FÉLEPA 1:1 - Kɛ́lɛ Niinaí

¹ Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 1:1 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:34

Maa hái ɣɛ kíli lɔɔ vá gulamá ngáá siỹɛndópoi í ɣɛ́i áá lí siya má, i ngi vɛ́lɛi lóni ngi yénge mbélai toko h̃u. Í ngengengí he ti yaá léélaa léélaa. Í nde pɛlɛ́ láá w̃ɔ́i w̃a ngáá í pɛ́lɛi laa w̃ááh̃u béle.

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

TI GƐ́Ɛ́ HAÍTII 1:20

Kɛ Pítɛ i mɔ́ɔ ɣɛ́a ta, “Pɔnɛngɔ́ɔ́ lé Ngala Fɛ́li Ngúle Gɔlɔí h̃u sí vá pɔnɛngɔ́ aá wáá ngáá sí, ‘Bɛlɛ́ ngi vɛ́lɛ lowaí wuu ỹaaká í ɣɛ́ la, nuu fíli álaa hɔ́lɔ ɔ́ɔ́ wála mbu.’ Pɔnɛngɔ́ɔ́ lé múl̃ɔ maa ngúle gɔlɔí h̃u ngáá sí, ‘Bɛlɛ́ nuu véka í ngi lóów̃ai yéɣe.’

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 9:13

Ananáya i ngoo yápoteni, i ɣɛ ma, “Kɛɛɣɛ́, ngí faa bíh̃iw̃aa ỹɛ́ninga kɔwɔ́ato siỹɛndópoi sí wa ɛ́ɣɛ ỹandái sí kínɛi í seingá í vóngaitii mba Jɛlúsɛl̃ɛ.

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

KƆ́L̃E HESENDAA GƆLƆÍ 16:10

Ná wɔ́lii Tímoti áá ɣɛ́ vááni wú yéle péle, a ngakɛ́ la gíte ngáá kɛ wu lókoheingɔɔ lé paalái wu wú yéle, sífaa, aá lɔ́ɔ yénge Ndemɔí Jísu yɛ kíya nɔ́ɔ ngíwaa yénge mbɛ.

KƆ́L̃E GƆ́LƆI HELE KÉLEI 1:1

Nyɛ́i ngí ngáá Pɔ́ɔ, ngí ngáá Jísu Kílisitii géélai áá gúla Ngala ngí háá h̃uubatɛ su, nyá lɔ́ ngáá kɔlɔí sí vɔ́nɛ náa mú mbála Yalá fɛ́li mɔ́i Tímoti. Kɔlɔí sí lɔɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e í báha náá Ngalángi vóngaitii kpɛ́lɛɛ mbá tí Akáya lataí h̃u hááli hááli.

GALÉSIYA 1:10

Ngáá sí ɣɛ́ma nungáá lííla fááw̃a kulo bɛ́lɛ! Sí ndóngɔ la, aá wáá ngáá sí ngáá kɛ áá Ngála ndiilá. Ngáá sí ɣɛ́ma kúlo bɛ́lɛ ngáá kɛinɔɔ́ tɔ́wɔ ɔ́ɔ́ lɛ́ ɔɔ nungáá ti ló ngáá ngé. Kɛbei ná lɔ́ nɔ́ɔ ngí ɣɛ́i loí ngí kɛ, ngɛ́i béle ɣɛ ɣɛi ngáá Kílisitii yénge mɔɔ.

GALÉSIYA 3:26

Ndangí w̃áá véle w̃a wú kpɛ́lɛɛ wú su ngáá Jísu Kílisitii, i wú báhaa Jísu wa aáva i kɛ́a wú kpɛ́lɛɛ wú ɣɛ ngáá Ngala ndéngaa.

GALÉSIYA 3:28

Faalɔ, ndowah̃u kɔlɛ́ aa mɔɔ Júsuaitii ndowah̃u taa sítii taa ngáá Júsua, ɛ́ɣɛ nduwɔ lopóaitii taa sítii taa ngáá nduwɔ lopóa, ɛ́ɣɛ siỹɛngáitii ndowah̃u taá nyah̃áitii, wú kpɛ́lɛɛ wú báhangɔɔ lé náá su ngáá nuu yílaa Jísu Kílisitii wa.

Ɛ́FƐSƆ 1:1

Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ nyɛ́i ngi ngáá Jísu Kílisitii géélai áá gúla Ngalángi háá h̃uubatɛ su. Nyá lɔ́ ngáá Kɔlɔí sí vɔ́nɛ wú yéle wɛ́i wú ngáá Ngalángi vóngaitii taí sí h̃u taa tolí ngáá Ɛ́fɛsɔ, wɛ́i wáá híɣengɔ tɔ́wɔbaɣa vélei sí wa wú lɛ́ɛ́h̃ui h̃u wú kpáhangɔ Jísu Kílisitii wa.

