FÉLEPA 1:10 - Kɛ́lɛ Niinaí

¹⁰ Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.

FÉLEPA 1:10 Iomraidhean Croise

MÁFIYU 16:23

Kɛ́ Jísu i voteí, i ɣɛ Pítɛ w̃a, “Hiɣe kpéla, Setána! Yá lɔ yí ngútuwɔ yaa súúbɛɛɣi, bɔw̃álale, nuu búsa vélei lɔ́ yáá gisíya la, kɛ́ yáá gísiyama ngáá Ngalángi ndá vélei.”

MÁFIYU 26:33

Kɛ́ Pítɛ i Jísu woo yápoteni, i ɣɛ ma, “Ti kpɛ́lɛɛ tɔɔ bɔ́ɔ́ betéve í wa, kɛ́ ngɛ́i béteve í wá kúnafɔ!”

NJƆÚ 1:47

Ná Jísu í Natáániyɔ lɔní áá vá, kɛ Jísu i yɛ́pɛnga kɔwɔ́ato mba, i ɣɛ ta, “Ísulɔ w̃ɔ́i kái káingi lɔ, laá lɔ́ kahá haa fíli áá su.”

NJƆÚ 3:20

Faa ỹɔ́u ỹɔ́u kɛ mɔ́ɔ́ fíli, silíngɔɔ le ngáá lámbongi aáva ɛi gula lámbongi ya bɔw̃álale ɛi ɣɛ loí ngi háá ỹɔu ỹɔungáitii ti w̃áá ɔ́ɔ́ ɣɛ́ kpál̃au.

TI GƐ́Ɛ́ HAÍTII 24:16

Faalɔ, nyá lɔɔ́ yakpá hɔ́wɔ fíli ngáá kí mái í ɣɛ́ kpál̃au faí sítii su ngáá kɛ, ti ɣɛ́ pele w̃a ni lówah̃u naá Ngalá ɛ́ɣɛ nuu búsaitii.

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

LÓÓMI 12:9

Wálaa ɣɛ́ nɔ́ɔ wáá kpátɛ ngáá wú lóngɔɔ lé ngáá ỹɔw̃ɔ́ ỹɔ́w̃ɔ kɛ́ ɛi ɣɛ wú líí h̃u. A híli ngáá faa ỹɔ́u ɣɛ́ndai, wú ló ngáá faa vándaitii kɛ́ndaa.

LÓÓMI 16:17

Mu mbála Yala fɛ́li mbélai, wu w̃áánɛɛnɛngɔ gítee le, a waayaa naa w̃ááh̃u béle gíte ngáá nuí fíli áá ɣɛ́ wú lííwaa ngáá í vá ngáá ndowah̃u kɔlɛ́ háa, ɔ́ɔ́ í kɛ́ ngáá háwu faa í víli Ngala fɛ́lindai h̃u, ná wáá ngáá, sítiini taa léle ngáá ti híya ngáá kalambongítiini wú maahɔ́lɔngɔ, a waa báha kpahá sú wáá ná w̃aa núngai,

LÓÓMI 2:18

Ngala sáva galandái wú yɛ́ aá lɔ́ɔ́ kɛ wúwaa ɣɛ́ kɔ́lɔ kíya Ngalá ndóngɔ wú ɣɛ́ wáá lɛɛh̃úi h̃uuhíya, ná vólu, wá lɔɔ hómbo wáá ngátɔ mbá ngáá sí í péle w̃a ngáá wááyaa kɛ.

LÓÓMI 7:16

Ná ngɛ́i ɣɛ́ loí ngáá sítii kɛndáá sílingɔ ngáá ti ye, kɛ ná lɔ́ áá ngákɛ ngáá ngáá máá luw̃á mbo hɔ́ɔ́ ngáá kɛ savaí lɔ́ ngáá faa vánda.

LÓÓMI 7:22

Ngáá lúw̃a ma gíte ngáá lií kpɛ́lɛɛ ngáá Ngalángi hávai lɔ pele w̃a.

LÓÓMI 8:7

Nuu liivó fáitii ti woo áá ndái ma taá Ngála. A maa ɣɛ́ ngáá Ngalá mbaahílima yélaa bɔw̃álale, nuu liivó fáitii taa kɛ ngáá háwu a mɔ́i gólo Ngálangi hávai wu. Séimil̃a p̃ɛ́ɛ́, a mɔ́i hómbo mɔɔ́ gólo mbu.

