FÉLEPA 1:13 - Kɛ́lɛ Niinaí

¹³ Náá hááw̃a, masa pɛ́lɛ wálai w̃aah̃ú belé mbélaitii kínɛi ɛ́ɣɛ nungáá vékaitii kpɛ́lɛɛ ti mbéinda tí kɔ́lɔ ngáá kɛ nyá lɔ sou sú bɔw̃álale nyá lɔ ngáá Kílisitii yénge mɔɔ.

FÉLEPA 1:13 Iomraidhean Croise

TI GƐ́Ɛ́ HAÍTII 26:29

Kɛ Pɔ́ɔ i ngoo yápotenga, i ɣɛ ma, “Suu í ɣɛ́ lukpú ɔɔ suu í ɣɛ gooh̃á, í yílaa faa laa le nɔ́ɔ léi, kɛ́ nyáá ngáá Ngala fɛ́li ngáá kɛinɔɔ́ nungáitii kínɛi táá wolílo má hááwɔ, ti ɣɛ́ kɛ kíya ngí na. Ngáá ɣɛi wú ɣɛ́ njɔlɔwɔ ya kɛ kíya ngí na.”

TI GƐ́Ɛ́ HAÍTII 26:31

ti gúla kóótii h̃u táá yɛ́pɛ ỹɔw̃ɔ́ ỹɔ́w̃ɔ yéle, táá ɣɛ́ ta, “Siỹɛndópoi sí aa faa ỹɔ́u fíli kɛ́ngɔ ngáá kule ɔ́ɔ́ ɣɛ́ ma ɔ́ɔ́ ɣɛ́ pelésinalaa h̃u kɛlaa ɔ́ɔ́ saa w̃ááhɔlɔ faaw̃a.”

TI GƐ́Ɛ́ HAÍTII 28:17

Ná ní kɛ́ni náa na ngáá foló sáángɔ, Pɔ́ɔ i Júsuaitii ti wútuwɔaitii maakpɔ́ni mba. Ná tí w̃aakpɔ́ni, kɛ i ɣɛa ti w̃a, “Mu mbálangaa, kɛ kíya bɛ́lɛ ngáá faa ỹɔ́u fíli kɛ́ngɔ kɔwɔ́ato mu káwalani ti ndá híya veleí wa kɛlaa ngɔ́ɔ́ faa ỹɔ́u ɣɛ ngáá a mu vóngaitii, ná h̃u fíli, ti sóuni ngáá pelésina Jɛlúsɛl̃ɛ, ti tɔ́ve Lóómingai ti gɔ́mɛtii yele.

TI GƐ́Ɛ́ HAÍTII 28:20

Háwui sí lɔ í kɛ́ngɔ ngí ndéi ngáá ngáá ɣɛ loí ngí wú lɔ, ná vólu, ngí yɛ́pɛ wú yele, sífaa sí Ísulɔ yeláitii ti gítongɔi mba laá pólu véle h̃uu lɔ́ í kɛ́nga ngí njɔ́lɔwɔ ya.”

TI GƐ́Ɛ́ HAÍTII 28:30

Fowó félengɔ laa lówah̃u kínɛi, Pɔ́ɔ i ɣɛi nɔ́ɔ wu maa vɛ́lɛi wu í ɣɛ́i ngeɣéni, áá maa pávai gúla pɛlɛ́ w̃ɔ́i w̃a. Aáva i lokohéini sítii kpɛ́lɛɛ mbú tɔ́ɔ́ li laalíma ma.

Ɛ́FƐSƆ 3:1

Náá hááw̃a, nyɛ́i ngí ngáá Pɔ́ɔ, nyá lɔ́ Ngala fɛ́li wú hááw̃a nyɛ́i ngí ngáá pelésina bɔw̃álale nyáá lɔ́ɔ yénge Jísu Kílisitii yɛ wú hááw̃a wɛ́i wáá ngáá Júsua.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 6:20

Ngala ngí tɔ́vengɔ ngáá ngí ɣɛ́ ngáá Jísu Kílisitii yaah̃ú keela woó vándai sí lé fái w̃a kíya bɛ́lɛ háá ngí ngáá pelésina. A Ngala fɛ́li ngáá nduwá álaa ɣɛ́ sú ná ngáá ɣɛ́a yɛ́pɛ kɔwɔ́ato keela woó vándai wa kíya kule í má ngí kɛ.

FÉLEPA 1:30

A maa wúyeni ndapi híí yiláángi lɔ a máá kɔ. Ndapií sí wú tɔ́i ngíwaa kɔ wɔ́lɔ. Laáva ndapií sí lɔ nɔ́ɔ nɛ́nɛ ngáá kɔ kɛ kíya wáá mɛni.

FÉLEPA 1:7

Ngí bɔ́ɔ́ ɣɛ sou sú ɔɔ ngálaa ɣɛ́ sou sú, aá lɔ pele w̃a ngáá kóóh̃unɛɛngɔ í ɣɛ́ la kɔwɔ́ato wú wá. Sífaa nyá lɔ́ɔ Ngalángi gééla woo vandaí w̃ááɣawo aáva ngáá ngakɛ́ ngáá nungáitii ngáá kɛ tɔɔỹaá le. Laáva wú kpɛ́lɛɛ pá wá lɔ́ ngáá ndíívo mbélaa ngengengí sí h̃u Ngalá ngí fénga ngéya kpɔwɔ́ lúw̃ama h̃u.

FÉLEPA 4:22

Ngalángi vóngaitii kpɛ́lɛɛ ti hái wú w̃a ngungí nda mɛ́ɛ́ sítii ma tí Lóómingai ti Lɔ́wɔlɔ W̃ása Ngwalaí vɛ́lɛ lowaí wu.

TÍMOTI GƆ́LƆI HELE KÉLEI 2:9

Keela wóo vándai sí ngáá nde, aa lɔ́ í kɛa máá áá nɔ́w̃ɔ, ngi njɔlɔwɔ ya kpindi vɛlɛ́i wu kíya nɔ́ɔ faa ỹɔ́u ɣɛ́ mɔ́ɔ wala. Kɛ́ Ngalá ngói aa njɔlɔwɔ yá kpindi vɛlɛ wu.