Ɛ́FƐSƆ 1:15

Náá hááw̃a, sí kpɛ́lɛɛ Ngala ngí kɛ́a, kíya fíli ngáá ɣɛ́a Ngala fɛ́li, ngáá sɛ́ɣɛɛ gula Ngalá má wú yɛ́ í séi ná h̃úu w̃á ngí fáa ỹɛ́nini kɔwɔ́ato ndangí wa wú su ngáá Ndemɔí Jísu ɛ́ɣɛ ndongí wú su ngáá Ngalángi vóngaitii kpɛ́lɛɛ.

Ɛ́FƐSƆ 6:24

Bɛlɛ́ Ngalángi háá bɔwɔí í ɣɛ́ sítii kpɛ́lɛɛ mbɛ́ tiyɛ́i ti longɔ́ ngáá Ndemɔí Jísu Kílisitii kúnafɔ taá ngi ndá gúnafɔ.

FÉLEPA 2:19

Ná wɔ́lii áá ɣɛ́ ngáá Ndemɔí Jísu luw̃áma h̃ú háa, kí tɔ́ na ngáá ngí Tímoti lɔve wú yéle h̃umbuwa kɛinɔɔ́ í yángaima ngéle í fái sítii suu ɣɛ ngáá ngé táa híya ngáá wú ye ngáá sí áá nduwúh̃ulɛ ngáá ngé.

FÉLEPA 2:5

Kule lɔ wú w̃á wú gísiyaitii ti ɣɛ́ kíya Jísu Kílisitii ndái í ɣɛ́i na.

FÉLEPA 3:12

Ngáá ndéma ngáá kɛ kɛɛlɛ ngáá ní gɛ́ɛ́hɔ pandaí wa. Kɛ́ nyá lɔ́ɔ yákpa gíte ngáá lií kpɛ́lɛɛ fái sítii kɛ fááw̃a, bɔw̃álale Jísu Kílisitii i naa gúlaa kɛlɛ́ma mbɛ́ ngáá ní ndá kɛinɔɔ́ ngí kɛ.

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

FÉLEPA 3:8

Aá ɣéle p̃ɛ́ɛ́ kulasuunúmai í Kílisitii wɔ́lɔndai h̃u ngáá kíya í na, ná nuu fíli áá faa fíli súw̃a maa gúlasuunumai ná w̃a, ngáá maa hái ná kpɛ́lɛɛ ngéɣe ngáá faa ỹááka. Sífaa ngí lokogúlaa faa kpɛ́lɛɛ sú ngí ti yeɣé ngáá faa ỹááka ngáá kɛinɔɔ́ ngí hómbo ngí ɣɛ́ ngáá Jísu Kílisitii nuu lɛ́i í ngáá Ndémɔi.

TƐSALÓNIKA HESENDAA GƆLƆÍ 1:1

Nyɛ́i ngi ngáá Pɔ́ɔ í baha Sáilɔ wa ɛ́ɣɛ Tímoti, niỹa lɔ níwaa kɔlɔí sí vɔ́nɛ wú yéle wɛ́i wú ngáá Ngala fɛ́li mbélai taí sí h̃u taá náá lolí ngáá Tɛsalónika, wɛ́i wú mu Kɛ́ɛ́ɣɛ Ngalá fááw̃a ɛ́ɣɛ mu Lemɔ́i Jísu Kílisitii. Bɛ́lɛ Ngalángi háá bɔwɔí ɛ́ɣɛ ngí lííhei ti ɣɛ́ wú yɛ́.

TƐSALÓNIKA HESENDAA GƆLƆÍ 2:2

Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.

TƐSALÓNIKA GƆ́LƆI HELE KÉLEI 1:1

Nyɛ́i ngí ngáá Pɔ́ɔ í báha Sáilɔ wa ɛ́ɣɛ Tímoti, niỹá lɔ́ níwaa kɔlɔí sí vɔ́nɛ wú yéle wɛ́i wú ngáá Ngala fɛ́li mbélai taí sí h̃u taá náá lolí ngáá Tɛsalónika, wɛ́i wú mu Kɛ́ɛ́ɣɛ Ngalá fááw̃a ɛ́ɣɛ mu Lemɔ́i Jísu Kílisitii.

TƐSALÓNIKA GƆ́LƆI HELE KÉLEI 1:10

Ná áá ɣɛ́ fóloi ná w̃a Ndemɔí Jísu áá gúla ngelegóóh̃u í vá ngeleí sí wu, sítii kínɛi ti ngáá ngi vóngaitii taá ndaaw̃áálɛ. Ná wáá ngáá, sítii kínɛi ti langɔ lá taá ngúfema hé mbɛ. Wá bɛ́lɛ pá wáá ɣɛ́ ngáá nungái nátii tí tá bɔw̃álale, wú lánga ngáá keela wói ní ndéngɔ wú w̃a kɔwɔ́ato Jísu wa.