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

KƆ́L̃E HESENDAA GƆLƆÍ 10:32

Wú lɛ́ɛ́h̃ui h̃uuhíya kílii álaa kɛ ngáá háwu Júsua ɔɔ sítii taa ngáá Júsua ɔɔ Ngala fɛ́li mbéla vekaítii ti tá fíli faa ɔ́ɔ́ víli tí Yála fɛlindái h̃u.

KƆ́L̃E HESENDAA GƆLƆÍ 8:13

Faalɔ, ná wɔ́lii sí ngáá mɛ aá lɔ áá kɛ ní mbála Yalá mɔ́i áá víli faa ỹɔ́u h̃u, kɛ ngɛ́i mɔɔ ná ỹɛ í lí bɛ́lɛ í tó suwa wa kúnafɔ kɛinɔɔ́ ngɔ́ɔ́ kɛ ngáá háwu ní mbála Yalá fɛ́li mɔ́i ɔ́ɔ́ gúla volú Ngala fái h̃u.

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

KƆ́L̃E GƆ́LƆI HELE KÉLEI 6:3

Nɛí faa fíli kɛ́ áá kɛ ngáá háwu faa aa víli nuu fíli kɔ́wɔ h̃ú Ngala fɛ́lindai h̃u kɛinɔɔ́ nuu fíli álaa tɔmbema w̃áá lɔ́ ni yéngengi wa.

KƆ́L̃E GƆ́LƆI HELE KÉLEI 8:8

Nyáá ngáá yakpá gíte ngí nga kpɛ́ kpɛ́ ngí tɔ́ kíya wú lóngi í na ngáá suuw̃ándai sí wa nungáá vékaa tí kɛ́nga.

GALÉSIYA 5:11

Mu mbála Yalá fɛ́li mbélai, ná wɔ́lii ngɔ́ɔ́ ɣɛ́ ngáá ndé ngáá nuu lɔ́vendaa pɛlɛ́ vólu aá lɔ́ pele w̃a, kɛ́ ndeé lɔ́ ɔ́ɔ́ kɛ nungáá tɔ́ɔ́ ɣɛ́ táá fáa báma la má nɛ́nɛ kpɛ́? Aáva bele ná lɔ́ ngí ɣɛ́i ngáá nde, kɛ sí ngáá nde kɔwɔ́ato Jísu váándai wa kulɔ́sii w̃a, ɛ́i belé vá ngáá ngoo ya fáha fíli.

Ɛ́FƐSƆ 4:15

Kɛ́ laá ɣéle, a mu tɔɔỹaá wói lé ndo sú. Ná aa kɛ a mu h̃úú í ba mu báha Kílisitii wa kpáŋ kpáŋ, a mu ɣɛ ngáá kɛ kíli lɛ́i í ngáá ngutuwɔ́ɔ w̃ɔ́i.

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

Ɛ́FƐSƆ 6:24

Bɛlɛ́ Ngalángi háá bɔwɔí í ɣɛ́ sítii kpɛ́lɛɛ mbɛ́ tiyɛ́i ti longɔ́ ngáá Ndemɔí Jísu Kílisitii kúnafɔ taá ngi ndá gúnafɔ.

FÉLEPA 1:16

Sítii pa táa Ngala ngói le ngáá ndiiwolé tiyá lɔ́ɔ kɛ ndo sú, bɔw̃álale tí kɔlɔ́ ngáá nyá lɔ mbéinda soú sú Ngalángi gééla woo vandaí w̃ááɣawo fááw̃a.

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 2:16

ngáá Ngalángi gééla woo vandaí lendáá nungáitii ma, keela woí sí áá kɛ́ ngáá háwu nuu áá ndɛɛh̃u gítei w̃ááhɔlɔ. A ndi ngu ma ngáá ná ɣɛ́ndaa kɛinɔɔ́ ngí maayónga tevé folói ná w̃á Kílisitii íwaa vá vaamá ma ngáá kɛ mɔ́l̃ɛi sí ngí mbóngɔ aa ngáá mɔ́l̃ɛ gbááma.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA HESENDAA GƆLƆÍ 5:21

kɛ́ waayaa faa kpɛ́lɛɛ ngásɔbɛ ngáá pángɔ sí áá ɣɛ́ pele w̃a, wú ɣɛ́ ná wa.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.