̃iw̃aa taá sɛ́ɣɛɛ gula Ngalá ma kíya í nɛ́ɛ́ma yénga ni w̃a ngáá wú hɛ́li ngoí nátii kpɛ́lɛɛ í ngápotenga ni haáw̃a.

GALÉSIYA 3:5

Ngalá ngí kɛ́a ngáá háwu Hɛ́ɛ́ma Ỹínangi í ɣɛ́ wú vólu, ná vólu, i kɛ́ ngáá háwu wú wáa kááma haaní kɛ. Aá lɔ́ wú gí ma ngáá i ná ɣɛ́ngɔ sífaa nɔ́ɔ wú gólongɔ ngi hávai wu? Baa sífaa wú kééla woó vándai ỹɛ́ninga wú lá la?

GALÉSIYA 4:6

Sífaa wú ngáá Ngalá ndéngaa kíya nɔ́ɔ ní na, i kɛngɔ́ ngáá háwu ngi H̃íỹɛndou Loí Ỹínangi í ɣɛ́ mu volú, lɛ́i áá kɛ ngáá háwu aa maá Ngala tóli ndaanɛɛ h̃u, maa ɣɛ́ tá, “Kɛɛɣɛ́, Kɛɛɣɛ́.”

FÉLEPA 1:18

Ná aa ngáá faa fíli! Kóóh̃unɛɛngɔɔ lé kɔwɔ́ato mba kɛinɔɔ́ keela woó vándai í lé kɔwɔ́ato Kílisitii wa pele fíli sú nɔ́ɔ, ɔ́ɔ́ bɔ́ɔ́ ɣɛ ngáá faa ỹɔ́u ɔɔ faa vánda gísiya w̃aa véle w̃a. Laáva ngáá ndí ngú ma ngáá maa góóh̃unɛi,

PÍTƐ HESENDAA GƆLƆÍ 1:11

Kílisitii Ỹínangi í ɣɛ́i tí vólu, laá lɔ́ í ɣɛ́i áá ngákɛ ngáá ti ye kíya Kílisitii w̃aa í ɣɛ́i áá vá nɔ́w̃ɔma. Ná ná vá ngɔ́ɔ́ gúla sú, ɔ́ɔ́ ngufema wála wála w̃aahɔ́lɔ náa. Faalɔ, ti ɣɛ́i taa nga kpɛ́ kpɛ́ ti ɣɛ́ kɔ́lɔ ngáá ele gíte lɔ́ í ɣɛ́i áá vá ɣɛ́ ma la ɛ́ɣɛ táingi í ɣɛ́i áá vá vááma ma.