FÉLEPA 1:17 - Kɛ́lɛ Niinaí

¹⁷ Sítii pa táá fái sí ɣɛ ngáá tolóma taá kɛ́ma ngáá ndiiwolé á lɔ́ ti gi má ngáá kɛ taá fáa bángi h̃uu ɣɛ́ wɔ́ɔ́lɔ má ná ngí soungí h̃u.

FÉLEPA 1:17 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:14

Kɛ́ wálaa liihɛ́lɛ ngáá kɛ kíya wáá vá bɔwɔ́ w̃aahaaléma naa hɔwɔ́i ná w̃a.

TI GƐ́Ɛ́ HAÍTII 22:1

“Kɛɛɣɛ́ni, í báha náá mu mbálangaitii mba, a wolílo naá ngí bɔwɔ́ w̃áá haa lé.”

TI GƐ́Ɛ́ HAÍTII 26:1

Kɛ Masangí Agílepa i ɣɛa Pɔ́ɔ w̃a, “Yɛpɛ náa bɔwɔ́ hááw̃a.” Faalɔ, Pɔ́ɔ i lokoí lɛni ngeleya, í pɛlɛ kɔsɔ́ngi gúlama.

TI GƐ́Ɛ́ HAÍTII 26:24

Ná Pɔ́ɔ í fóloni mbéi kpéi ngi gɔ́sɔngi h̃u, Fɛ́sitɔ i viliní ndaa wóó h̃ú, í woo gúla, i ɣɛ ma, “Í gíngi aa í w̃á, Pɔ́ɔ, í gɔ́lɔ galándaa walaí sí lɔ í í ɣɛ́nga tími tamá.”

LÓÓMI 2:8

Kɛ́ Ngalá tɔɔ vá lúúma sítii ngeyá tí beɣéngɔ nɔ́ɔ ngáá bɔwɔ́ í mɔ́ɔ faa báma wala lá ti w̃a, tiyɛ́i táa léle Ngalángi lɔ́ɔ́ỹai wa, ná vólu, ti liivó fái í ngáá faa ỹɔ́u ɣɛ́ndai.

FÉLEPA 1:18

Ná aa ngáá faa fíli! Kóóh̃unɛɛngɔɔ lé kɔwɔ́ato mba kɛinɔɔ́ keela woó vándai í lé kɔwɔ́ato Kílisitii wa pele fíli sú nɔ́ɔ, ɔ́ɔ́ bɔ́ɔ́ ɣɛ ngáá faa ỹɔ́u ɔɔ faa vánda gísiya w̃aa véle w̃a. Laáva ngáá ndí ngú ma ngáá maa góóh̃unɛi,

FÉLEPA 1:7

Ngí bɔ́ɔ́ ɣɛ sou sú ɔɔ ngálaa ɣɛ́ sou sú, aá lɔ pele w̃a ngáá kóóh̃unɛɛngɔ í ɣɛ́ la kɔwɔ́ato wú wá. Sífaa nyá lɔ́ɔ Ngalángi gééla woo vandaí w̃ááɣawo aáva ngáá ngakɛ́ ngáá nungáitii ngáá kɛ tɔɔỹaá le. Laáva wú kpɛ́lɛɛ pá wá lɔ́ ngáá ndíívo mbélaa ngengengí sí h̃u Ngalá ngí fénga ngéya kpɔwɔ́ lúw̃ama h̃u.

FÉLEPA 2:3

Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.

TÍMOTI HESENDAA GƆLƆÍ 2:7

Ná vá tɔ í kɛ́ngɔ Ngalá ngí tɔ́vengɔ ngáá Jísu Kílisitii gééla, ɛ́ɣɛ kalambo mɔ́ɔ́ nungái sítii fááw̃a taá ngáá Júsua, ná vólu, ngí kééla woó vándai lé kɔwɔ́ato ndangí wa nuu áá ɣɛ́ su ngáá Jísu Kílisitii ɛ́ɣɛ tɔɔỹái kɔwɔ́ato mba. Ndɛɛ láá le ngɔ́ɔ́ ɣɛ́ ngáá kɔ́ɔ́la, sí ngíwaa nde aá lɔ́ ngáá tɔɔỹaá.

TÍMOTI GƆ́LƆI HELE KÉLEI 2:9

Keela wóo vándai sí ngáá nde, aa lɔ́ í kɛa máá áá nɔ́w̃ɔ, ngi njɔlɔwɔ ya kpindi vɛlɛ́i wu kíya nɔ́ɔ faa ỹɔ́u ɣɛ́ mɔ́ɔ wala. Kɛ́ Ngalá ngói aa njɔlɔwɔ yá kpindi vɛlɛ wu.

TÍMOTI GƆ́LƆI HELE KÉLEI 4:16

Ná hése ti lii ngáá ngé kóótii h̃u, nuu fíli aa yɛpɛ́i fááw̃a. Kɛ́ ngáá Ngala fɛ́li ngáá Ngalá ngí ti w̃ááhaalo.