TÍMOTI HESENDAA GƆLƆÍ 1:2

Nyá lɔɔ kɔlɔí sí vɔ́nɛ í yéle, Tímoti, yɛ́i yí ngáá kpɔ́wɔ bɔ́wɔ lóu ɣɛ́ kíli mu lángi w̃áá véle w̃a Ngala fái h̃u. Bɛlɛ́ Kɛɛɣɛí Ngalá ɛ́ɣɛ mu Lemɔ́i Jísu Kílisitii ti háá bɔwɔí ɛ́ɣɛ tí yááh̃u w̃ááw̃aanui ɛ́ɣɛ tí lííhei tí ɣɛ́ í yɛ́.

TÍMOTI HESENDAA GƆLƆÍ 3:8

Ngala fɛ́li mbélai ti bɔ́mba yélaitii bɛ́lɛ kɛ ngufema í ɣɛ́ ti gɛɛ háitii ma. Ti vɔɔnángɔ í ɣɛ la, ná vólu, tálaa ɣɛ́ ngáá ndɔɔ bɔ́le mbélaa walá aáva naholó háá vílingɔ álaa ɣɛ́ la ti lii vólu.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

TÁITƆ 1:7

Ngala fɛ́li mbélai ti wutúwɔɔ w̃ɔ́ɔ fíli aá lɔ́ ngáá Ngalá ngénge mɔ́ɔ. Faalɔ, tɔmbema w̃áá fíli álaa ɣɛ́ maa w̃ɔi wa. Maa w̃ɔ́i álaa ɣɛ ngáá suuwɔɔlɔ́ w̃ɔ́ɔ́ ɛ́ɣɛ ndiibándi bándi w̃ɔ́ɔ́, kɛlaa ɔ́ɔ́ ɣɛ́ ngáá nuu áá ɣɛ́ ndɔɔ hou h̃u ɔɔ, ɔ́ɔ́ ɣɛ́ ngáá ndapí gúla mɔ́ɔ́. Álaa ɣɛ́ ngáá kahá w̃ɔ́ɔ́ yawo wɔndaa híí fíli su.

FELÉMO 1:1

Nyɛ́i ngí ngáá Pɔ́ɔ, ngí ngáá pelésina sífaa nyá lɔ́ɔ yénge Jísu Kílisitii yɛ, nyá ɛ́ɣɛ mú mbála Yalá fɛli mɔ́i Tímoti niỹa lɔ́ náa kɔlɔí sí vɔ́nɛ í yéle Felémo, yɛ́i yí ngáá mu mbála vandái ɛ́ɣɛ mu mbála yengé mɔ́ɔ,

HÍBULU 13:23

Ndóngɔɔ lé wú ɣɛ́ faa wɔ́lɔ mba ngáá a mu mbála Yalá fɛ́li mɔ́i sí taa ɣɛ́ ma Tímoti tí kulangá kpindi vɛlɛ́i wu. Ná áá vá h̃úmbuwa, ngáá ɣɛ lói ní vá naá láa wú yéle ni wú lɔ.

JIMISÍ 1:1

Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.

PÍTƐ HESENDAA GƆLƆÍ 2:25

Wú ɣɛ́ngɔ náá káka péle wa kíya nɔ́ɔ mbaalaí áá ɣɛ́ na ndongɔ́ áá ɣɛ́ lá su. Kɛ́ Ngalá ngí mɔɔ vaá ngáá wú ye Jísu Kílisitii yéle lɛ́i í ngáá wú W̃ááh̃u Béle Mɔ́i.

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 2:12

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii maah̃u tí Pɛgɔ́mɔ tai h̃u. ‘Sí lɔ́ í ngáá keela wói áa gúla síí w̃ɔ́i yáa mbowá hɔ́kpɔ yándiili ndái í mba féle í ndá.

FAA YÁKƐ KƆ́LƆI 2:8

I mɔɔ ɣɛi má, “Kééla wói sí vɔ́nɛ malékai sí yéle í Ngala fɛ́li mbélaitii maah̃u tí Símɛna taa h̃u. ‘Sí lɔ́ í ngáá kééla wói áá gúla síí w̃ɔ́i yaá í ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i, lɛ́i í háángɔ, kɛ́ i ndɛɛh̃uu h̃ú múl̃ɔ.

FAA YÁKƐ KƆ́LƆI 22:9

Kɛ́ malékai i ɣɛi ma, “Yaa ná ɣɛ́! Ngalá tɔ́ nɔ́ɔ yáá fɛli. Nyá bɛ́lɛ nyá lɔ́ nɔ́ɔ ngáá Ngala ngénge mɔɔ́ kíya nɔ́ɔ yí na, ɛ́ɣɛ í mbála Yalá ndaa háá lé mbélai ɛ́ɣɛ sítii kpɛ́lɛɛ ti golongɔ́ ngoí sítii mbu tí kɔ́lɔi sí h̃u!”